ಆಥಿಯಾ ಶೆಟ್ಟಿ ಪ್ರೆಗ್ನೆಂಟ್‌ ! ಕ್ರಿಕೆಟರ್‌ ಕೆಎಲ್ ರಾಹುಲ್ ತಂದೆ ಆಗಲಿದ್ದಾರಾ?
ಕಾರ್ಯಕ್ರಮವೊಂದರಲ್ಲಿ ಕೆಎಲ್ ರಾಹುಲ್ ಪತ್ನಿ ಆಥಿಯಾ ಶೆಟ್ಟಿ ತಂದೆ ನಟ ಸುನೀಲ್ ಶೆಟ್ಟಿ ತಮ್ಮ ಮಗಳ ಪ್ರೆಗ್ನೆನ್ಸಿ ಬಗ್ಗೆ ಸುಳಿವು ನೀಡಿದಂತಿದೆ ಎನ್ನಲಾಗಿದೆ.
ಬಾಲಿವುಡ್ ನಟಿ ಆಥಿಯಾ ಶೆಟ್ಟಿ ಕಳೆದ ವರ್ಷ ಭಾರತೀಯ ಕ್ರಿಕೆಟಿಗ ಕೆಎಲ್ ರಾಹುಲ್ ಅವರನ್ನು ವಿವಾಹವಾದರು.
ಈ ವರ್ಷ ಜನವರಿ 23 ರಂದು, ದಂಪತಿಗಳು ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿದರು.
ಇದೀಗ ನಟಿ ಆಥಿಯಾ ಶೆಟ್ಟಿ ತಾಯಿಯಾಗುತ್ತಿರುವ ಸುದ್ದಿ ಹಬ್ಬಿದೆ.
ಕಾರ್ಯಕ್ರಮವೊಂದರಲ್ಲಿ, ನಟಿ ಆಥಿಯಾ ಶೆಟ್ಟಿ ತಂದೆ ಮತ್ತು ಸೂಪರ್‌ಸ್ಟಾರ್ ಸುನೀಲ್ ಶೆಟ್ಟಿ ಅವರು ಅಜ್ಜನಾಗುವ ಬಗ್ಗೆ ಮಾತನಾಡಿದ ಕಾರಣ ಈ ಸುದ್ದಿ ಹಬ್ಬಿದೆ ಎನ್ನಲಾಗಿದೆ.
ಸುನೀಲ್ ಶೆಟ್ಟಿ ಅವರು ಡ್ಯಾನ್ಸ್ ರಿಯಾಲಿಟಿ ಶೋ 'ಡ್ಯಾನ್ಸ್ ದೀವಾನೆ 3' ಗೆ ತೀರ್ಪುಗಾರರಾಗಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಗ್ರ್ಯಾಂಡ್ ಪೇರೆಂಟ್ಸ್ ವಿಶೇಷ ಸಂಚಿಕೆಯಲ್ಲಿ ಅಜ್ಜನಾಗುವ ವಿಚಾರವಾಗಿ ಮಾತನಾಡಿದ್ದಾರೆ.
ಇದರಿಂದ ಎಲ್ಲರಿಗೂ ಕೆಎಲ್ ರಾಹುಲ್ ಪತ್ನಿ ಗರ್ಭಿಣಿಯೇ ಎಂಬ ಅನುಮಾನ ಶುರುವಾಗಿದೆ.