ಈಗ ನೀವು ಈ 2 ಸರ್ಕಾರಿ ವಿಮಾ ಯೋಜನೆಗಳಿಗೆ ಹೆಚ್ಚಿನ ಪ್ರೀಮಿಯಂ ಪಾವತಿಸಬೇಕಾಗುತ್ತದೆ

PMJJBY ಯ ಪ್ರೀಮಿಯಂ ದರವನ್ನು ದಿನಕ್ಕೆ ರೂ. 1.25 ಕ್ಕೆ ಹೆಚ್ಚಿಸಲಾಗಿದೆ, ಇದು ವಾರ್ಷಿಕ ರೂ. 330 ರಿಂದ ರೂ. 436 ಕ್ಕೆ ಏರಿದೆ. ಮಾರ್ಚ್ 31, 2022 ರಂತೆ, PMJJBY ಅಡಿಯಲ್ಲಿ ನೋಂದಾಯಿಸಲಾದ ಸಕ್ರಿಯ ಗ್ರಾಹಕರ ಸಂಖ್ಯೆ 6.4 ಕೋಟಿ ದಾಟಿದೆ. ಈ ಯೋಜನೆಯಲ್ಲಿ ಪ್ರೀಮಿಯಂ ಪಾವತಿಸುತ್ತಿರುವ  18-50 ವರ್ಷ ವಯಸ್ಸಿನ ಜನರಿಗೆ ಯಾವುದೇ ಕಾರಣದಿಂದ ಆಕಸ್ಮಿಕವಾಗಿ ಮರಣ ಹೊಂದಿದರೆ ರೂ. 2 ಲಕ್ಷದ ಜೀವ ವಿಮಾ ರಕ್ಷಣೆ ಲಭ್ಯವಾಗಲಿದೆ. 

PMSBY ವಾರ್ಷಿಕ ಪ್ರೀಮಿಯಂ ಅನ್ನು 12 ರೂ.ಗಳಿಂದ 20 ರೂ.ಗಳಿಗೆ ಹೆಚ್ಚಿಸಲಾಗಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ. ಈ ಯೋಜನೆಯಡಿ 18-70 ವರ್ಷ ವಯಸ್ಸಿನ ನಾಗರೀಕರು ಬ್ಯಾಂಕ್ ಅಥವಾ ಪೋಸ್ಟ್ ಆಫೀಸ್ ಖಾತೆದಾರರು ಪ್ರೀಮಿಯಂನ ಸ್ವಯಂ-ಡೆಬಿಟ್ ಅನ್ನು ಸಕ್ರಿಯಗೊಳಿಸುವ ಮೂಲಕ ನೋಂದಾಯಿಸಿಕೊಳ್ಳಬಹುದು. ಮಾರ್ಚ್ 31, 2022 ರಂತೆ, PMSBY ಅಡಿಯಲ್ಲಿ ನೋಂದಾಯಿಸಲಾದ ಸಕ್ರಿಯ ಗ್ರಾಹಕರ ಸಂಖ್ಯೆ 22 ಕೋಟಿ. PMSBY ವಿಮಾದಾರರು ಆಕಸ್ಮಿಕ ಮರಣ ಹೊಂದಿದ ಸಂದರ್ಭದಲ್ಲಿ ಅಥವಾ ಸಂಪೂರ್ಣ ಶಾಶ್ವತ ಅಂಗವೈಕಲ್ಯಕ್ಕೆ ಈ ವಿಮಾ ಯೋಜನೆಯಡಿ ರೂ 2 ಲಕ್ಷ  ವಿಮಾ ಪರಿಹಾರ ನೀಡಲಾಗುವುದು.  ಭಾಗಶಃ ಶಾಶ್ವತ ಅಂಗವೈಕಲ್ಯಕ್ಕೆ ರೂ. 1 ಲಕ್ಷದ ವಿಮಾ ರಕ್ಷಣೆಯನ್ನು ಒದಗಿಸುತ್ತದೆ. 

ಎರಡೂ ಯೋಜನೆಗಳ ಅಡಿಯಲ್ಲಿ, ಕ್ಲೈಮ್ ಮೊತ್ತವನ್ನು ಫಲಾನುಭವಿಗಳ ಬ್ಯಾಂಕ್ ಖಾತೆಗಳಿಗೆ ನೇರ ಲಾಭ ವರ್ಗಾವಣೆ (DBT) ಅಂದರೆ ನೇರ ಲಾಭ ವರ್ಗಾವಣೆಯ ಮೂಲಕ ವರ್ಗಾಯಿಸಲಾಗುತ್ತದೆ. PMSBY ಪ್ರಾರಂಭವಾದಾಗಿನಿಂದ, ರೂ 1,134 ಕೋಟಿ ಮೊತ್ತವನ್ನು ಪ್ರೀಮಿಯಂ ಆಗಿ ಸಂಗ್ರಹಿಸಲಾಗಿದೆ ಮತ್ತು ಮಾರ್ಚ್ 31, 2022 ರವರೆಗೆ ರೂ 2,513 ಕೋಟಿಗಳ ಕ್ಲೈಮ್‌ಗಳನ್ನು ಪಾವತಿಸಲಾಗಿದೆ. ಅದೇ ಸಮಯದಲ್ಲಿ, PMJJBY ವಿಮೆಯ ಅಡಿಯಲ್ಲಿ 9,737 ಕೋಟಿ ರೂಪಾಯಿಗಳನ್ನು ಪ್ರೀಮಿಯಂ ಆಗಿ ಸಂಗ್ರಹಿಸಲಾಗಿದೆ ಮತ್ತು ಮಾರ್ಚ್ 31, 2022 ರವರೆಗೆ, PMJJBY ಅಡಿಯಲ್ಲಿ 14,144 ಕೋಟಿ ರೂಪಾಯಿಗಳ ಕ್ಲೈಮ್ ಅನ್ನು ಪಾವತಿಸಲಾಗಿದೆ.  

ಈ ಯೋಜನೆಗಳ ಪ್ರಾರಂಭದ ನಂತರ ಕಳೆದ ಏಳು ವರ್ಷಗಳಲ್ಲಿ ಪ್ರೀಮಿಯಂ ದರಗಳು ಬದಲಾಗಿಲ್ಲ. ಪ್ರೀಮಿಯಂ ದರದಲ್ಲಿ ಬದಲಾವಣೆ ಮಾಡಿರುವುದು ಇದೇ ಮೊದಲು.