ಜೂನಿಯರ್‌ ಅನುಷ್ಕಾ ಶರ್ಮಾ ಜೊತೆ ಪಾಕ್‌ ನಾಯಕ ಬಾಬರ್ ಡೇಟಿಂಗ್! ಕೊಹ್ಲಿ ಪತ್ನಿಯಂತೆ ಕಾಣೋ ಈ ಸುಂದರಿ ಬೇರಾರು ಅಲ್ಲ...
ಪಾಕಿಸ್ತಾನಿ ತಂಡದ ನಾಯಕ ಬಾಬರ್ ಅಜಮ್ ಇಂದು ಕ್ರಿಕೆಟ್ ಜಗತ್ತಿನಲ್ಲಿ ಒಳ್ಳೆಯ ಹೆಸರನ್ನು ಗಳಿಸಿದ್ದಾರೆ. ಅತ್ಯುತ್ತಮ ಬ್ಯಾಟಿಂಗ್‌ʼನಿಂದಾಗಿ ಕ್ರಿಕೆಟ್ ಲೋಕದಲ್ಲಿ ತಮ್ಮದೇ ಆದ ವಿಶೇಷ ಗುರುತನ್ನು ಸಾಧಿಸಿದ್ದಾರೆ.
ಬಾಬರ್ ಆಜಮ್ ವೃತ್ತಿಜೀವನದ ಜೊತೆಗೆ ಅವರ ವೈಯಕ್ತಿಕ ಜೀವನ ಕೂಡ ಮುಖ್ಯಾಂಶಗಳಲ್ಲಿ ಇರುತ್ತದೆ. ಐಷಾರಾಮಿ ಜೀವನವನ್ನು ನಡೆಸುತ್ತಿರುವ ಅಜಂ, ಆಗಾಗ್ಗೆ ಓರ್ವ ನಟಿ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿಯೂ ಮುನ್ನೆಲೆಗೆ ಬರುತ್ತಿರುತ್ತದೆ.
ಇನ್ನು ಕೆಲ ದಿನಗಳಿಂದ ವೈರಲ್ ಆಗುತ್ತಿರುವ ಫೋಟೋದಲ್ಲಿ, ಪಾಕಿಸ್ತಾನಿ ತಂಡದ ಮಾಜಿ ನಾಯಕ ಬಾಬರ್ ಅಜಮ್ ಹೋಟೆಲ್‌ʼನಲ್ಲಿ ಓರ್ವ ಯುವತಿ ಜೊತೆ ಡಿನ್ನರ್‌ ಮಾಡುತ್ತಿರುವುದು ಕಂಡುಬಂದಿತ್ತು.
ಈ ಸುಂದರ ಹುಡುಗಿಯನ್ನು ಬಾಬರ್ ಆಜಮ್ ಗರ್ಲ್‌ ಫ್ರೆಂಡ್‌ ಎಂದು ಹೇಳಲಾಗುತ್ತಿದೆ. ಈ ಹುಡುಗಿ ನಿಜವಾಗಿಯೂ ಬಾಬರ್ ಆಜಮ್ ಗೆಳತಿಯೇ ಎಂಬುದು ತಿಳಿದಿಲ್ಲ.
ಇನ್ನೊಂದೆಡೆ ಮತ್ತೋರ್ವ ಯುವತಿ ಜೊತೆಯೂ ಬಾಬರ್ ಹೆಸರು ತಳುಕು ಹಾಕಿತ್ತು. ಅಂದಹಾಗೆ ಈ ವಿಚಾರಕ್ಕಿಂತ ಹೆಚ್ಚಾಗಿ ಸದ್ದು ಮಾಡಿದ್ದು, ಆಕೆ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾಳನ್ನು ಹೋಲುತ್ತಿರುವುದು.
ಈ ಫೋಟೋ ಸದ್ಯ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಬಾಬರ್ ಆಜಮ್ ಶೀಘ್ರದಲ್ಲೇ ಆ ಯುವತಿಯನ್ನು ಮದುವೆಯಾಗಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಈಕೆ ಹೆಸರು ಹನಿಯಾ ಅಮೀರ್. ಈಕೆ ನೋಡಲು ಕೊಂಚ ಅನುಷ್ಕಾ ಶರ್ಮಾಳಂತೆ ಕಾಣಿಸುತ್ತಾರೆ. ಇದೇ ಕಾರಣಕ್ಕೆ ಸೋಶಿಯಲ್‌ ಮೀಡಿಯಾದಲ್ಲಿ ನೆಟ್ಟಿಗರು ಈಕೆಯನ್ನು ಪಾಕಿಸ್ತಾನದ ಅನುಷ್ಕಾ ಶರ್ಮಾ ಎಂದು ಕರೆಯುತ್ತಾರೆ. ಹನಿಯಾ ವೃತ್ತಿಯಲ್ಲಿ ಪಾಕಿಸ್ತಾನಿ ನಟಿ.