IPL 2021: ಮೈದಾನಗಳ ಗ್ಯಾಲರಿಯಲ್ಲಿ ಕಾಣಿಸಿಕೊಂಡ ಗ್ಲಾಮರಸ್ ಸುಂದರಿಯರು
ಸನ್ ರೈಸರ್ಸ್ ಹೈದರಾಬಾದ್ ಆಟಗಾರ ಮನೀಶ್ ಪಾಂಡೆ ಅವರ ಪತ್ನಿ ಆಶ್ರಿತಾ ಶೆಟ್ಟಿ ಪ್ರಸಕ್ತ ಐಪಿಎಲ್ ಟೂರ್ನಿಯ ಪಂದ್ಯಗಳಲ್ಲಿ ತಮ್ಮ ಪತಿಯನ್ನು ಹುರಿದುಂಬಿಸುತ್ತಿದ್ದಾರೆ. ಅವರ ಸುಂದರ ನೋಟದ ನಗು ಎಲ್ಲರನ್ನೂ ಹುಚ್ಚರನ್ನಾಗಿಸುತ್ತದೆ. ಆಶ್ರಿತಾ ದಕ್ಷಿಣ ಭಾರತದ ಚಲನಚಿತ್ರೋದ್ಯಮದಲ್ಲಿ ಬಹಳ ಪ್ರಸಿದ್ಧ ನಟಿಯಾಗಿದ್ದಾರೆ. ಇವರು ಇಂದ್ರಜಿತ್ ಮತ್ತು ಉದಯಂ NH4 ಚಿತ್ರಗಳಲ್ಲಿ ನಟಿಸಿದ್ದಾರೆ.
ಕಾವ್ಯ ಮಾರನ್ ಹೈದರಾಬಾದ್ ತಂಡವನ್ನು ಯುಎಇಯಲ್ಲಿ ಬೆಂಬಲಿಸುತ್ತಿದ್ದಾರೆ. ಅವಳು ಸನ್ ಸಮೂಹದ ಮಾಲೀಕ ಕಲಾನಿಧಿ ಮಾರನ್ ಅವರ ಮಗಳು. ಸನ್ ರೈಸರ್ಸ್ ಹೈದರಾಬಾದ್ ಅವರ ಒಡೆತನದ ತಂಡ. ಕಾವ್ಯ ಮಾರನ್ ಮಾಜಿ ಕೇಂದ್ರ ಸಚಿವ ದಯಾನಿಧಿ ಮಾರನ್ ಅವರ ಸೊಸೆ ಕೂಡ. 29 ವರ್ಷದ ಕಾವ್ಯ ಸ್ವತಃ ಸನ್ ಮ್ಯೂಸಿಕ್ ಜೊತೆ ನಂಟು ಹೊಂದಿದ್ದಾರೆ. 2018ರ ಐಪಿಎಲ್ ಟೂರ್ನಿಯಲ್ಲಿ ಮೊದಲ ಬಾರಿಗೆ ಅವರು ತಮ್ಮ ತಂಡದ ಆಟಗಾರರನ್ನು ಹುರಿದುಂಬಿಸುವ ಉದ್ದೇಶದಿಂದ ಮೈದಾನದಲ್ಲಿ ಕಾಣಿಸಿಕೊಂಡಿದ್ದರು.
ಆರ್‌ಸಿಬಿ ಬೌಲರ್ ಕೈಲ್ ಜೇಮೀಸನ್ ಡಗ್‌ಔಟ್‌ನಲ್ಲಿ ಕುಳಿತಿದ್ದಾಗ ತನ್ನದೇ ಕ್ಯಾಂಪ್‌ನ ಹುಡುಗಿಯನ್ನು ನೋಡಿ ನಗುತ್ತಿರುವ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಮೀಮ್‌ಗಳ ಮೂಲಕ ಜೇಮೀಸನ್ ಅವರನ್ನು ಅಪಹಾಸ್ಯ ಮಾಡಲಾಯಿತು. ವೈರಲ್ ಆದ ಫೋಟೋದಲ್ಲಿ ಕಾಣಸಿಕೊಂಡ ಈ ಹುಡುಗಿ ಬೆಂಗಳೂರು ತಂಡದ ಮಸಾಜ್ ಥೆರಪಿಸ್ಟ್. ಕೆನಡಾದ ಪ್ರಜೆಯಾಗಿರುವ ಇವರ ಹೆಸರು ನವನಿತಾ ಗೌತಮ್.
ಮುಂಬೈ ಇಂಡಿಯನ್ಸ್ ಓಪನರ್ ಕ್ವಿಂಟನ್ ಡಿ ಕಾಕ್ ಅವರ ಪತ್ನಿ ಸಶಾ ಡಿ ಕಾಕ್ ಅವರು ಕ್ರೀಡಾಂಗಣದ ಸ್ಟ್ಯಾಂಡ್‌ನಲ್ಲಿ ಹೆಚ್ಚಾಗಿ ಕಾಣಿಸಿಕೊಂಡು ಗಮನ ಸೆಳೆದಿದ್ದಾರೆ. ಇವರು ಮುಂಬೈ ತಂಡದ ನಾಯಕ ರೋಹಿತ್ ಶರ್ಮಾ ಪತ್ನಿ ರಿತಿಕಾ ಸಜದೇಹ್ ಜೊತೆ ಉತ್ತಮ ಸ್ನೇಹ ಹೊಂದಿದ್ದಾರೆ. ಡಿ ಕಾಕ್ ಅವರನ್ನು ಮದುವೆಯಾಗುವ ಮೊದಲು ಸಶಾ ಐಪಿಎಲ್‌ನಲ್ಲಿ ಚೀರ್ ಲೀಡರ್ ಆಗಿದ್ದರು.
ಪ್ರಸಕ್ತ ಐಪಿಎಲ್ ಋತುವಿನಲ್ಲಿ ಯುಎಇಯ ಪ್ರಯಾಣದ ಅನುಭವವನ್ನು ತಮನ್ನಾ ವಹಿ ಹಂಚಿಕೊಂಡಿದ್ದಾರೆ. ಇವರು ಆಂಕರ್, ನಿರೂಪಕಿ ಮತ್ತು ವೃತ್ತಿಯಲ್ಲಿ ಪ್ರಭಾವಶಾಲಿಯಾಗಿದ್ದಾರೆ. ಇವರು ಅಬುಧಾಬಿಯಲ್ಲಿ ಜನಿಸಿದ್ದು, ಅಲ್ಲಿಯೇ ವಾಸಿಸುತ್ತಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ 80 ಸಾವಿರಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ. ಇತ್ತೀಚೆಗೆ ಇವರ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿವೆ.