ಇಂದಿನಿಂದ ಬದಲಾಗಿವೆ ಈ ಮುಖ್ಯ ನಿಯಮಗಳು, ಗ್ರಾಹಕರ ಜೇಬಿನ ಮೇಲೆ ಬೀಳಲಿದೆ ಪರಿಣಾಮ

ವಾಣಿಜ್ಯ ಗ್ಯಾಸ್ ಸಿಲಿಂಡರ್ ಬೆಲೆಯಲ್ಲಿ ಇಂದಿನಿಂದ  91.5 ರೂ. ಕಡಿತವಾಗಿದೆ. ವಾಣಿಜ್ಯ ಸಿಲಿಂಡರ್‌ಗಳ ಬೆಲೆಯಲ್ಲಿ ಸತತ ಐದನೇ ಬಾರಿ ಇಳಿಕೆಯಾಗಿದೆ. ಮೇ ತಿಂಗಳಲ್ಲಿ ಸಿಲಿಂಡರ್  2354 ರೂ.ಗೆ ತಲುಪಿತ್ತು.

ವಿಮಾ ಪಾಲಿಸಿಯ ಪ್ರೀಮಿಯಂ ಅನ್ನು ಸೆಪ್ಟೆಂಬರ್ 1 ರಿಂದ ಕಡಿಮೆ ಮಾಡಲಾಗುತ್ತದೆ. ಸಾಮಾನ್ಯ ವಿಮೆಯ ನಿಯಮಗಳಲ್ಲಿ ಐಆರ್‌ಡಿಎ ಮಾಡಿದ ಬದಲಾವಣೆಗಳ ನಂತರ, ಗ್ರಾಹಕರು ಈಗ ಏಜೆಂಟ್‌ಗೆ ಶೇಕಡಾ 30 ರಿಂದ 35 ರ ಬದಲಿಗೆ ಕೇವಲ 20 ಪ್ರತಿಶತದಷ್ಟು ಕಮಿಷನ್ ಅನ್ನು ಪಾವತಿಸಬೇಕಾಗುತ್ತದೆ. ಇದು ಪ್ರೀಮಿಯಂ ಮೇಲೆ ಪರಿಣಾಮ ಬೀರುತ್ತದೆ.

ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಗ್ರಾಹಕರಿಗೆ KYC ಅನ್ನು ನವೀಕರಿಸುವ ದಿನಾಂಕ ಆಗಸ್ಟ್ 31 ಆಗಿತ್ತು.  ಇನ್ನು ಕೂಡಾ KYC ಅನ್ನು ನವೀಕರಿಸದಿದ್ದರೆ ನಿಮ್ಮ ಖಾತೆಯನ್ನು ನಿರ್ಬಂಧಿಸಬಹುದು. ಅಂದರೆ, ಖಾತೆಯನ್ನು ನಿರ್ವಹಿಸಲು  ನಿಮಗೆ ಸಾಧ್ಯವಾಗುವುದಿಲ್ಲ. 

ಸೆಪ್ಟೆಂಬರ್ 1 ರಿಂದ ರಾಷ್ಟ್ರೀಯ ಪಿಂಚಣಿ ಯೋಜನೆಯಲ್ಲಿ ಖಾತೆ ತೆರೆಯಲು ಪಾಯಿಂಟ್ ಆಫ್ ಪ್ರೆಸೆನ್ಸ್ ಕಮಿಷನ್ ನೀಡಲಾಗುವುದು. ಎನ್‌ಪಿಎಸ್‌ನಲ್ಲಿ ಹೂಡಿಕೆದಾರರಿಗೆ ನೋಂದಣಿ ಮತ್ತು ಇತರ ಸೌಲಭ್ಯಗಳು ಪಿಒಪಿ ಮೂಲಕ ಮಾತ್ರ ಲಭ್ಯವಾಗುತ್ತವೆ. ಇಂದಿನಿಂದ ಪಿಒಪಿಗೆ 10 ರಿಂದ 15 ಸಾವಿರ ರೂ.ವರೆಗೆ ಕಮಿಷನ್ ನೀಡಲಾಗುವುದು.

ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ ಅಡಿಯಲ್ಲಿ KYC ಅನ್ನು ಪಡೆಯಲು ಕೊನೆಯ ದಿನಾಂಕ ಆಗಸ್ಟ್ 31 ಆಗಿತ್ತು. ಸರ್ಕಾರವು ಪುನರಾವರ್ತಿತ ದಿನಾಂಕವನ್ನು ವಿಸ್ತರಿಸಿದ ನಂತರವೂ  KYC ಮಾಡಲು ಸಾಧ್ಯವಾಗದಿದ್ದರೆ,  12 ನೇ ಕಂತಿನ ಪ್ರಯೋಜನವನ್ನು ಪಡೆಯುವುಡು ಸಾಧ್ಯವಾಗುವುದಿಲ್ಲ. KYC ಅನ್ನು ಪೂರ್ಣಗೊಳಿಸಿದವರ ಖಾತೆಗಳಿಗೆ ಮಾತ್ರ ಸರ್ಕಾರವು ಹಣವನ್ನು ವರ್ಗಾಯಿಸುತ್ತದೆ.