ಸಲ್ಮಾನ್‌ ಜೊತೆ ರಶ್ಮಿಕಾ ಮಂದಣ್ಣ ರೊಮ್ಯಾನ್ಸ್‌!! ಭಾಯಿಜಾನ್‌ ಜೊತೆಗಿನ ಸಿನಿಮಾಗೆ `ಕಿರಿಕ್ ಪಾರ್ಟಿ ಬೆಡಗಿ` ಪಡೆಯುತ್ತಿರುವ ಸಂಭಾವನೆ ಎಷ್ಟು ಗೊತ್ತಾ..?

ಕರ್ನಾಟಕ ಮೂಲದ ಐಶ್ವರ್ಯ ರೈ, ದೀಪಿಕಾ ಪಡುಕೋಣೆ ಮತ್ತು ಶಿಲ್ಪಾ ಶೆಟ್ಟಿ ಬಳಿಕ ಈಗ ಕನ್ನಡದ ಮತ್ತೊಬ್ಬಳು ನಾಯಕಿ, ಅದೂ ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಹಿಂದಿ ಚಿತ್ರರಂಗದಲ್ಲಿ ಕಮಾಲ್ ಮಾಡುತ್ತಿದ್ದಾರೆ. ಇದೀಗ ಬಾಲಿವುಡ್ ಬಾಕ್ಸ್ ಆಫಿಸ್ ಸುಲ್ತಾನ್ ಸಲ್ಮಾನ್ ಖಾನ್ ಅವರ ಮುಂದಿನ ಚಿತ್ರ ‘ಸಿಕಂದರ್’ ನಾಯಕಿಯಾಗಿದ್ದಾರೆ.   

‘ಪುಷ್ಪಾ-1’, ‘ಪುಷ್ಪಾ-2’ ‘ಅನಿಮಲ್’ ಸಿನಿಮಾಗಳ ಬಳಿಕ ರಶ್ಮಿಕಾ ಮಂದಣ್ಣ ಅವರು ಬಾಲಿವುಡ್ ಸಿನಿ ಪ್ರೇಮಿಗಳ ಮನ ಗೆದ್ದಿದ್ದಾರೆ. ಹಾಗಾಗಿಯೇ ಅವರನ್ನು ಸಲ್ಮಾನ್ ಖಾನ್ ಅವರ ಮುಂದಿನ ಚಿತ್ರ ‘ಸಿಕಂದರ್’ಗೆ ನಾಯಕಿಯನ್ನಾಗಿ ಹಾಕಿಕೊಳ್ಳಲಾಗಿದೆ. ಅದಕ್ಕಾಗಿ ಚಿತ್ರತಂಡ ದೊಡ್ಡ ಮೊತ್ತವನ್ನೂ ನೀಡುತ್ತಿದೆ ಎನ್ನಲಾಗಿದೆ.   

‘ನ್ಯಾಷನಲ್ ಕ್ರಷ್’ ಎಂದೇ ಖ್ಯಾತರಾಗಿರುವ ರಶ್ಮಿಕಾ ಮಂದಣ್ಣ ಅವರಿಗೆ ಸಲ್ಮಾನ್ ಖಾನ್ ಅವರ ಬಹು ನಿರೀಕ್ಷಿತ ಮುಂದಿನ ಚಿತ್ರ ‘ಸಿಕಂದರ್’ ನಟನೆಗೆ ಸುಮಾರು 13 ಕೋಟಿ ರೂಪಾಯಿಗೂ ಹೆಚ್ಚು ಹಣ ನೀಡಲಾಗುತ್ತಿದೆಯಂತೆ. 

‘ಸಿಕಂದರ್’ ಸಿನಿಮಾ ಮೂಲಕ ಕರೀನಾ ಕಪೂರ್, ಕತ್ರಿನಾ ಕೈಫ್, ದೀಪಿಕಾ ಪಡುಕೋಣೆ ಬಳಿಕ 10 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಹೊರಹೊಮ್ಮಿದ್ದಾರೆ.

‘ಸಿಕಂದರ್’ ಸಿನಿಮಾಕ್ಕೆ ಮೊದಲಿಗೆ ಕರೀನಾ ಕಪೂರ್ ನಾಯಕಿಯಾಗುತ್ತಾರೆ ಎಂದು ಹೇಳಲಾಗುತ್ತಿತ್ತು. ಅಂತಿಮವಾಗಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿದ್ದಾರೆ. ‘ಸಿಕಂದರ್ ಸಿನಿಮಾದಲ್ಲಿ ಕಾಜೋಲ್ ಅಗರವಾಲ್ ಕೂಡ ಇದ್ದಾರೆ.

ಈಗಾಗಲೇ ತೆಲುಗು, ತಮಿಳು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದ ರಶ್ಮಿಕಾ ಮಂದಣ್ಣ ಈಗ ಸಿಕಂದರ್’ ಸಿನಿಮಾ ಮೂಲಕ ಬಾಲಿವುಡ್ ನಲ್ಲೂ ಬ್ಯುಸಿಯಾಗಿದ್ದಾರೆ.