ಡಾಲರ್ ಅಲ್ಲ, ವಿಶ್ವದ ಅತ್ಯಂತ ಶಕ್ತಿಶಾಲಿ ಕರೆನ್ಸಿ ಇದು

ವಿಶ್ವದ ಅತ್ಯಂತ ಜನಪ್ರಿಯ ಶಕ್ತಿಯುತ ಕರೆನ್ಸಿ ಎಂದೇ ಡಾಲರ್ ಅನ್ನು ಬಣ್ಣಿಸಲಾಗುತ್ತದೆ. ವಿಶ್ವದಾದ್ಯಂತ ಬಹುತೇಕ ವ್ಯಾಪಾರವನ್ನು ಡಾಲರ್‌ಗಳಲ್ಲಿ ಮಾಡುವುದರಿಂದ, ಇದು ಶಕ್ತಿಯುತ ಕರೆನ್ಸಿಯಾಗಿದೆ. ಒಂದು ಡಾಲರ್ ಎಂದರೆ 83.09 ಭಾರತೀಯ ರೂಪಾಯಿ. ಡಾಲರ್ ವಿಶ್ವದ ಅತ್ಯಂತ ದುಬಾರಿ ಕರೆನ್ಸಿಗಳ ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದೆ. 

ವಿಶ್ವದ ಒಂಬತ್ತನೇ ಅತ್ಯಂತ ದುಬಾರಿ ಕರೆನ್ಸಿ ಆಗಿರುವ ಯುರೋ ಕರೆನ್ಸಿಯ ಕೋಡ್ EUR ಆಗಿದೆ. ಒಂದು ಯುರೋ ಕರೆನ್ಸಿ  88 ಭಾರತೀಯ ರೂಪಾಯಿಗಳಿಗೆ ಸಮ. ಯುರೋ ಕರೆನ್ಸಿಯನ್ನು ವಿಶ್ವ ಆರ್ಥಿಕತೆಯ ಸ್ಥಿರ ಕರೆನ್ಸಿಗಳಲ್ಲಿ ಒಂದು ಎಂದು ಹೇಳಲಾಗುತ್ತದೆ. 

ಸ್ವಿಸ್ ಫ್ರಾಂಕ್ ಸ್ವಿಟ್ಜರ್ಲೆಂಡ್‌ನ ಅಧಿಕೃತ ಕರೆನ್ಸಿ, ಲಿಚ್ಟೆನ್‌ಸ್ಟೈನ್. ಇದರ ಕೋಡ್ CHF ಆಗಿದೆ. ಒಂದು ಸ್ವಿಸ್ ಫ್ರಾಂಕ್‌ನ ಮೌಲ್ಯವು 91 ಭಾರತೀಯ ರೂಪಾಯಿಗಳಿಗೆ ಸಮ. 

ಬ್ರಿಟಿಷ್ ಪೌಂಡ್ ಯುನೈಟೆಡ್ ಕಿಂಗ್‌ಡಮ್‌ನ ಅಧಿಕೃತ ಕರೆನ್ಸಿಯಾಗಿದ್ದು, ಇದು ಪ್ರಪಂಚದ ಐದನೇ ಅತ್ಯಂತ ದುಬಾರಿ ಕರೆನ್ಸಿ ಆಗಿದೆ.  ಒಂದು ಬ್ರಿಟಿಷ್ ಪೌಂಡ್ 102 ಭಾರತೀಯ ರೂಪಾಯಿಗಳಿಗೆ ಸಮಾನ. 

ವಿಶ್ವದ ನಾಲ್ಕನೇ ಅತ್ಯಂತ ಶಕ್ತಿಶಾಲಿ ಮತ್ತು ದುಬಾರಿ ಕರೆನ್ಸಿ ಜೋರ್ಡಾನ್ ದಿನಾರ್. ಜೋರ್ಡಾನ್ ಅರಬ್ ದೇಶ. ಜೋರ್ಡಾನ್ ದಿನಾರ್ 1950 ರಿಂದ ಜೋರ್ಡಾನ್‌ನ ಅಧಿಕೃತ ಕರೆನ್ಸಿಯಾಗಿದ್ದು, ಇದರ ಮೌಲ್ಯವು 117 ಭಾರತೀಯ ರೂಪಾಯಿಗಳಿಗೆ ಸಮಾನ. 

ಒಮಾನಿ ರಿಯಾಲ್ ಒಮಾನ್‌ನ ಅಧಿಕೃತ ಕರೆನ್ಸಿ ಮಾತ್ರವಲ್ಲ ಇದು ವಿಶ್ವದ ಮೂರನೇ ಅತ್ಯಂತ ದುಬಾರಿ ಕರೆನ್ಸಿ ಆಗಿದೆ. ಅರೇಬಿಯನ್ ಪರ್ಯಾಯ ದ್ವೀಪದ ಆಗ್ನೇಯ ಭಾಗದಲ್ಲಿ ಒಮಾನ್‌ ಒಂದು ಮುಸ್ಲಿಂ ರಾಷ್ಟ್ರವಾಗಿದ್ದು, ಒಂದು ಒಮಾನಿ ರಿಯಾಲ್‌ನ ಮೌಲ್ಯವು 214 ಭಾರತೀಯ ರೂಪಾಯಿಗಳಿಗೆ ಸಮಾನವಾಗಿದೆ. 

ಬಹ್ರೇನ್ ದಿನಾರ್ ವಿಶ್ವದ ಎರಡನೇ ಅತ್ಯಂತ ದುಬಾರಿ ಕರೆನ್ಸಿಯಾಗಿದ್ದು, ಇದರ ಇದರ ಕೋಡ್ BHD ಆಗಿದೆ. ನೀವು ಬಹ್ರೇನ್‌ನಲ್ಲಿ 1 BHD ಗೆ ಐಟಂ ಅನ್ನು ಖರೀದಿಸಲು ಬಯಸಿದರೆ ಅದಕ್ಕಾಗಿ  218 ಭಾರತೀಯ ರೂಪಾಯಿಗಳನ್ನು ವ್ಯಯಿಸಬೇಕಾಗುತ್ತದೆ. 

ಪಶ್ಚಿಮ ಏಷ್ಯಾದಲ್ಲಿ ಸಮೃದ್ಧ ದೇಶ ಎಂದೇ ಬಣ್ಣಿಸಲ್ಪಡುವ ಕುವೈತ್ ವಿಶ್ವದ ಆರನೇ ಅತಿದೊಡ್ಡ ತೈಲ ನಿಕ್ಷೇಪಗಳನ್ನು ಹೊಂದಿದೆ. ಇಲ್ಲಿ 1 ದಿನಾರ್ ಮೌಲ್ಯದ ವಸ್ತುವನ್ನು ಖರೀದಿಸಲು, ನೀವು 267 ಭಾರತೀಯ ರೂಪಾಯಿಗಳನ್ನು ಖರ್ಚು ಮಾಡಬೇಕಾಗುತ್ತದೆ.  ಕುವೈತ್ ದಿನಾರ್ ವಿಶ್ವದ ಅತ್ಯಂತ ದುಬಾರಿ ಕರೆನ್ಸಿಯಾಗಿದೆ.