ಕಳೆದ 8 ತಿಂಗಳಲ್ಲಿ ಸಂಪೂರ್ಣ ನೆಲ ಕಚ್ಚಿದ ಬಾಲಿವುಡ್ ಸಿನಿಮಾಗಳಿವು ..!

ರಕ್ಷಾ ಬಂಧನ: ಅಕ್ಷಯ್ ಕುಮಾರ್ ಅವರ 2022 ರಲ್ಲಿ ಬಿಡುಗಡೆಯಾದ ಮೂರನೇ ಚಿತ್ರ ಇದಾಗಿದೆ. ಆದರೆ ಈ ಚಿತ್ರ ಕೂಡಾ ಯಾವುದೇ ರೀತಿಯ ಮ್ಯಾಜಿಕ್ ಮಾಡಲೇ ಇಲ್ಲ. ಈ ಚಿತ್ರ ಇದುವರೆಗೆ ಗಳಿಸಿದ್ದು ಕೇವಲ  34 ಕೋಟಿ ಎಂದು ಹೇಳಲಾಗುತ್ತಿದೆ.  

ಲಾಲ್ ಸಿಂಗ್ ಚಡ್ಡಾ: ಬಹಳ ಸಮಯದ ನಂತರ ಅಮೀರ್ ಲಾಲ್ ಸಿಂಗ್ ಚಡ್ಡಾ ಮೂಲಕ ತೆರೆ ಮೇಲೆ ಬಂದಿದ್ದಾರೆ. ಕೆಲವರು ಈ ಚಿತ್ರವನ್ನು ಇಷ್ಟಪಟ್ಟಿದ್ದಾರೆ. ಆದರೆ ಬಹುತೇಕ ಮಂದಿ ಈ ಚಿತ್ರದಿಂದ ದೂರವೇ ಉಳಿದಿದ್ದಾರೆ. ಅಮೀರ್ ಖಾನ್ ಅವರ ಬು ನಿರೀಕ್ಷಿತ ಚಿತ್ರ ಈ ರೀತಿ ಸೋಲುತ್ತದೆ ಎಂದು ಯಾರೂ ಅಂದುಕೊಂಡಿರಲಿಕ್ಕಿಲ್ಲ. 180 ಕೋಟಿಯ ಈ ಚಿತ್ರ 50 ಕೋಟಿ  ಗಳಿಸುವಲ್ಲಿ ಮಾತ್ರ ಸಫಲವಾಗಿದೆ.       

ಶಂಶೇರಾ: ರಣಬೀರ್ ಕಪೂರ್ ಅಭಿನಯದ ಶಂಶೇರಾ ಚಿತ್ರದ ಟ್ರೇಲರ್ ನೋಡಿ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಸದ್ದು ಮಾಡುವ ನಿರೀಕ್ಷೆ ಇತ್ತು. ಆದರೆ ಚಿತ್ರ ಬಿಡುಗಡೆಯಾದಾಗ ಅದರ ವಿಮರ್ಶೆ ಎಲ್ಲರಲ್ಲೂ ಅಚ್ಚರಿ ಮೂಡಿಸಿತ್ತು. 

ಸಾಮ್ರಾಟ್ ಪೃಥ್ವಿರಾಜ್ ಚೌಹಾಣ್: ಇನ್ನು ಈ ವರ್ಷ ಬಿದುಗದೆತಾದ ಅಕ್ಷಯ್ ಕುಮಾರ ಅಭಿನಯದ ಎರಡನೇ ಚಿತ್ರ ಪೃಥ್ವಿರಾಜ್  ಚೌಹಾಣ್.  ಈ ಚಿತ್ರ ಕೂಡಾ ಅತ್ಯಂತ ಹೀನಾಯವಾಗಿ ಸೋತಿದೆ. ಚಿತ್ರ ವೀಕ್ಷಣೆಗೆ ಪ್ರೇಕ್ಷಕರೇ ಇಲ್ಲದ ಕಾರಣ ಪ್ರದರ್ಶನಗಳನ್ನು ರದ್ದುಗೊಳಿಸಬೇಕಾಯಿತು. ಈ ಚಿತ್ರ ನಿರ್ಮಾಣಕ್ಕೆ 300 ಕೋಟಿ ಖರ್ಚು ಮಾಡಲಾಗಿದ್ದು, ಚಿತ್ರ  ಗಳಿಸಿದ್ದು ಕೇವಲ  64 ಕೋಟಿ.   

ರಾಧೆ ಶ್ಯಾಮ್: ಪ್ರಭಾಸ್ ಮತ್ತು ಪೂಜಾ ಹೆಗ್ಡೆ ಅಭಿನಯದ ರಾಧೆ ಶ್ಯಾಮ್ ಕೂಡ ಈ ವರ್ಷ ಬಿಡುಗಡೆಯಾಡ ಚಿತ್ರಗಳಲ್ಲಿ ಒಂದು, ಇದು ಕೂಡಾ ಬಾಕ್ಸ್ ಆಫೀಸ್‌ನಲ್ಲಿ ಯಾವುದೇ ರೀತಿಯ ಮ್ಯಾಜಿಕ್ ಸೃಷ್ಟಿ ಮಾಡಲಿಲ್ಲ.  300 ಕೋಟಿ ವೆಚ್ಚದ ಈ ಚಿತ್ರ ಗಳಿಸಿದ್ದು 154 ಕೋಟಿ.    

ಬಚ್ಚನ್ ಪಾಂಡೆ: ಇನ್ನು ಈ ವರ್ಷದ ದೊಡ್ಡ ಫ್ಲಾಪ್ ಬಚ್ಚನ್ ಪಾಂಡೆ. ಈ ಚಿತ್ರದ ಬಗ್ಗೆ ಬಹಳ ದಿನಗಳಿಂದ ಚರ್ಚೆಗಳು ನಡೆಯುತ್ತಿದ್ದವು.  ಆದರೆ ವೀಕ್ಷಕ ಪ್ರಭುವಿಗೆ ಚಿತ್ರದ ಕಥೆ ಇಷ್ಟವಾಗಲಿಲ್ಲ. ಪರಿಣಾಮ  150 ಕೋಟಿ ರೂಪಾಯಿ ವೆಚ್ಚದ ಈ ಚಿತ್ರ  50 ಕೋಟಿ ಮಾತ್ರ ಗಳಿಸಲು ಶಕ್ತವಾಯಿತು.