ಗೋವಾಗೆ ಬರುವ ವಿದೇಶಿ ಪ್ರವಾಸಿಗರ ಸಂಖ್ಯೆ ಏಕಾಏಕಿ ಕುಸಿತ..? ಕಾರಣ ಕೇಳಿದ್ರೆ ಶಾಕ್‌ ಆಗ್ತೀರಾ..

ದೇಶದಲ್ಲೇ ಪ್ರವಾಸಿಗರಿಗೆ ಅಚ್ಚುಮೆಚ್ಚಿನ ತಾಣ ಗೋವಾ.. ಆದರೆ, ಏಕಾಏಕಿ ಇಲ್ಲಿಗೆ ಬರುವ ವಿದೇಶಿ ಪ್ರವಾಸಿಗರ ಸಂಖ್ಯೆ ಕುಸಿದಿದ್ದು ಹೇಗೆ..? ವಿದೇಶಿ ಪ್ರವಾಸಿಗರ ಆಗಮನದಲ್ಲಿ ರಾಜ್ಯವು ಶೇ.60 ರಷ್ಟು ತೀವ್ರ ಕುಸಿತ ಕಂಡಿದೆ. ಒಂದು ಕಾಲದಲ್ಲಿ ಕಿಕ್ಕಿರಿದು ತುಂಬಿದ್ದ ಕಡಲತೀರಗಳು ಇಂದು ಖಾಲಿ ಖಾಲಿ..   

ನಾಲ್ಕು ವರ್ಷಗಳಲ್ಲಿ ಪ್ರವಾಸಿಗರ ಸಂಖ್ಯೆ ಅರ್ಧಕ್ಕಿಂತ ಹೆಚ್ಚು ಕುಸಿತ : ಸ್ಥಳೀಯ ದೈನಿಕ 'ಹೆರಾಲ್ಡೊ ಪ್ರಕಾರ, ಗೋವಾ 2019 ರಲ್ಲಿ ಸುಮಾರು 9.4 ಲಕ್ಷ ವಿದೇಶಿ ಪ್ರವಾಸಿಗರನ್ನು ಸ್ವಾಗತಿಸಿತ್ತು. ಆದರೆ ನವೆಂಬರ್ 2023 ರ ಹೊತ್ತಿಗೆ ಈ ಸಂಖ್ಯೆ ಅರ್ಧಕ್ಕಿಂತ ಹೆಚ್ಚು ಕಡಿಮೆಯಾದ್ದು, ಕೇವಲ 4.03 ಲಕ್ಷಕ್ಕೆ ತಲುಪಿದೆ. ಗೋವಾದ ಪ್ರವಾಸೋದ್ಯಮದ ಅರ್ಧ ಭಾಗವು ವಿದೇಶಿ ಪ್ರವಾಸಿಗರ ಮೇಲೆ ಅವಲಂಬಿತವಾಗಿದೆ.   

ವಿದೇಶಿ ಪ್ರವಾಸಿಗರು ಏಕೆ ಕಡಿಮೆಯಾದರು? : ಗೋವಾದ ಸ್ಥಳೀಯ ಉದ್ಯಮಿ ರಾಮಾನುಜ್ ಮುಖರ್ಜಿ ಅವರು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ.. ವಿದೇಶಿ ಪ್ರವಾಸಿಗರು ಈಗಾಗಲೇ ಗೋವಾ ರಾಜ್ಯವನ್ನು ತೊರೆದಿದ್ದಾರೆ ಎಂದು ತಿಳಿಸಿದ್ದಾರೆ.. ವಿದೇಶಿ ಪ್ರವಾಸಿಗರ ಸಂಖ್ಯೆಯಲ್ಲಿ ಭಾರಿ ಕುಸಿತವನ್ನು ಎತ್ತಿ ತೋರಿಸಿದ್ದಾರೆ. ವಾರ್ಷಿಕವಾಗಿ ಭೇಟಿ ನೀಡುತ್ತಿದ್ದ ರಷ್ಯನ್ನರು ಮತ್ತು ಬ್ರಿಟಿಷರು ಈಗ ಶ್ರೀಲಂಕಾವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ..    

ಗೋವಾದ ಪ್ರವಾಸೋದ್ಯಮದಲ್ಲಿ ಸಮಸ್ಯೆ ಏನು : ಸ್ಥಳೀಯರು ಟ್ಯಾಕ್ಸಿ ಮಾಫಿಯಾದಿಂದ ಪ್ರವಾಸಿಗರು ಸಾಕಷ್ಟು ಸವಾಲುಗಳನ್ನು ಎದುರಿಸುವಂತಾಗಿದೆ. ಇದು ಪ್ರವಾಸಿಗರು ಮತ್ತು ಸ್ಥಳೀಯ ನಿವಾಸಿಗಳ ಮೇಲೆ ಭಾರೀ ಪರಿಣಾಮ ಬೀರಿದೆ. ಟ್ಯಾಕ್ಸಿ ನಿರ್ವಾಹಕರ ದುಬಾರಿ ದರಗಳು, ಮೀಟರ್ ಸೇವೆಗಳ ಕೊರತೆ ಮತ್ತು ಸರ್ಕಾರದ ನಿಯಮಗಳ ನಿರ್ಲಕ್ಷ್ಯದಿಂದ ಟೂರಿಸ್ಟ್‌ ಸಂಖ್ಯೆ ಕಡಿಮೆಯಾಗಿದೆ..   

ಓಲಾ-ಉಬರ್ ಆನ್‌ಲೈನ್ ಸೇವೆಗಳ ಅನುಪಸ್ಥಿತಿ : ಭಾರತದ ಹೆಚ್ಚಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಕಾರ್ಯನಿರ್ವಹಿಸುವ ಓಲಾ ಮತ್ತು ಉಬರ್‌ನಂತಹ ಆನ್‌ಲೈನ್ ರೈಡ್-ಹೇಲಿಂಗ್ ಸೇವೆಗಳ ಅನುಪಸ್ಥಿತಿಯಿಂದ ಪರಿಸ್ಥಿತಿಯು ಗೋವಾದಲ್ಲಿ ಇಲ್ಲ.. 2014 ರಲ್ಲಿ ಗೋವಾದಲ್ಲಿ ಓಲಾ ಪ್ರಾರಂಭಿಸಲು ಪ್ರಯತ್ನಿಸಿದಾಗ, ಟ್ಯಾಕ್ಸಿ ಯೂನಿಯನ್‌ಗಳು ಮುಷ್ಕರ ನಡೆಸಿದ್ದವು. ಅಲ್ಲದೆ, ಆ್ಯಪ್ ಅನ್ನು ನಿರ್ಬಂಧಿಸುವಂತೆ ಸರ್ಕಾರದ ಮೇಲೆ ಒತ್ತಡವನ್ನು ಸೃಷ್ಟಿಸಿತು. ಪ್ರವಾಸಿಗರ ಸಂಖ್ಯೆ ಕಡಿಮೆಯಾಗಲು ಇದೂ ಒಂದು ಕಾರಣ..  

ಜಿಯೋಪೊಲಿಟಿಕಲ್ ಫ್ಯಾಕ್ಟರ್ : ಹೆರಾಲ್ಡೊ ವರದಿಯ ಪ್ರಕಾರ, ರಷ್ಯಾ-ಉಕ್ರೇನ್ ಸಂಘರ್ಷ ಮತ್ತು ಇಸ್ರೇಲ್ ಮತ್ತು ಪ್ಯಾಲೆಸ್ತೀನ್ ನಡುವಿನ ಅಶಾಂತಿಯಿಂದಾಗಿ ಈ ಪ್ರದೇಶಗಳಿಂದ ಗೋವಾಕ್ಕೆ ಬರುವ ಪ್ರವಾಸಿಗರ ಸಂಖ್ಯೆಯೂ ಕಡಿಮೆಯಾಗಿದೆ. ಗೋವಾ ಪ್ರತಿದಿನ ರಷ್ಯಾದಿಂದ ಸುಮಾರು ಐದು ಚಾರ್ಟರ್ಡ್ ವಿಮಾನಗಳನ್ನು ಸೇವೆ ಹೊಂದಿತ್ತು.. ಈಗ ವಾರಕ್ಕೆ ಸುಮಾರು ಒಂದು ಡಜನ್ ವಿಮಾನಗಳಿವೆ ಎಂದು ಗೋವಾ ಎವೆರಿಡೇ ವರದಿ ಮಾಡಿದೆ.   

ಇ-ವೀಸಾ ಪ್ರಕ್ರಿಯೆ : ಈ ಸವಾಲುಗಳ ಜೊತೆಗೆ, ಯುಕೆ ನಾಗರಿಕರಿಗೆ ಇ-ವೀಸಾ ಪ್ರಕ್ರಿಯೆಯಲ್ಲಿ ಭಾರತ ಸರ್ಕಾರದಿಂದ ವಿಳಂಬ ನೀತಿ ಉಂಟಾಗಿದೆ. ಇದು ಯುರೋಪಿಯನ್ ಪ್ರವಾಸಿಗರ ಸಂಖ್ಯೆಯನ್ನು ಕಡಿಮೆ ಮಾಡಿದೆ ಮತ್ತು ಗೋವಾಕ್ಕೆ ಅಂತರರಾಷ್ಟ್ರೀಯ ಪ್ರವಾಸಿಗರ ಹರಿವಿನ ಮೇಲೆ ನಿರಂತರವಾಗಿ ಪರಿಣಾಮ ಬೀರಿದೆ.. ಹೀಗೆ ಹಲವಾರು ಕಾರಣಗಳು ಗೋವಾದಲ್ಲಿ ಪ್ರವಾಸಿಗರ ಸಂಖ್ಯೆ ಕಡಿಮೆಯಾಗಲು ಕಾರಣವಾಗಿದೆ..