National Pension System : ಮುಂದಿನ ತಿಂಗಳ NPS ಪಿಂಚಣಿದಾರರಿಗೆ ಸರ್ಕಾರದಿಂದ ಬಿಗ್ ಗಿಫ್ಟ್!

ವಾಸ್ತವವಾಗಿ, ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (PFRDA) ಈಗ NPS ನಲ್ಲಿ ಖಾತರಿಯ ಪಿಂಚಣಿ ಕಾರ್ಯಕ್ರಮವನ್ನು ಪರಿಚಯಿಸಲು ಹೊರಟಿದೆ. ಈ ಯೋಜನೆಯು ಸೆಪ್ಟೆಂಬರ್ 30 ರಿಂದ ಪ್ರಾರಂಭವಾಗಬಹುದು ಎಂದು ಹೇಳಲಾಗುತ್ತಿದೆ. ಇದರಿಂದ ದೇಶದ ಕೋಟ್ಯಂತರ ಜನರಿಗೆ ಅನುಕೂಲವಾಗಲಿದೆ ಮತ್ತು ರಾಷ್ಟ್ರೀಯ ಪಿಂಚಣಿಗೆ ಅರ್ಜಿ ಸಲ್ಲಿಸುವವರ ಸಂಖ್ಯೆಯೂ ಹೆಚ್ಚಲಿದೆ.

ಸೆಪ್ಟೆಂಬರ್ 30ರಿಂದ ಹೊಸ ಪಿಂಚಣಿ ಯೋಜನೆ ಆರಂಭ : ಈ ಬಗ್ಗೆ ಮಾಹಿತಿ ನೀಡಿದೆ ಪಿಎಫ್‌ಆರ್‌ಡಿಎ ಅಧ್ಯಕ್ಷ ಸುಪ್ರತಿಮ್ ಬಂಡೋಪಾಧ್ಯಾಯ, ''ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಲ್ಲಿ ಕನಿಷ್ಠ ಆಶ್ಯೂರ್ಡ್ ರಿಟರ್ನ್ ಯೋಜನೆಗೆ ಸಂಬಂಧಿಸಿದಂತೆ ಈಗ ಕೆಲಸ ನಡೆಯುತ್ತಿದೆ. ಅಂದರೆ, ಹೂಡಿಕೆದಾರರು ಯಾವುದೇ ಸಂದರ್ಭದಲ್ಲಿ ಆಕರ್ಷಕ ಮೊತ್ತವನ್ನು ಪಡೆಯಬೇಕು. ಸೆ.30ರಿಂದ ಆರಂಭಿಸುವ ಸಾಧ್ಯತೆ ಇದೆ ಎಂದು ಹೇಳಿದರು.

ಹೂಡಿಕೆದಾರರಿಗೆ ಸುರಕ್ಷಿತ ಆದಾಯವನ್ನು ನೀಡಲು ಪ್ರಯತ್ನ : ಇನ್ನು ಮುಂದುವರೆದು ಮಾತನಾಡಿದ ಬಂದೋಪಾಧ್ಯಾಯ, ಕಳೆದ 13 ವರ್ಷಗಳಲ್ಲಿ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯನ್ನು ಬಲಪಡಿಸಲು ಸಾಕಷ್ಟು ಕೆಲಸ ಮಾಡಲಾಗಿದೆ. ಈ ಸಮಯದಲ್ಲಿ, ನಾವು ವಾರ್ಷಿಕ ಶೇ. 10.27 ದರದಲ್ಲಿ ಚಕ್ರಬಡ್ಡಿ ನೀಡಿದ್ದೇವೆ. ನಾವು ಯಾವಾಗಲೂ ಹೂಡಿಕೆದಾರರಿಗೆ ಹಣದುಬ್ಬರ-ರಕ್ಷಿತ ಆದಾಯವನ್ನು ನೀಡಿದ್ದೇವೆ ಎಂದರು.

ರೂಪಾಯಿ ಕುಸಿತ ಮತ್ತು ಹೆಚ್ಚುತ್ತಿರುವ ಹಣದುಬ್ಬರದ ಬಗ್ಗೆ, ಪ್ರಾಧಿಕಾರಕ್ಕೆ ಈ ಎಲ್ಲಾ ವಿಷಯಗಳ ಬಗ್ಗೆ ಸಂಪೂರ್ಣ ಅರಿವಿದೆ ಎಂದು ಪಿಎಫ್‌ಆರ್‌ಡಿಎ ಅಧ್ಯಕ್ಷರು ಹೇಳಿದರು. ಹೂಡಿಕೆದಾರರು ಯಾವುದೇ ವೆಚ್ಚದಲ್ಲಿ ಸುರಕ್ಷಿತ ಆದಾಯವನ್ನು ಪಡೆಯುವ ರೀತಿಯಲ್ಲಿ ನಾವು NPS ಅನ್ನು ವಿನ್ಯಾಸಗೊಳಿಸಿದ್ದೇವೆ ಎಂದು ತಿಳಿಸಿದ್ದಾರೆ.

ಅಸ್ತಿತ್ವದಲ್ಲಿರುವ ಪಿಂಚಣಿ ನಿಧಿ 35 ಲಕ್ಷ ಕೋಟಿ : ದೇಶದಲ್ಲಿ ಈಗಿರುವ ಪಿಂಚಣಿ ನಿಧಿಯ ಬಗ್ಗೆ ಮಾತನಾಡಿದರೆ 35 ಸಾವಿರ ಕೋಟಿ ರೂ. ಇದರಲ್ಲಿ ಶೇ. 22ರಷ್ಟು ಅಂದರೆ ಒಟ್ಟು 7.72 ಲಕ್ಷ ಕೋಟಿ ರೂಪಾಯಿ ಎನ್‌ಪಿಎಸ್‌ನಲ್ಲಿದೆ. ಅದೇ ಸಮಯದಲ್ಲಿ, ಇಪಿಎಫ್ಒ ಶೇ.40 ರಷ್ಟು ಪಾಲನ್ನು ನಿರ್ವಹಿಸುತ್ತದೆ.