ಅವಳಿ ಮಕ್ಕಳು ಹುಟ್ಟುವುದು ಹೇಗೆ...? ಅವಳಿ ಬಾಳೆಹಣ್ಣು ತಿಂದ್ರೆ ನಿಜವಾಗ್ಲೂ ಅವಳಿ ಮಕ್ಕಳು ಜನಿಸುತ್ತಾ?

ಅವಳಿ ಮಕ್ಕಳನ್ನು ಎಲ್ಲರೂ ನೋಡಿರುತ್ತೇವೆ. ಒಂದಷ್ಟು ಅವಳಿಗಳು ಒಂದೇ ರೀತಿ ಕಾಣಿಸಿದರೆ, ಮತ್ತೂ ಒಂದಷ್ಟು ಒಂದೇ ಸಮಯದಲ್ಲಿ ಜನಿಸಿದರೂ ನೋಟದಲ್ಲಿ ವಿಭಿನ್ನವಾಗಿರುತ್ತಾರೆ. ಅಷ್ಟಕ್ಕೂ ಅವಳಿ ಮಕ್ಕಳು ಹುಟ್ಟುವುದು ಹೇಗೆ? ಒಂದೇ ವೀರ್ಯದಲ್ಲಿ ಎರಡು ಮಕ್ಕಳು ಜನಿಸಲು ಸಾಧ್ಯವಾ? ಈ ಎಲ್ಲಾ ಆಶ್ಚರ್ಯಕರ ಸಂಗತಿಗೆ ಇಲ್ಲಿ ಉತ್ತರ ಕಂಡುಕೊಳ್ಳೋಣ.

ಸಾಮಾನ್ಯವಾಗಿ ಮಹಿಳೆಯು ಒಂದು ಮಗುವಿಗೆ ಜನ್ಮ ನೀಡುತ್ತಾಳೆ. ಅನೇಕ ಬಾರಿ ಎರಡು ಅಥವಾ ಅದಕ್ಕಿಂತ ಹೆಚ್ಚು ಮಕ್ಕಳಿಗೆ ಜನ್ಮ ನೀಡುತ್ತಾಳೆ.

ಮಹಿಳೆಯರು ತಮ್ಮ ಪೀರಿಯಡ್ಸ್‌ನ ನಂತರ 10 ದಿನಗಳಿಂದ 18 ದಿನಗಳವರೆಗೆ ಸಂತಾನ (ಎಗ್)‌ವನ್ನು ಉತ್ಪಾದಿಸುತ್ತಾರೆ. ಇದನ್ನು ಓವಮ್ ಎಂದು ಕರೆಯಲಾಗುತ್ತದೆ. ಈ ಸಮಯದಲ್ಲಿ, ಪುರುಷ ಮತ್ತು ಮಹಿಳೆ ದೈಹಿಕ ಸಂಬಂಧವನ್ನು ಹೊಂದಿರುವಾಗ, ಪುರುಷನ ವೀರ್ಯದಲ್ಲಿರುವ ಒಂದು ವೀರ್ಯವು ಮೊಟ್ಟೆಯನ್ನು ಪ್ರವೇಶಿಸುತ್ತದೆ. ಈ ಪ್ರಕ್ರಿಯೆಯನ್ನು ಗರ್ಭದಾನ ಎಂದು ಕರೆಯಲಾಗುತ್ತದೆ. ಅಂದರೆ ಮಹಿಳೆ ಗರ್ಭಿಣಿಯಾಗುತ್ತಾಳೆ. 280 ದಿನಗಳ ನಂತರ ಮಹಿಳೆ ಮಗುವಿಗೆ ಜನ್ಮ ನೀಡುತ್ತಾಳೆ.

ಈ ವಿಷಯಕ್ಕೆ ಎರಡು ಸಾಧ್ಯತೆಗಳಿವೆ. ಒಂದು... ಕೆಲವೊಮ್ಮೆ ಗರ್ಭಧಾರಣೆಯ ಪ್ರಕ್ರಿಯೆಯ ನಂತರ ಮೊಟ್ಟೆ ಎರಡು ಭಾಗಗಳಾಗಿ ವಿಂಗಡನೆಯಾಗುತ್ತದೆ. ಈ ಪರಿಸ್ಥಿತಿಯಲ್ಲಿ, ಎರಡು ಪ್ರತ್ಯೇಕ ಶಿಶುಗಳು ಗರ್ಭಾಶಯದಲ್ಲಿ ಬೆಳೆಯುತ್ತವೆ. ಹೀಗಾಗಿ ಎರಡು ಶಿಶುಗಳು ಏಕಕಾಲದಲ್ಲಿ ಜನಿಸುತ್ತವೆ. ಈ ರೀತಿಯಲ್ಲಿ ಜನಿಸಿದ ಮಕ್ಕಳು ಒಂದೇ ಆಕಾರ, ಬಣ್ಣ ಮತ್ತು ಗಾತ್ರವನ್ನು ಹೊಂದಿರುತ್ತಾರೆ. ಅವರ ಲಿಂಗವು ಒಂದೇ ಆಗಿರುತ್ತದೆ. ಅಂದರೆ ಈ ಇಬ್ಬರೂ ಮಕ್ಕಳು ಹುಡುಗಿಯರಾಗಿರುತ್ತಾರೆ ಅಥವಾ ಇಬ್ಬರೂ ಹುಡುಗರಾಗಿರುತ್ತಾರೆ. ಒಂದೇ ಮೊಟ್ಟೆಯಿಂದ ಹುಟ್ಟಿರುವುದು ಇದಕ್ಕೆ ಕಾರಣ.

ಎರಡನೇ ಅಂಶ ಎಂದರೆ, ಪುರುಷನ ವೀರ್ಯದಿಂದ ಎರಡು ವೀರ್ಯಗಳು ಮಹಿಳೆಯ ಪ್ರತ್ಯೇಕ ಮೊಟ್ಟೆಗಳನ್ನು ಪ್ರವೇಶಿಸುತ್ತವೆ. ಈ ಕಾರಣದಿಂದಾಗಿ, ಎರಡು ಮಕ್ಕಳ ಬೆಳವಣಿಗೆಯು ಗರ್ಭದಲ್ಲಿ ಮುಂದುವರಿಯುತ್ತದೆ. ನಿಗದಿತ ಸಮಯದ ನಂತರ, ಎರಡು ಮಕ್ಕಳು ಜನಿಸುತ್ತವೆ. ಈ ರೀತಿಯಲ್ಲಿ ಜನಿಸಿದ ಮಕ್ಕಳು ಪರಸ್ಪರ ಭಿನ್ನವಾಗಿರುತ್ತವೆ. ಈ ಇಬ್ಬರು ಮಕ್ಕಳ ಲಿಂಗ ಒಂದೇ ಆಗಿರಬಹುದು ಅಥವಾ ವಿಭಿನ್ನವಾಗಿರಬಹುದು.

ಕೆಲವು ಸಂಶೋಧನೆ ಪ್ರಕಾರ, ಕೆಲ ಮಹಿಳೆಯರು 30 ವರ್ಷ ವಯಸ್ಸಿನ ನಂತರ ಮಕ್ಕಳನ್ನು ಹೊಂದಲು ಬಯಸುತ್ತಾರೆ. ಈ ಕಾರಣದಿಂದಾಗಿ ಸಹ ಅಂತಹವರಿಗೆ ಹೆಚ್ಚಾಗಿ ಅವಳಿ ಮಕ್ಕಳು ಜನಿಸುವ ಸಾಧ್ಯತೆ ಇದೆ. ಇನ್ನು ಇದು ಅನುವಂಶಿಕವಾಗಿಯೂ ಸಹ ಇರಬಹುದು.

ಹೆಣ್ಣು ಅವಳಿ ಬಾಳೆಹಣ್ಣು ತಿಂದರೆ ಅವಳಿ ಮಕ್ಕಳ ತಾಯಿಯಾಗುತ್ತಾಳೆ ಎಂಬ ನಂಬಿಕೆ ನಮ್ಮ ಸಂಸ್ಕೃತಿಯಲ್ಲಿದೆ. ಆದರೆ ಬಾಳೆಹಣ್ಣು ತಿನ್ನುವುದಕ್ಕೂ ಅವಳಿ ಮಕ್ಕಳಾಗುವುದಕ್ಕೂ ಯಾವುದೇ ಸಂಬಂಧವಿಲ್ಲ ಎಂದು ವಿಜ್ಞಾನ ಸ್ಪಷ್ಟವಾಗಿ ಹೇಳುತ್ತದೆ. ಇದು ಕೇವಲ ವದಂತಿ. ಮೂಢನಂಬಿಕೆ ಬಿಟ್ಟರೆ ಬೇರೇನೂ ಇಲ್ಲ.