Photo Gallery: ‘ಗೃಹಪ್ರವೇಶ’ ಮಾಡಿದ ಕಿರುತೆರೆ ಫೇಮಸ್ ಜೋಡಿ ಚಂದನ್-ಕವಿತಾ

ಕಿರುತೆರೆಯ ಫೇಮಸ್​ ಜೋಡಿ ಚಂದನ್ ಕುಮಾರ್ ಹಾಗೂ ಕವಿತಾ ಗೌಡ  ಹೊಸ ಮನೆಯ ಗೃಹಪ್ರವೇಶ ಮಾಡಿದ್ದಾರೆ.

ನಟಿ ಕವಿತಾಗೌಡ ಮತ್ತು ನಟ ಚಂದನ್ ಕುಮಾರ್ ಹೊಸ ಮನೆ ಖರೀದಿಸಿದ್ದಾರೆ. ಈ ಬಗ್ಗೆ ಇತ್ತೀಚೆಗಷ್ಟೇ ಅಭಿಮಾನಿಗಳ ಜೊತೆಗೆ ಈ ಜೋಡಿ ಮಾಹಿತಿ ಹಂಚಿಕೊಂಡಿತ್ತು. ಇದೀಗ ಆಪ್ತರ ಸಮ್ಮುಖದಲ್ಲಿ ಅದ್ದೂರಿ ಗೃಹಪ್ರವೇಶ ಮಾಡಿದ್ದಾರೆ.

ಚಂದು ಮತ್ತು ಕವಿತಾ ದಂಪತಿಯ ಗೃಹಪ್ರವೇಶದ ಫೋಟೋಗಳು ಮತ್ತು ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿವೆ. ಸಾವಿರಾರು ಅಭಿಮಾನಿಗಳು ಕಾಮೆಂಟ್ಸ್ ಮಾಡುವ ಮೂಲಕ ಜೋಡಿಗೆ ಶುಭ ಹಾರೈಸಿದ್ದಾರೆ.

ಗೃಹಪ್ರವೇಶದ ದಿನ ಚಂದನ್ ಮತ್ತು ಕವಿತಾ ಟ್ರೇಡಿಷನಲ್‌ ಉಡುಪಿನಲ್ಲಿ ಮಿಂಚಿದರು. ಈ ಫೋಟೋಗಳ ಮೂಲಕ ಈ ಜೋಡಿಯ ಮದುವೆಯನ್ನು ಅಭಿಮಾನಿಗಳು ಮತ್ತೊಮ್ಮೆ ನೆನಪಿಸಿಕೊಂಡಿದ್ದಾರೆ.

‘ಲಕ್ಷ್ಮಿ ಬಾರಮ್ಮ’ ಧಾರಾವಾಹಿ ಮೂಲಕ ಕನ್ನಡ ಕಿರುತೆರೆ ವೀಕ್ಷಕರಿಗೆ ಹತ್ತಿರವಾಗಿದ್ದ ಜೋಡಿ ಚಂದನ್ ಮತ್ತು ಕವಿತಾ ಪೋಷಕರ ಒಪ್ಪಿಗೆ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.