ಯಾವುದೇ ಗ್ಯಾರಂಟಿ ಇಲ್ಲದೆ ಮಹಿಳೆಯರಿಗೆ ಸಿಗುತ್ತೆ 10 ಲಕ್ಷ ರೂ.ಸಾಲ, ಈ ರೀತಿ ನಿಮ್ಮ ಬಿಸಿನೆಸ್ ಆರಂಭಿಸಿ

ಸಿಡಬಿ ಸಹಾಯದಿಂದ ಸಣ್ಣ ಹಾಗೂ ಮಧ್ಯಮ ಗಾತ್ರದ ಹೊಸ ಬಿಸಿನೆಸ್ ಆರಂಭಿಸಬಹುದು. ಅಷ್ಟೇ ಅಲ್ಲ ನೀವು ನಿಮ್ಮ ಹಳೆ ಬಿಸಿನೆಸ್ ಅನ್ನು ಕೂಡ ವಿಸ್ತರಿಸಬಹುದು. ಇದಕ್ಕಾಗಿ SIDBI 'ಮಹಿಳಾ ಉದ್ಯಮ ನಿಧಿ ಯೋಜನೆಯನ್ನು ನಡೆಸುತ್ತದೆ. ಈ ಯೋಜನೆಯಡಿಯಲ್ಲಿ ಮಹಿಳಾ ಉದ್ಯಮವನ್ನು ಉತ್ತೇಜಿಸಲು ಮತ್ತು ಮಹಿಳೆಯರಿಗೆ ವ್ಯವಹಾರವನ್ನು ಪ್ರಾರಂಭಿಸಲು ಅಗ್ಗದ ದರದಲ್ಲಿ ಆರ್ಥಿಕ ನೆರವು ನೀಡಲಾಗುತ್ತದೆ. ಮಹಿಳಾ ಉದ್ಯಮ ನಿಧಿ ಅಡಿಯಲ್ಲಿ ಲಭ್ಯವಿರುವ ನಿಧಿಯಡಿಯಲ್ಲಿ ಕೈಗಾರಿಕೆ ಮತ್ತು ಉತ್ಪಾದನೆಯಂತಹ ಚಟುವಟಿಕೆಗಳನ್ನು ಪ್ರಾರಂಭಿಸಬಹುದು.

ಈ ಯೋಜನೆಯಡಿ ಮಹಿಳೆಯರಿಗೆ ವ್ಯಾಪಾರ ಮಾಡಲು ಕಡಿಮೆ ಬಡ್ಡಿದರದಲ್ಲಿ ಸಾಲ ನೀಡಲಾಗುತ್ತದೆ. ಈ ಯೋಜನೆಯಡಿ ಮಹಿಳೆಯರು ಗರಿಷ್ಠ ಹತ್ತು ಲಕ್ಷ ರೂಪಾಯಿ ಸಾಲ ಪಡೆಯಬಹುದು. ಸಾಲ ಮರುಪಾವತಿ ಸೌಲಭ್ಯ ಗರಿಷ್ಠ 10 ವರ್ಷಗಳು ಇರಲಿದೆ. ಐದು ವರ್ಷಗಳ ಮೊರೆಟೋರಿಯಂ ಅವಧಿ ಸಹ ಇದು ಹೊಂದಿರುತ್ತದೆ.

ವಿಶೇಷವೆಂದರೆ ಈ ಸಾಲ ಪಡೆದುಕೊಳ್ಳಲು ಮಹಿಳೆಯರು ಯಾವುದೇ ರೀತಿಯ ಸಿಕ್ಯೋರಿಟಿ ಅಥವಾ ಗ್ಯಾರಂಟಿ ನೀಡಬೇಕಾಗಿಲ್ಲ. ಎಸ್‌ಐಡಿಬಿಐ ಈ ಯೋಜನೆಯನ್ನು ಮೊದಲು ಪಿಎನ್‌ಬಿಯೊಂದಿಗೆ ಪ್ರಾರಂಭಿಸಿತ್ತು. ಆದರೆ ಇದೀಗ ಅನೇಕ ಬ್ಯಾಂಕುಗಳನ್ನು ಸೇರಿಸಲಾಗಿದೆ. ಇದರ ಲಾಭ ಪಡೆಯಲು, ಅರ್ಹ ಮಹಿಳೆಯರಿಗೆ ಕೆಲವು ಷರತ್ತುಗಳಿವೆ ಎಂಬುದನ್ನು ಗಮನದಲ್ಲಿಡಬೇಕು.

ಯೋಜನೆಯಡಿಯಲ್ಲಿ ಬ್ಯೂಟಿ ಪಾರ್ಲರ್, ಸಲೂನ್, ಹೊಲಿಗೆ, ಕೃಷಿ ಮತ್ತು ಕೃಷಿ ಉಪಕರಣಗಳ ಸೇವೆ, ಕ್ಯಾಂಟೀನ್ ಮತ್ತು ರೆಸ್ಟೋರೆಂಟ್, ನರ್ಸರಿ, ಲಾಂಡ್ರಿ ಮತ್ತು ಡ್ರೈ ಕ್ಲೀನಿಂಗ್, ಡೇ ಕೇರ್ ಸೆಂಟರ್, ಕಂಪ್ಯೂಟರೀಕೃತ ಡೆಸ್ಕ್ ಟಾಪ್ ಪಬ್ಲಿಷಿಂಗ್, ಕೇಬಲ್ ಟಿವಿ ನೆಟ್‌ವರ್ಕ್, ಫೋಟೋಕಾಪಿ (ಜೆರಾಕ್ಸ್) ಕೇಂದ್ರ, ರಸ್ತೆ ಸಾರಿಗೆ ಆಯೋಜಕರು ಸಣ್ಣ ಕೈಗಾರಿಕೆಗಳನ್ನು ಪ್ರಾರಂಭಿಸಬಹುದು, ತರಬೇತಿ ಸಂಸ್ಥೆಗಳು, ತೊಳೆಯುವ ಯಂತ್ರಗಳು ಮತ್ತು ಇತರ ಎಲೆಕ್ಟ್ರಾನಿಕ್ ಮತ್ತು ವಿದ್ಯುತ್ ಗ್ಯಾಜೆಟ್‌ಗಳು, ದುರಸ್ತಿ ಮಾಡುವುದು, ಜಾಮ್-ಜೆಲ್ಲಿ ಮತ್ತು ಮಾರ್ಮಲೇಡ್ ತಯಾರಿಸುವುದಕ್ಕೂ ಇದರಲ್ಲಿ ಅನುಮತಿ ನೀಡಲಾಗಿದೆ.

ಸಣ್ಣ ಉದ್ಯಮ (ಎಂಎಸ್‌ಎಂಇ), ಅತಿ ಸಣ್ಣ ಉದ್ಯಮ (ಎಸ್‌ಎಸ್‌ಐ) ಪ್ರಾರಂಭಿಸಲು, ಅರ್ಜಿದಾರ ಮಹಿಳೆ ಯಾವುದೇ ಉದ್ಯಮದೊಂದಿಗೆ ಸಂಬಂಧ ಹೊಂದಿರಬೇಕು. ವ್ಯವಹಾರದಲ್ಲಿ ಮಹಿಳಾ ಉದ್ಯಮಿಗಳ ಮಾಲೀಕತ್ವ ಕನಿಷ್ಠ 51% ಆಗಿರಬೇಕು. ಮಂಜೂರಾದ ಸಾಲದ ಪ್ರಕಾರ, ಸಂಬಂಧಪಟ್ಟ ಬ್ಯಾಂಕಿನಿಂದ ವರ್ಷಕ್ಕೆ 1% ಸೇವಾ ತೆರಿಗೆಯನ್ನು ವಿಧಿಸಲಾಗುತ್ತದೆ.