Jhanvi Kapoor: ಕಾಸ್ಟಿಂಗ್‌ ಕೌಚ್‌ ಬಗ್ಗೆ ಧಡಕ್‌ ಬೆಡಗಿ ಹೇಳಿದ್ದೇನು ಗೊತ್ತೇ?
ಇತ್ತೀಚೆಗೆ ಕಾಫಿ ವಿತ್ ಕರಣ್ ಶೋಗೆ ಬಾಲಿವುಡ್ ಸಹೋದರಿಯರಾದ ಜಾನ್ವಿ ಕಪೂರ್ ಮತ್ತು ಖುಷಿ ಕಪೂರ್ ಭಾಗಿಯಾಗಿದ್ದು, ಶೋನ ಸಕತ್ ಫೇಮಸ್ ರೌಂಟ್ ಆಗಿರುವ ರ್ಯಾಪಿಡ್ ಫೈರ್ ರೌಂಡ್‌ನಲ್ಲಿ, ಜಾನ್ವಿ ಕಪೂರ್ ನಿಜವನ್ನೇ ಹೇಳುವುದಾಗಿ ತಿಳಿಸಿದ್ದರು.
ಬಾಲಿವುಡ್ ನಟಿ ಜಾನ್ವಿ ಮೊದಲ ಬಾರಿಗೆ ತಂಗಿ ಖುಷಿ ಜೊತೆಗೆ ಕಾಣಿಸಿಕೊಂಡು ರ್ಯಾಪಿಡ್ ಫೈರ್ ರೌಂಡ್‌ನಲ್ಲಿ ಸಕತ್ ಬೋಲ್ಡ್ ಆಗಿಯೇ ಉತ್ತರ ನೀಡಿದ್ದಾರೆ.
ಜಾನ್ವಿ ಕಪೂರ್‌ಗೆ ಕರಣ್ ಜೋಹಾರ್, ಬಂದಿರುವ ಫ್ಲರ್ಟ್ ಮೆಸೇಜ್ ಬಗ್ಗೆ ಕೇಳಿದ್ದಾಗ, ಇದಕ್ಕೆ ನಗುತ್ತಲೇ ಉತ್ತರಿಸಿರುವ ಈಕೆ, ನನ್ನ ಉತ್ತರ ನಿಮ್ಮನ್ನು ಶಾಕ್ ಮಾಡಬಹುದು. ನನ್ನ ಮಾತು ಕೇಳಿ ನೀವು ನನ್ನ ಮೇಲೆ ಕೂಗಾಡಬಹುದು ಎಂದು ಎಚ್ಚರಿಕೆ ನೀಡುತ್ತಲೇ ಒಂದು ಘಟನೆಯನ್ನು ವಿವರಿಸಿದ್ದಾರೆ.
ಜಾನ್ವಿ ತನಗೆ ಬಂದ ಒಂದು ಮೆಸೇಜ್ ಬಗ್ಗೆ ಮಾತನಾಡುತ್ತಾ, "ಬಾಲಿವುಡ್ ನಟರೊಬ್ಬರು, ನಿಮ್ಮ ಎಲ್ಲಾ ಬ್ಯೂಟಿ ಸ್ಪಾಟ್‌ಗಳನ್ನು ನಾನು ನೋಡಬಹುದೇ?" ಎಂದು ಮೆಸೇಜ್ ಮಾಡಿದ್ದರು" ಎಂದು ಹಂಚಿಕೊಂಡರು.
ಜಾನಿಯ ಮಾತುಗಳನ್ನು ಕೇಳಿಸಿಕೊಂಡ ಕರಣ್ ಜೋಹಾರ್, ಜೋರಾಗಿ ನಕ್ಕಿ ಹಾಗಾದ್ರೆ ನಿಮಗೆ ಎಷ್ಟು ಬ್ಯೂಟಿ ಸ್ಪಾಟ್‌ಗಳಿವೆ ಎಂದು ಕೇಳಿದ್ದಾರೆ. ಅದಕ್ಕೆ ಜಾನ್ವಿ "ಹಲವು" ಎಂದು ಧೈರ್ಯದಿಂದ ಪ್ರತಿಕ್ರಿಯೆ ನೀಡಿದ್ದಾರೆ.
ಜಾನ್ವಿಗೆ ಕರಣ್ "ಹುಡುಗರು ನಿಮ್ಮನ್ನು ನೋಡಿದಾಗ ಮೊದಲು ಗಮನಿಸೋದು ಏನು"? ಎಂದು ಕೇಳಿದಕ್ಕೆ ತಕ್ಷಣ, ಈಕೆ "ನನ್ನ ಕಣ್ಣುಗಳನ್ನು ನೋಡುವುದಾಗಿ ಎಲ್ಲರೂ ಹೇಳುತ್ತಾರೆ. ಆದರೆ, ಅವರ ಕಣ್ಣು ಬೇರೆ ಕಡೆ ಇರುತ್ತದೆ" ಎಂದಿದ್ದಾರೆ.
ನಟಿ ಜಾನ್ವಿಗೆ ಕರಣ್ ವರುಣ್‌ ಧವನ್‌ ಬಗ್ಗೆ ಪ್ರಶ್ನೆ ಮಾಡಿದಾಗ, ಜಾನ್ವಿ "ಬೇಬಿ ಸಿಟ್ ಮಾಡಲು ಸಿದ್ಧರಾಗಿ" ಎಂದು ಹೇಳಿದ್ದಾರೆ.