Stock Market Today: ಷೇರು ಮಾರುಕಟ್ಟೆಯಲ್ಲಿ ಮತ್ತೆ ಕುಸಿತ, ಕೈಸುಟ್ಟುಕೊಂಡ ಹೂಡಿಕೆದಾರ!

ಷೇರು ಮಾರುಕಟ್ಟೆಯಲ್ಲಿ ಮತ್ತೊಮ್ಮೆ ಕುಸಿತ ಕಂಡುಬಂದಿದೆ. ಇಂದು ಸೆನ್ಸೆಕ್ಸ್ ಮತ್ತು ನಿಫ್ಟಿ ಎರಡೂ ಮಾರುಕಟ್ಟೆಯಲ್ಲಿ ರೆಡ್ ಮಾರ್ಕ್ ನಲ್ಲಿ ಮುಕ್ತಾಯಗೊಂಡವು. ಇದರೊಂದಿಗೆ ಮಾರುಕಟ್ಟೆಯಲ್ಲಿ ಹಲವು ಷೇರುಗಳಲ್ಲಿ ಕುಸಿತ ಕಂಡಿವೆ. ಸೆನ್ಸೆಕ್ಸ್ ಮತ್ತೊಮ್ಮೆ 62 ಸಾವಿರದ ಕೆಳಗೆ ಮುಕ್ತಾಯಗೊಂಡರೆ, ನಿಫ್ಟಿ 18,300ಕ್ಕಿಂತ ಕೆಳಗೆ ಮುಕ್ತಾಯಗೊಂಡಿತು.   

ಆರಂಭಿಕ ಅವಧಿಯಲ್ಲಿ ಷೇರುಪೇಟೆಯಲ್ಲಿ ಉತ್ಕರ್ಷವಿತ್ತು. ನಂತರ ದ್ವಿತೀಯಾರ್ಧದಲ್ಲಿ ಮಾರುಕಟ್ಟೆ ಕುಸಿತ ಕಂಡಿತು. ಈ ಕುಸಿತದೊಂದಿಗೆ, ಸೆನ್ಸೆಕ್ಸ್ 208.01 ಅಂಕಗಳು (0.34%) ಕುಸಿದು 61773.78ಕ್ಕೆ ತಲುಪಿತು. ಅದೇ ರೀತಿ ನಿಫ್ಟಿ ಕೂಡ ಕುಸಿತ ಕಂಡಿತು. ನಿಫ್ಟಿ 62.60 ಪಾಯಿಂಟ್ (0.34%) ರಷ್ಟು ಕುಸಿತ ಕಂಡು 18285.40 ಮಟ್ಟದಲ್ಲಿ ಕೊನೆಗೊಂಡಿತು.

ಅದಾನಿ ಎಂಟರ್‌ಪ್ರೈಸಸ್, ಅದಾನಿ ಪೋರ್ಟ್ಸ್, ಟಾಟಾ ಮೋಟಾರ್ಸ್, ಎಚ್‌ಡಿಎಫ್‌ಸಿ ಬ್ಯಾಂಕ್ ಮತ್ತು ಐಸಿಐಸಿಐ ಬ್ಯಾಂಕ್ ಇಂದಿನ ಮಾರುಕಟ್ಟೆಯಲ್ಲಿ ನಷ್ಟ ಅನುಭವಿಸಿದ ನಿಫ್ಟಿಯ ಪ್ರಮುಖ ಷೇರುಗಳಾಗಿವೆ. ಮತ್ತೊಂದೆಡೆ ಸನ್ ಫಾರ್ಮಾ, ಡಾ ರೆಡ್ಡೀಸ್ ಲ್ಯಾಬೋರೇಟರೀಸ್, ಐಟಿಸಿ, ಇಂಡಸ್‌ಇಂಡ್ ಬ್ಯಾಂಕ್ ಮತ್ತು ಹೀರೋ ಮೋಟೋಕಾರ್ಪ್ ನಿಫ್ಟಿ ಟಾಪ್ ಗೇನರ್‌ಗಳಾಗಿ ಹೊರಹೊಮ್ಮಿದವು.

ಜಾಗತಿಕ ಮಾರುಕಟ್ಟೆಯಲ್ಲಿನ ದುರ್ಬಲ ಭಾವನೆಯಿಂದ ಪ್ರಭಾವಿತವಾಗಿರುವ ಭಾರತೀಯ ಮಾರುಕಟ್ಟೆಯು ಇಂದು ಅಲ್ಪಾವಧಿಯ ರ್ಯಾಲಿಯನ್ನು ಅನುಭವಿಸಿತು. ಐರೋಪ್ಯ ಮಾರುಕಟ್ಟೆಗಳೂ ಕುಸಿತ ಕಂಡಿವೆ. ಇದಲ್ಲದೆ ಅಮೆರಿಕದಲ್ಲಿಯೂ ಸಾಲದ ಮಿತಿ ಬಿಕ್ಕಟ್ಟು ತೀವ್ರಗೊಳ್ಳುತ್ತಿದ್ದು, ಹೂಡಿಕೆದಾರರ ಗ್ರಹಿಕೆಯಲ್ಲಿ ಬದಲಾವಣೆ ಕಂಡುಬಂದಿದೆ.

ಜಾಗತಿಕ ಮಾರುಕಟ್ಟೆಗಳಲ್ಲಿನ ದೌರ್ಬಲ್ಯವು ದೇಶೀಯ ಸೂಚ್ಯಂಕಗಳ ಕುಸಿತಕ್ಕೆ ಕಾರಣವಾಯಿತು. ಅಲ್ಲದೆ ಬಲವಾದ ಚೀನೀ ಯುವಾನ್ ಮತ್ತು ಕಾರ್ಪೊರೇಟ್ ಡಾಲರ್ ಒಳಹರಿವಿನ ಮಧ್ಯೆ ಭಾರತೀಯ ರೂಪಾಯಿ 2ನೇ ದಿನವೂ ಏರಿಕೆಯಾಗಿದೆ. 83ರ ಮಾನಸಿಕ ಮಟ್ಟದ ಬಳಿ RBI ಹಸ್ತಕ್ಷೇಪದ ನಿರೀಕ್ಷೆಯಲ್ಲಿ ರಫ್ತುದಾರರಿಂದ ಡಾಲರ್ ಮಾರಾಟವು ರೂಪಾಯಿಯನ್ನು ಬೆಂಬಲಿಸಿತು.