ಸಿನಿಮಾ ರಂಗದಲ್ಲಿ ಫ್ಲಾಪ್ ಆದರೂ ಕಿರುತೆರೆಯಲ್ಲಿ ಮಿಂಚಿ ಸ್ಟಾರ್ ಪಟ್ಟಕ್ಕೇರಿದ ನಟಿ !ಒಂದು ಎಪಿಸೋಡ್ ಗೆ ಪಡೆಯುವ ಸಂಭಾವನೆ ಒಂದೂವರೆ ಲಕ್ಷಕ್ಕೂ ಅಧಿಕ

ಅನೇಕ ಬಾರಿ, ನಟರು ದೂರದರ್ಶನದಲ್ಲಿ ತಮ್ಮ ನಟನಾ ಪ್ರಯಾಣವನ್ನು ಪ್ರಾರಂಭಿಸುತ್ತಾರೆ ಮತ್ತು ಕ್ರಮೇಣ ಬಾಲಿವುಡ್‌ಗೆ ಪರಿವರ್ತನೆ ಮಾಡುತ್ತಾರೆ.   

ಕೆಲವರು ಸಿನಿಮಾರಂಗದಲ್ಲಿ ಥಟ್ ಅಂತ ಹಿಟ್ ಆದರೆ ಇನ್ನು ಕೆಲವರು ನೆಲೆಯೂರಲು ಬಹಳ ಕಷ್ಟ ಪಡಬೇಕಾಗುತ್ತದೆ. ಎಷ್ಟೇ ಪ್ರಯತ್ನ ಪಟ್ಟರೂ, ಹೋರಾಟ ನಡೆಸಿದರೂ ಮೇಲೇಳುವುದು ಸಾಧ್ಯವಾಗುವುದೇ ಇಲ್ಲ. 

ಕೆಲವೊಮ್ಮೆ, ವೈಯಕ್ತಿಕ ಬದುಕೇ ವೃತ್ತಿಪರ ಬೆಳವಣಿಗೆಗೆ ಅಡ್ಡಿಯಾಗುತ್ತವೆ. ಕಣ್ಣು ಮಿಟುಕಿಸುವುದರಲ್ಲಿ, ಸ್ಟಾರ್ಡಮ್ ಕಳೆದುಕೊಳ್ಳುತ್ತಾರೆ. 

ನಾವು ಹೇಳುತ್ತಿರುವ ನಟಿ ಐಶ್ವರ್ಯಾ ರೈ ಜೊತೆ ತೆರೆ ಹಂಚಿಕೊಂಡವರು.ಆದ್ರೆ ಸಿನಿಮಾ ರಂಗದಲ್ಲಿ ಹೆಸರು ಮಾಡುವಲ್ಲಿ ಸಂಪೂರ್ಣ ವಿಫಲರಾದವರು. ಇದರಿಂದಾಗಿ ಖಿನ್ನತೆಗೂ ಒಳಗಾಗಿದ್ದರು.   

ಆದರೆ ಇಂದು ಕಿರುತೆರೆಯಲ್ಲಿ ಒಂದರ ಹಿಂದೆ ಒಂದರಂತೆ ಹಿಟ್ ಶೋ ಗಳನ್ನೂ ನೀಡುತ್ತಾ ಬಂದು ಟಿವಿ ಜಗತ್ತಿನ ಬಹು ಬೇಡಿಕೆಯ ನಟಿ ಎನಿಸಿಕೊಂಡಿದ್ದಾರೆ. ಪ್ರತಿ ಸಂಚಿಕೆಗೆ 1.5 ಲಕ್ಷ ಸಂಭಾವನೆ ಪಡೆಯುವ ಈ ನಟಿ ಇಂದು ಐಷಾರಾಮಿ ಜೀವನಶೈಲಿಯ ಬದುಕು ಕಂಡುಕೊಂಡಿದ್ದಾರೆ.

ಆ ನಟಿ ಬೇರೆ ಯಾರೂ ಅಲ್ಲ ಧಾರವಾಹಿಗಳಲಿ ಮಿಂಚಿ ಮನೆ ಮಾತಾಗಿರುವ ನಟಿ ಅನಿತಾ ಹಾಸನಂದಾನಿ.   

ಇವರು ಬಾಲಿವುಡ್ ಪ್ರಾಜೆಕ್ಟ್‌ಗಳಾದ ಯೇ ದಿಲ್, ಕುಚ್ ತೋ ಹೈ, ಕೃಷ್ಣಾ ಕಾಟೇಜ್ ಮತ್ತು ಕೋಯಿ ಆಪ್ ಸಾ, ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಆದ್ರೆ ಎಲ್ಲವೂ ಗಲ್ಲಾಪೆಟ್ಟಿಗೆಯಲ್ಲಿ ಫ್ಲಾಪ್. 

ನಂತರ ಏಕ್ತಾ ಕಪೂರ್ ಧಾರಾವಾಹಿ ಮೂಲಕ ಮಿಂಚಿದ ಅನಿತಾ, ಇಂದು ಹಿಂದಿ ಧಾರಾವಾಹಿ ಜಗತ್ತಿನಲ್ಲಿ ಬಹು ಬೇಡಿಕೆಯ ಮತ್ತು ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ನಟಿಯರಲ್ಲಿ ಒಬ್ಬರು.