ಮಹೇಶ್ ಬಾಬು ಮಗಳು ಬ್ರ್ಯಾಂಡ್ ಪ್ರಚಾರದಿಂದಲೇ ಕೋಟಿ ಕೋಟಿ ಗಳಿಸೋದು!

ಟಾಲಿವುಡ್ ಸೂಪರ್ ಸ್ಟಾರ್ ಮಹೇಶ್ ಬಾಬು ಮತ್ತು ಮಾಜಿ ಬಾಲಿವುಡ್ ನಟಿ ನಮ್ರತಾ ಶಿರೋಡ್ಕರ್ ಅವರ ಪುತ್ರಿ ಸಿತಾರಾ ಚಿಕ್ಕ ವಯಸ್ಸಿನಲ್ಲಿ ಕೋಟಿ ಕೋಟಿ ಹಣ ಸಂಪಾದಿಸುತ್ತಿದ್ದಾರೆ. 

ಸಿತಾರಾ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್‌ ಆಗಿರುತ್ತಾರೆ. ಚಿಕ್ಕ ವಯಸ್ಸಿನಲ್ಲಿಯೇ ಸಿತಾರಾ ಸೆಲೆಬ್ರಿಟಿ ಸ್ಥಾನಮಾನವನ್ನು ಗಳಿಸಿದ್ದಾರೆ. 

ತಮ್ಮ ತಂದೆ ಮಹೇಶ್‌ ಬಾಬು ಹಾಡುಗಳಿಗೆ ಸಿತಾರಾ ಹೆಜ್ಜೆ ಹಾಕುತ್ತಾರೆ. ಈ ರೀಲ್ಸ್ ನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುತ್ತಾರೆ. ಆ ವಿಡಿಯೋಗೆ ಫ್ಯಾನ್ಸ್‌ ಲೈಕ್‌ಗಳ ಸುರಿಮಳೆ ಸುರಿಸುವರು.

ಇತ್ತೀಚೆಗೆ ಜ್ಯುವೆಲ್ಲರಿ ಜಾಹೀರಾತಿನಲ್ಲಿ ಸಿತಾರಾ ನಟಿಸಿದ್ದಾರೆ. ವರದಿಗಳ ಪ್ರಕಾರ, ಸಿತಾರಾ ಈ ಜಾಹಿರಾತಿಗೆ 1 ಕೋಟಿ ರೂ. ಸಂಭಾವನೆ ಪಡೆದರು ಎನ್ನಲಾಗಿದೆ. ಜಾಹೀರಾತಿನ ಸಂಭಾವನೆಯನ್ನು ಸಿತಾರಾ ಚಾರಿಟಿಗೆ ನೀಡುವ ಮೂಲಕ ಜನರ ಮನಗೆದ್ದರು.

ಸಿತಾರಾ Instagram ನಲ್ಲಿ 20 ಲಕ್ಷ ಫಾಲೋವರ್ಸ್‌ ಹೊಂದಿದ್ದಾರೆ. ಸಿತಾರಾ ಅವರ ಯೂಟ್ಯೂಬ್ ಚಾನೆಲ್ ಕೂಡ ಇದೆ. ಇದರಲ್ಲಿ ಅವರಿಗೆ 2.79 ಲಕ್ಷ ಹೆಚ್ಚು ಚಂದಾದಾರರಿ ಇದ್ದಾರೆ.

ಇಷ್ಟೊಂದು ಜನಪ್ರಿಯತೆ ಇರುವ ಮಹೇಶ್‌ ಬಾಬು ಪುತ್ರಿ ಸಿತಾರಾ ಸಾಮಾಜಿಕ ಜಾಲತಾಣದಲ್ಲಿ ಬ್ರ್ಯಾಂಡ್‌ ಪ್ರಚಾರ ಮಾಡುತ್ತಾರೆ. ಬ್ರ್ಯಾಂಡ್‌ ಪ್ರಚಾರಕ್ಕೆ ತಿಂಗಳಿಗೆ 30 ಲಕ್ಷ ರೂಪಾಯಿವರೆಗೂ ಚಾರ್ಜ್ ಮಾಡುತ್ತಾರೆ ಎಂದು ಹೇಳಲಾಗಿದೆ. 

12 ವರ್ಷ ವಯಸ್ಸಿನ ಈ ಮುದ್ದಾದ ಹುಡುಗಿ ಮುಂದೊಂದು ದಿನ ಸಿನಿ ಲೋಕದ ಸ್ಟಾರ್‌ ನಟಿ ಆಗಬೇಕೆಂಬುದೇ ಅವರ ಅಭಿಮಾನಿಗಳ ಆಸೆ ಆಗಿದೆ.