ವೀಕೆಂಡ್‌ ಎಲಿಮಿನೇಷನ್‌ಗೂ ಮುನ್ನವೇ ಶಾಕ್‌! ರಾತ್ರೋರಾತ್ರಿ ಬಿಗ್ ಬಾಸ್‌ ಮನೆಬಿಟ್ಟು ಹೊರಹೋದ ಮಾನಸ: ಈಕೆ ಹೊರಬೀಳಲು ಕಾರಣವಾಗಿದ್ದು...
ಕನ್ನಡ ಬಿಗ್ ಬಾಸ್‌ ಸೀಸನ್‌ 11 ಪ್ರಾರಂಭವಾಗಿ ಎರಡನೇ ವಾರ ನಡೆಯುತ್ತಿದೆ. ಎಲ್ಲಾ ಸ್ಪರ್ಧಿಗಳ ನಡುವೆ ಬಿಗ್ ಕಾಂಪಿಟೇಷನ್‌ ಜೋರಾಗಿದೆ. ಇನ್ನು ಈ ಎಲ್ಲರ ಆಟದಿಂದ ಪ್ರೇಕ್ಷಕರಿಗೆ ಭರ್ಜರಿ ರಸದೌತಣ ಸಿಗುತ್ತಿರುವುದು ಸುಳ್ಳಲ್ಲ.
ಆದರೆ ಎರಡನೇ ವಾರದ ಎಲಿಮಿನೇಷನ್‌ ಪ್ರಕ್ರಿಯೆಗೂ ಮುನ್ನವೇ ತುಕಾಲಿ ಸಂತೋಷ್‌ ಅವರ ಪತ್ನಿ ಮಾನಸ ಅವರಿಗೆ ಗಾಯವಾಗಿದೆ. ಈ ಹಿನ್ನೆಲೆಯಲ್ಲಿ ಅವರನ್ನು ಮನೆಯಿಂದ ಹೊರ ಕಳುಹಿಸಲಾಗಿದೆ.
ಮಾನಸ ಅವರು ಬಿಗ್ ಬಾಸ್‌ ಮನೆಗೆ ಎಂಟ್ರಿಯಾದಾಗಿನಿಂದ ಹೇಳಿಕೊಳ್ಳುವಂತಹ ಕೊಡುಗೆ ಏನೂ ನೀಡಿರಲಿಲ್ಲ. ಹೀಗಿರುವಾಗಲೇ ಮಾನಸಾ ಬಿಗ್ ಬಾಸ್‌ ಮನೆಯಲ್ಲಿ ಗಾಯ ಮಾಡಿಕೊಂಡು, ಓಡಾಡಲು ಕಷ್ಟ ಎನ್ನುವಂತಾಗಿದೆ.
ಟಾಸ್ಕ್ ಆಡುವಾಗ ಮಾನಸ ಕಾಲಿಗೆ ಪೆಟ್ಟಾಗಿದೆ ಎಂದು ಹೇಳಲಾಗುತ್ತಿದೆ. ಸಾಕಷ್ಟು ನೋವು ಅನುಭವಿಸಿರುವ ಅವರನ್ನು ಕೆಲವರು ಟಾಸ್ಕ್‌ಗೆ ತೆಗೆದುಕೊಳ್ಳದೆ ಇರುವುದಕ್ಕೂ ಇದೇ ಕಾರಣ. ಸದ್ಯ ಅವರನ್ನು ಆಸ್ಪ್ರೆಗೆ ಸೇರಿಸಲಾಗಿದೆ.
ಇನ್ನೊಂದೆಡೆ ಮಾನಸ ಬೇಗ ಚೇತರಿಸಿಕೊಂಡು ಮತ್ತೆ ಬಿಗ್ ಬಾಸ್‌ ಮನೆಗೆ ಬರಲಿ ಎಂದು ಅವರ ಫ್ಯಾನ್ಸ್ ಕೋರುತ್ತಿದ್ದಾರೆ.
ಈ ವಾರದ ನಾಮಿನೇಷನ್ನಲ್ಲಿ ಮಾನಸಾ ಅವರ ಹೆಸರೂ ಇದೆ. ಆದರೆ ಈ ವೀಕ್‌ ನಾಮಿನೇಷನ್ ಇಲ್ಲ ಎಂದು ಕೆಲವು ಮೂಲಗಳು ಹೇಳುತ್ತಿವೆ. ಇದುವರೆಗೆ ವೋಟಿಂಗ್‌ ಲೈನ್‌ ತೆರೆದಿಲ್ಲ, ಅಷ್ಟೇ ಅಲ್ಲದೆ ನವರಾತ್ರಿ ಹಿನ್ನೆಲೆಯಲ್ಲಿ ಎಲಿಮಿನೇಷನ್‌ ಇರುವುದು ಅನುಮಾನ ಎಂಬ ಮಾತು ಇದಾಗಿದೆ.