KL Rahul Lifestyle: ಟೀ ಇಂಡಿಯಾ ಸ್ಟಾರ್ ಕೆ.ಎಲ್.ರಾಹುಲ್ ಐಷಾರಾಮಿ ಬದುಕು ಹೇಗಿದೆ ನೋಡಿ…

ಕೆ.ಎಲ್.ರಾಹುಲ್ ಬೆಂಗಳೂರಿನಲ್ಲಿ ಸನ್ ಡೆಕ್ ಹೊಂದಿರುವ ಐಷಾರಾಮಿ ಅಪಾರ್ಟ್ಮೆಂಟ್ ಹೊಂದಿದ್ದಾರೆ. ಈ ಸ್ಥಳದಲ್ಲಿ ರಾಹುಲ್ ವರ್ಕೌಟ್ ಕೂಡ ನಡೆಸುತ್ತಿದ್ದಾರೆ. ಇದು ಆಧುನಿಕ ಶೈಲಿ ಮತ್ತು ಅತ್ಯುತ್ತಮ ಪೀಠೋಪಕರಣಗಳೊಂದಿಗೆ ಮಿಶ್ರಣವಾಗಿದೆ.

ಕೆ.ಎಲ್.ರಾಹುಲ್ ಸೊಗಸಾದ ಕೈಗಡಿಯಾರಗಳನ್ನು ಇಷ್ಟಪಡುತ್ತಾರೆ. ಅವರ ಬಳಿ ಲಕ್ಸುರಿಯಸ್ ವಾಚ್ ಗಳ ಸಂಗ್ರಹವೇ ಇದೆ. 27 ಲಕ್ಷ ರೂ. ಮೌಲ್ಯದ ರೋಲೆಕ್ಸ್(Rolex), 8 ಲಕ್ಷ ರೂ. ಮೌಲ್ಯದ ಪನೇರೈ (Panerai), 38 ಲಕ್ಷ ರೂ. ಮೌಲ್ಯದ rose gold Sky-Dweller Rolex ಮತ್ತು 19 ಲಕ್ಷ ರೂ. ಮೌಲ್ಯದ ಔಡೆಮರ್ಸ್ ಪಿಗುಯೆಟ್ ರಾಯಲ್ ಓಕ್(Audemars Piguet Royal Oak) ಸೇರಿದಂತೆ ಅನೇಕ ಲಕ್ಸುರಿಯಸ್ ವಾಚ್ ಗಳನ್ನು ರಾಹುಲ್ ಹೊಂದಿದ್ದಾರೆ.  

ಕೆ.ಎಲ್.ರಾಹುಲ್ ಮರ್ಸಿಡಿಸ್ C43 AMG ಸೆಡಾನ್ ನ ಹೆಮ್ಮೆಯ ಮಾಲೀಕರಾಗಿದ್ದಾರೆ. ಈ ಕಾರು 250kph ಗರಿಷ್ಠ ವೇಗವನ್ನು ಹೊಂದಿದೆ. ಅಲ್ಲದೆ  ಕೇವಲ 4.7 ಸೆಕೆಂಡುಗಳಲ್ಲಿ 0-100kph ಕ್ರಮಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದಲ್ಲದೆ ರಾಹುಲ್ ಬಿಎಂಡಬ್ಲ್ಯು ಸ್ಪೀಡ್ ಸ್ಟರ್(Speedster) ಅನ್ನು ಕೂಡ ಹೊಂದಿದ್ದಾರೆ.

ಟೀಂ ಇಂಡಿಯಾ ಸ್ಟಾರ್ ಆಟಗಾರ ಕೆ.ಎಲ್.ರಾಹುಲ್ ಹೆಚ್ಚಾಗಿ ರಜಾದಿನಗಳಲ್ಲಿ ಮೋಜು-ಮಸ್ತಿಗಳಲ್ಲಿ ನಿರತರಾಗಿರುತ್ತಾರೆ. ಅವರು ಹೆಚ್ಚು ಜನಸಂದಣಿಯನ್ನು ಇಷ್ಟಪಡುವುದಿಲ್ಲ. ಹೀಗಾಗಿ ಲಂಡನ್, ಆಸ್ಟ್ರೇಲಿಯಾ ಮತ್ತು ಕರಾವಳಿ ತೀರಗಳಿಗೆ ರಜಾಮಜಾ ಆನಂದಿಸಲು ಇಷ್ಟಪಡುತ್ತಾರೆ.