Rapido Rental service : ಶೀಘ್ರದಲ್ಲೇ 100 ನಗರಗಳಲ್ಲಿ ಲಭ್ಯವಾಗಲಿದೆ ಸೌಲಭ್ಯ..!

ಬೈಕ್  ಟ್ಯಾಕ್ಸಿ ಅಥವಾ ಬಾಕ್ಸಿಯನ್ನು (Baxi)ನೀಡುವ ರಾಪಿಡೋ ಕಂಪನಿಯು ಬಾಡಿಗೆ ಸೇವೆಯನ್ನು ಪ್ರಾರಂಭಿಸಿದೆ. ಈಗ ಒಂದು ಬುಕಿಂಗ್ ಮೂಲಕ ಇಡೀ ದಿನ ರಾಪಿಡೊ ಬಾಡಿಗೆ ಸೇವೆಯ ಲಾಭವನ್ನು ಪಡೆಯಲು ಸಾಧ್ಯವಾಗುತ್ತದೆ.

ರಾಪಿಡೋ ಪ್ರಸ್ತುತ ದೆಹಲಿ-ಎನ್‌ಸಿಆರ್, ಬೆಂಗಳೂರು, ಹೈದರಾಬಾದ್, ಚೆನ್ನೈ, ಕೋಲ್ಕತಾ ಮತ್ತು ಜೈಪುರದಲ್ಲಿ ಈ ಸೌಲಭ್ಯವನ್ನು ಪ್ರಾರಂಭಿಸಿದೆ. ಈ ಸೌಲಭ್ಯದಡಿಯಲ್ಲಿ ರಾಪಿಡೊ ಬಾಡಿಗೆ ಸೇವೆಯನ್ನು ಒಂದು ಗಂಟೆಯಿಂದ 6 ಗಂಟೆಗಳವರೆಗೆ ಕಾಯ್ದಿರಿಸಬಹುದು.

ರಾಪಿಡೋ ಕಂಪನಿಯ ಪ್ರಕಾರ, ಬಾಡಿಗೆ ಸೇವೆಯನ್ನು ಕೇವಲ 6 ನಗರಗಳಲ್ಲಿ ಪ್ರಾರಂಭಿಸಲಾಗಿದೆ. ಆದರೆ ಶೀಘ್ರದಲ್ಲೇ ಈ ಯೋಜನೆಯನ್ನು 100 ನಗರಗಳಿಗೆ ವಿಸ್ತರಿಸಲಾಗುವುದು. ಯಾವ ನಗರಗಳಲ್ಲಿ ಈ ಸೇವೆ ವಿಸ್ತರಣೆಯಾಗಲಿದೆ ಎಂಬುದರ ಬಗ್ಗೆ ಕಂಪನಿಯು ಇನ್ನೂ ಬಹಿರಂಗಪಡಿಸಿಲ್ಲ.ಆದರೂ,  ಮುಂಬೈ, ಪುಣೆ, ಲಕ್ನೋ, ಆಗ್ರಾ, ಪಾಟ್ನಾದಂತಹ ದೊಡ್ಡ ನಗರಗಳಲ್ಲಿ ಈ ಸೇವೆ ಪ್ರಾರಂಭಿಸಬಹುದು ಎಂದು ಹೇಳಲಾಗಿದೆ.

ಬೆಲೆ ಏರಿಕೆಯ ದಿನ ದಿನಗಳಲ್ಲಿ ಮಲ್ಟಿ ಸ್ಟಾಪ್ ಸಿಂಗಲ್ ಬುಕಿಂಗ್‌ನ ಬೇಡಿಕೆಯೂ ಹೆಚ್ಚಾಗಿದೆ.  ಇಲ್ಲಿ ಗ್ರಾಹಕರಿಗೆ ಮತ್ತೆ ಮತ್ತೆ ಬಾಡಿಗೆ ಬೈಕನ್ನು ಬುಕ್ ಮಾಡಬೇಕಾಗಿಲ್ಲ, ಹಾಗಾಗಿ, ಪ್ರತಿ ಬಾರಿಯೂ ಬುಕಿಂಗ್ ಶುಲ್ಕವನ್ನು ಕೂಡಾ ಪಾವತಿಸಬೇಕಾಗಿಲ್ಲ. ಮಲ್ಟಿ-ಸ್ಟಾಪ್ ಸಿಂಗಲ್ ಬುಕಿಂಗ್ ಸೇವೆಗೆ ಸಾರ್ವಜನಿಕರಿಂದಲೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.