ಇನ್ನು ಮುಂದೆ ಫಾರ್ಮ್ 16A ಅಗತ್ಯವಿಲ್ಲವೇ? TDS, TCS ನಿಯಮ ಬದಲಾವಣೆ : ಹಣಕಾಸು ಸಚಿವರ ಮುಂದಿನ ಮಹತ್ವದ ಪ್ಲಾನ್

ಫೆಬ್ರವರಿ 1 ರಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ 2025-26 ರ ಹಣಕಾಸು ವರ್ಷಕ್ಕೆ ಕೇಂದ್ರ ಬಜೆಟ್ ಅನ್ನು ಮಂಡಿಸಲಿದ್ದಾರೆ. ವಿವಿಧ ವಿಭಾಗಗಳು ಕೆಲವು ನಿರ್ದಿಷ್ಟ ಅಂಶಗಳ ಮೇಲೆ ನಿರೀಕ್ಷೆಗಳನ್ನು ಹೊಂದಿವೆ.

ಜನ ಸಾಮಾನ್ಯರ ನಿರೀಕ್ಷೆಗಳಲ್ಲಿ ಒಂದು ಭಾರತದಲ್ಲಿ ತೆರಿಗೆ ವ್ಯವಸ್ಥೆಯನ್ನು ಸರಳಗೊಳಿಸುವುದು.ಈ ಹಿನ್ನೆಲೆಯಲ್ಲಿ ತೆರಿಗೆ ವ್ಯವಸ್ಥೆಯನ್ನು ಸರಳಗೊಳಿಸಬೇಕು ಎನ್ನುವ ಬೇಡಿಕೆ ಕೂಡಾ ಹೆಚ್ಚುತ್ತಿದೆ. 

ಫೆಡರೇಶನ್ ಆಫ್ ಚೇಂಬರ್ಸ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿ (ಎಫ್‌ಐಸಿಸಿಐ) ಸೇರಿದಂತೆ ಉದ್ಯಮದ ಮುಖಂಡರು ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಅವರೊಂದಿಗೆ ತೆರಿಗೆ ಅನುಸರಣೆಯನ್ನು ಸರಾಗಗೊಳಿಸುವ ಮತ್ತು ವ್ಯವಹಾರಗಳು ಮತ್ತು  ನಿಯಮಗಳನ್ನು ಕಡಿಮೆ ಮಾಡುವಂತೆ ತಮ್ಮ ಬೇಡಿಕೆಗಳನ್ನು  ಇಟ್ಟಿದ್ದಾರೆ. 

TDS ಮತ್ತು TCS ವ್ಯವಸ್ಥೆಯ ಸರಳೀಕರಣವು FICCI ಯ ಮುಖ್ಯ ಶಿಫಾರಸುಗಳಲ್ಲಿ ಒಂದಾಗಿದೆ. ಬಹು ಹಂತದ ಟಿಡಿಎಸ್ ಮತ್ತು ಟಿಸಿಎಸ್ ದರಗಳನ್ನು ಎರಡು ಅಥವಾ ಮೂರು ಹಂತಗಳಿಗೆ ಇಳಿಸುವ ಪ್ರಸ್ತಾಪವನ್ನು ಪ್ರಸ್ತಾವನೆ ಒಳಗೊಂಡಿದೆ.

ಫಾರ್ಮ್ 16ಎ ಅಗತ್ಯವಿಲ್ಲ ಎನ್ನುವುದು ತಜ್ಞರ ಅಭಿಪ್ರಾಯ. ಅಗತ್ಯವಿರುವ TDS ವಿವರಗಳು ಈಗಾಗಲೇ ಫಾರ್ಮ್ 26AS ಮತ್ತು ವಾರ್ಷಿಕ ಮಾಹಿತಿ ಹೇಳಿಕೆಯಲ್ಲಿ (AIS) ಲಭ್ಯವಿದೆ. ಆದ್ದರಿಂದ, ತಜ್ಞರು ಫಾರ್ಮ್ 16A ಅನ್ನು ತೆಗೆದುಹಾಕಲು ಸಲಹೆ ನೀಡಿದ್ದಾರೆ.

ಹಣಕಾಸು ಸಚಿವರು ಟಿಡಿಎಸ್ ಮತ್ತು ಟಿಸಿಎಸ್ ವ್ಯವಸ್ಥೆಯನ್ನು ಸರಳಗೊಳಿಸಿದರೆ ಮತ್ತು  ತೆರಿಗೆ ಸ್ಲ್ಯಾಬ್‌ಗಳನ್ನು ಕಡಿಮೆ ಮಾಡಿದರೆ, ಇದು ತೆರಿಗೆದಾರರು ಮತ್ತು ಸಂಬಂಧಿತ ಸಂಸ್ಥೆಗಳಿಗೆ ಗೊಂದಲಮಯ ವಾತಾವರಣವನ್ನು ಕಡಿಮೆ ಆಡಲಿದೆ.