RCB ಆಟಗಾರ ಗ್ಲೆನ್ ಮಾಕ್ಸ್’ವೆಲ್ ಪತ್ನಿ ಯಾರು ಗೊತ್ತಾ? ವಿದೇಶಿಗನ ಕೈ ಹಿಡಿದ ಈ ಸುಂದರಿ ಭಾರತದವರೇ… ಖ್ಯಾತ ವೈದ್ಯೆಯೂ ಹೌದು
ಭಾರತೀಯ ಮೂಲದ ಹುಡುಗಿಯರನ್ನು ತಮ್ಮ ಜೀವನ ಸಂಗಾತಿಯನ್ನಾಗಿ ಮಾಡಿಕೊಂಡ ವಿದೇಶಿ ಕ್ರಿಕೆಟಿಗರು ಸಾಕಷ್ಟು ಸಂಖ್ಯೆಯಲ್ಲಿದ್ದಾರೆ. ಪಾಕಿಸ್ತಾನದ ಜಹೀರ್ ಅಬ್ಬಾಸ್, ಹಸನ್ ಅಲಿ, ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್, ಆಸ್ಟ್ರೇಲಿಯಾದ ಶಾನ್ ಟೈಟ್, ಗ್ಲೆನ್ ಮ್ಯಾಕ್ಸ್‌ವೆಲ್ ಹೀಗೆ ಅನೇಕರು ಭಾರತೀಯ ಯುವತಿಯರನ್ನೇ ವರಸಿದ್ದಾರೆ.
ಅಂದಹಾಗೆ ನಾವಿಂದು ಈ ವರದಿಯಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್ ಬಗ್ಗೆ ಮಾತನಾಡಲಿದ್ದೇವೆ. ಇವರು 2022 ರಲ್ಲಿ ಭಾರತೀಯ ಮೂಲದ ವಿನಿ ರಾಮನ್ ಎಂಬವರನ್ನು ವಿವಾಹವಾದರು.
ಮ್ಯಾಕ್ಸ್‌ವೆಲ್ ಅವರ ಪತ್ನಿ ವಿನಿ ರಾಮನ್ ಆಸ್ಟ್ರೇಲಿಯಾದ ಮೆಲ್ಬೋರ್ನ್’ನಲ್ಲಿ ಜನಿಸಿದರು. ಆದರೆ ಆಕೆ ಭಾರತ ಮೂಲದವರು. ಅಷ್ಟೇ ಅಲ್ಲದೆ, ಇಂದಿಗೂ ಭಾರತೀಯ ಸಂಸ್ಕೃತಿಯನ್ನೇ ಅನುಸರಿಸುತ್ತಿದ್ದಾರೆ.
ವಿನಿಯ ಪೋಷಕರು ಚೆನ್ನೈ ಮೂಲದವರಾಗಿದ್ದು, ತಮಿಳು ಬ್ರಾಹ್ಮಣ ಕುಟುಂಬಕ್ಕೆ ಸೇರಿದವರು. ವಿಕ್ಟೋರಿಯಾದ ಮೆಂಟನ್ ಗರ್ಲ್ಸ್ ಸೆಕೆಂಡರಿ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿರುವ ವಿನ್ನಿ ವೈದ್ಯಕೀಯ ವಿಜ್ಞಾನದಲ್ಲಿ ಪದವಿ ಪಡೆದಿದ್ದು, ಫಾರ್ಮಸಿಸ್ಟ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಹಲವು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ಮ್ಯಾಕ್ಸ್‌ವೆಲ್ ಮತ್ತು ವಿನಿ, ಆ ಬಳಿಕ 2022ರಲ್ಲಿ ವಿವಾಹವಾದರು.
ಮಾಧ್ಯಮ ವರದಿಗಳ ಪ್ರಕಾರ, ಇಬ್ಬರೂ ಡಿಸೆಂಬರ್ 2013 ರಲ್ಲಿ ಆಸ್ಟ್ರೇಲಿಯನ್ ಬಿಗ್ ಬ್ಯಾಷ್ ಲೀಗ್ ತಂಡದ ಮೆಲ್ಬೋರ್ನ್ ಸ್ಟಾರ್ಸ್ ಕಾರ್ಯಕ್ರಮದ ಸಂದರ್ಭದಲ್ಲಿ ಪರಸ್ಪರ ಭೇಟಿಯಾದರು.