ವಿಶ್ವದ ಅತಿ ದೊಡ್ಡ ಶ್ರೀಮಂತ ಮುಖೇಶ್ ಅಂಬಾನಿ ಸೊಸೆ ರಾಧಿಕಾ ಕೂಡಾ ಕೋಟಿಗಳ ಒಡತಿ : ಹೀಗಿದೆ ನೋಡಿ ಮರ್ಚೆಂಟ್ ಪರಿವಾರದ ಸಿರಿ ವೈಭವ

ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ವಿವಾಹವಾಗಲಿದ್ದಾರೆ.ಜುಲೈ 12 ರಂದು ಅನಂತ್ ಅಂಬಾನಿ ಮತ್ತು ರಾಧಿಕಾ ವಿವಾಹವಾಗಲಿದ್ದಾರೆ.ಈಗಾಗಲೇ ಮದುವೆ ಕಾರ್ಯಕ್ರಮಗಳು ಶುರುವಾಗಿವೆ.

ಅಂಬಾನಿ ಕುಟುಂಬದ ಬಗ್ಗೆ ಎಲ್ಲರಿಗೂ ಗೊತ್ತಿದೆ.ಆದರೆ ಅನಂತ್ ಅಂಬಾನಿ ಅವರ ಅತ್ತೆಯ ಮನೆಯ ಬಗ್ಗೆ ಅಂದರೆ ರಾಧಿಕಾ ಹೆತ್ತವರ ಬಗ್ಗೆ ಅವರ ಆಸ್ತಿ ಪಾಸ್ತಿ ಬಗ್ಗೆ ತಿಳಿದಿದೆಯೇ? ರಾಧಿಕಾ ಮರ್ಚೆಂಟ್ ಅವರ ಕುಟುಂಬ ಕೂಡಾ  ವ್ಯಾಪಾರದ ವಿಷಯದಲ್ಲಿ ಅಂಬಾನಿಗಳಿಗಿಂತ ಕಡಿಮೆಯಿಲ್ಲ.  

ರಾಧಿಕಾ ಮರ್ಚೆಂಟ್ ಅವರ ತಂದೆ ವೀರೇನ್ ಮರ್ಚೆಂಟ್ ಮುಖೇಶ್ ಅಂಬಾನಿಯ ಹಳೆಯ ಸ್ನೇಹಿತರಲ್ಲಿ ಒಬ್ಬರು.ವಿರೆನ್ ಮರ್ಚಂಟ್ ಅವರು ಎನ್‌ಕೋರ್ ಹೆಲ್ತ್‌ಕೇರ್‌ನ ಸಿಇಒ ಮತ್ತು ಉಪಾಧ್ಯಕ್ಷರಾಗಿದ್ದಾರೆ.  

ವಿರೆನ್ ಮರ್ಚೆಂಟ್ಸ್ ಎನ್ಕೋರ್ ಹೆಲ್ತ್‌ಕೇರ್ ಜಾಗತಿಕ ಫಾರ್ಮಾ ಉದ್ಯಮದಲ್ಲಿ ಗುತ್ತಿಗೆ ತಯಾರಕ.ಅವರ ಕಂಪನಿಯು ದೇಶದ ಅತಿದೊಡ್ಡ ಔಷಧೀಯ ಕಂಪನಿಗಳಲ್ಲಿ ಒಂದಾಗಿದೆ.ಎನ್‌ಕೋರ್ ಹೆಲ್ತ್‌ಕೇರ್ ಜೊತೆಗೆ,ಅವರು ಎನ್‌ಕೋರ್ ನ್ಯಾಚುರಲ್ ಪಾಲಿಮರ್ಸ್ ಪ್ರೈವೇಟ್ ಲಿಮಿಟೆಡ್, ಎನ್‌ಕೋರ್ ಬ್ಯುಸಿನೆಸ್ ಸೆಂಟರ್ಸ್ ಪ್ರೈವೇಟ್ ಲಿಮಿಟೆಡ್, ಎನ್‌ಕೋರ್ ಪಾಲಿಫ್ರಾಕ್ ಪ್ರಾಡಕ್ಟ್ಸ್ ಪ್ರೈವೇಟ್ ಲಿಮಿಟೆಡ್, ZYG ಫಾರ್ಮಾ ಪ್ರೈವೇಟ್ ಲಿಮಿಟೆಡ್, ಸಾಯಿ ದರ್ಶನ್ ಬ್ಯುಸಿನೆಸ್ ಸೆಂಟರ್ಸ್ ಪ್ರೈವೇಟ್ ಲಿಮಿಟೆಡ್ ಸೇರಿದಂತೆ ಕಂಪನಿಗಳಲ್ಲಿ ನಿರ್ದೇಶಕರಾಗಿದ್ದಾರೆ.  

ಶೈಲಾ ಮರ್ಚೆಂಟ್ ಕೂಡಾ ನೀತಾ ಅಂಬಾನಿಯಂತೆ ಉದ್ಯಮಿ.ಶೈಲಾ ಹಲವು ಕಂಪನಿಗಳಲ್ಲಿ ನಿರ್ದೇಶಕಿಯಾಗಿ ಕೆಲಸ ಮಾಡಿದ್ದಾರೆ.ಅಥರ್ವ ಇಂಪೆಕ್ಸ್ ಪ್ರೈವೇಟ್ ಲಿಮಿಟೆಡ್, ಹವೇಲಿ ಟ್ರೇಡರ್ಸ್ ಪ್ರೈವೇಟ್ ಲಿಮಿಟೆಡ್,ಸ್ವಸ್ತಿಕ್ ಎಕ್ಸಿಮ್ ಪ್ರೈವೇಟ್ ಲಿಮಿಟೆಡ್ ನ ನಿರ್ದೇಶಕಿ ಹುದ್ದೆಯನ್ನು ಅಲಂಕರಿಸಿದ್ದಾರೆ.  

ಸುಮಾರು 2000 ಕೋಟಿ ಕಂಪನಿ ಎನ್ಕೋರ್ ಎಂಡಿ ಶೈಲಾ ಅವರ ವೈಯಕ್ತಿಕ ಆಸ್ತಿ 10 ಕೋಟಿ.ವಿರೇನ್ ಮರ್ಚೆಂಟ್ ಅವರ ಒಟ್ಟು ಸಂಪತ್ತು ಸುಮಾರು 750 ಕೋಟಿ.

ವೀರೇನ್ ಮರ್ಚೆಂಟ್, ಶೈಲಾ ಮರ್ಚೆಂಟ್ ಹೊರತುಪಡಿಸಿ, ರಾಧಿಕಾಗೆ ಅಂಜಲಿ ಮರ್ಚೆಂಟ್ ಎಂಬ ಸಹೋದರಿ ಇದ್ದಾರೆ. ಅವರು ಕೂಡಾ  ಉದ್ಯಮಿ.ಅವರು ಉದ್ಯಮಿ ಆಕಾಶ್ ಮೆಹ್ತಾ ಅವರನ್ನು ವಿವಾಹವಾದರು.

ನ್ಯೂಯಾರ್ಕ್‌ನಲ್ಲಿ ತನ್ನ ಅಧ್ಯಯನವನ್ನು ಪೂರ್ಣಗೊಳಿಸಿದ ನಂತರ, ರಾಧಿಕಾ ಇಂಡಿಯಾ ಫಸ್ಟ್ ಆರ್ಗನೈಸೇಶನ್‌ನಲ್ಲಿ ಇಂಟರ್ನ್‌ಶಿಪ್ ಮಾಡಿದರು. ರಿಯಲ್ ಎಸ್ಟೇಟ್ ಕಂಪನಿಯಾದ ಇಸ್ಪ್ರವಾದಲ್ಲಿ ಜೂನಿಯರ್ ಸೇಲ್ಸ್ ಮ್ಯಾನೇಜರ್ ಆಗಿ ಕೆಲಸ ಮಾಡಿದ ನಂತರ ಅವರು ಕುಟುಂಬ ವ್ಯವಹಾರಕ್ಕೆ ಸೇರಿದರು. ಮಾಧ್ಯಮಗಳ ವರದಿ ಪ್ರಕಾರ ರಾಧಿಕಾ ಅವರ ಆಸ್ತಿ ಸುಮಾರು 8 ರಿಂದ 10 ಕೋಟಿ ರೂಪಾಯಿ.