ಸಾಂತಾಕ್ಲಾಸ್ ಅವತಾರದಲ್ಲಿ ಬಾಲಿವುಡ್‌ ನಟಿಗೆ ಸರ್ಪ್ರೈಸ್‌ ಕೊಟ್ಟ ಧೋನಿ! ಅಷ್ಟಕ್ಕೂ ತಲೈವಾ ಇಷ್ಟು ರಿಸ್ಕ್‌ ತೆಗೆದುಕೊಂಡಿದ್ದು ಯಾರಿಗೆ..?
MS Dhoni: ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅದ್ಧೂರಿಯಾಗಿ ಕ್ರಿಸ್ಮಸ್ ಹಬ್ಬವನ್ನು ಆಚರಿಸಿದ್ದಾರೆ. ಹಿಂದೆಂದೂ ಕಾಣದ ರೀತಿಯಲ್ಲಿ ಧೋನಿ ಅವರು ಈ ವರ್ಷ ಕ್ರಿಸ್ಮಸ್ ಆಚರಿಸಿದ್ದು ಫೋಟೋ ನೋಡಿ ಫ್ಯಾನ್ಸ್‌ ಫುಲ್‌ ಖುಷ್‌ ಆಗಿದ್ದಾರೆ.
ದುಬೈನಲ್ಲಿ ನಡೆದ ಸಮಾರಂಭವೊಂದರಲ್ಲಿ ಧೋನಿ ದಂಪತಿ ಕ್ರಿಸ್ಮಸ್ ಆಚರಿಸಿದ್ದಾರೆ. ಸಾಂಟಾ ಕ್ಲಾಸ್ ವೇಷಭೂಷಣದಲ್ಲಿರುವ ಧೋನಿ ಫೋಟೋಗಳನ್ನು ಸಾಕ್ಷಿ ಸಿಂಗ್ ತಮ್ಮ ಅಭಿಮಾನಿಗಳೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.
ಈ ಫೋಟೋಗಳಲ್ಲಿ ಧೋನಿ ಜೊತೆ ಸಾಕ್ಷಿ ಸಿಂಗ್ ಮತ್ತು ಅವರ ಮಗಳು ಜೀವಾ ಇದ್ದಾರೆ. ಸಾಂತಾಕ್ಲಾಸ್ ವೇಷದಲ್ಲಿರುವ ಧೋನಿಗೆ ಜೀವಾ ಮುತ್ತು ಕೊಟ್ಟಿದ್ದಾಳೆ.
ಕೃತಿ ಸನನ್ ಗೆಳೆಯ ಕಬೀರ್ ಬಹಿಯಾ ಮನೆಯಲ್ಲಿ ಈ ಕ್ರಿಸ್ಮಸ್ ಆಚರಣೆ ನಡೆದಿದೆಯಂತೆ. ಸದ್ಯ ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಕಬೀರ್ ಹಂಚಿಕೊಂಡ ಫೋಟೋಗಳಲ್ಲಿ ಧೋನಿ, ಸಾಕ್ಷಿ, ಝಿವಾ ಜೊತೆಗೆ ಕೃತಿ ಸನೋನ್, ಕಬೀರ್ ಮತ್ತು ಅವರ ಕುಟುಂಬ ಸದಸ್ಯರು ಸೇರಿದ್ದಾರೆ. ಕೃತಿ ಸನನ್ ಯುಕೆ ಉದ್ಯಮಿ ಕಬೀರ್ ಬಹಿಯಾ ಅವರೊಂದಿಗೆ ಡೇಟಿಂಗ್‌ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಇತ್ತೀಚೆಗೆ ಎಲ್ಲೆಡೆ ವೈರಲ್ ಆಗುತ್ತಿದೆ.