Samsung Galaxy S23 FE: Samsungನ ಈ ಸ್ಮಾರ್ಟ್‌ಫೋನ್‌ ಮೇಲೆ ಶೇ.56ರಷ್ಟು ಡಿಸ್ಕೌಂಟ್‌!

Samsung Galaxy S23 FE ಸಖತ್‌ ಸ್ಟೈಲಿಶ್‌ ಲುಕ್‌ ಹೊಂದಿದೆ. ಈ ಫೋನ್‌ ಮೂಲ ಬೆಲೆಗಿಂತಲೂ ಭಾರೀ ಅಗ್ಗದ ಬೆಲೆಗೆ ಸಿಗುತ್ತಿದೆ. ಈ ಸ್ಮಾರ್ಟ್‌ಫೋನ್‌ ಖರೀದಿಯ ಮೇಲೆ ಶೇ.56ರಷ್ಟು ಡಿಸ್ಕೌಂಟ್‌ ದೊರೆಯುತ್ತಿದೆ. ಸ್ಯಾಮ್‌ಸಾಂಗ್‌ನ ಈ ಪ್ರೀಮಿಯಂ ಫೋನ್‌ ಖರೀದಿಯ ಮೇಲೆ 45 ಸಾವಿರ ರೂ. ಕಡಿತಗೊಂಡು ಕೇವಲ 34,999 ರೂ.ಗೆ ಗ್ರಾಹಕರಿಗೆ ಸಿಗಲಿದೆ.  

ಸ್ಯಾಮ್‌ಸಾಂಗ್‌ ಈ ಸ್ಮಾರ್ಟ್‌ಫೋನ್ ಅನ್ನು ಸುಮಾರು 80 ಸಾವಿರ ರೂ.ಗೆ ಬಿಡುಗಡೆ ಮಾಡಿತ್ತು. ಆದರೆ ಈಗ ಈ ಸ್ಮಾರ್ಟ್‌ಫೋನ್ ಬಿಡುಗಡೆಯ ಬೆಲೆಗಿಂತ ಕಡಿಮೆಯಾಗಿದೆ. ಈ ಫೋನ್‌ನ ಜೊತೆಗೆ ನೀವು ಶಕ್ತಿಯುತ ಪ್ರೊಸೆಸರ್ ಮತ್ತು ಉನ್ನತ ದರ್ಜೆಯ ಪ್ರಮುಖ ಕ್ಯಾಮೆರಾ ಸೆಟಪ್ ಅನ್ನು ಪಡೆಯುತ್ತೀರಿ.

ಫ್ಲಿಪ್‌ಕಾರ್ಟ್‌ನಲ್ಲಿ ನೀವು ಅಗ್ಗದ ಬೆಲೆಗೆ Samsung Galaxy S23 FEಯನ್ನು ಖರೀದಿಸಬಹುದು. ನೀವು ಸುಮಾರು 45 ಸಾವಿರ ರೂ.ಗಳ ದೊಡ್ಡ ಉಳಿತಾಯ ಮಾಡಬಹುದು. ಈ ಸ್ಮಾರ್ಟ್‌ಫೋನ್ ಫ್ಲಿಪ್‌ಕಾರ್ಟ್‌ನಲ್ಲಿ 79,999 ರೂ.ಗೆ ಲಭ್ಯವಿತ್ತು. ಪ್ರಸ್ತುತ ಈ ಫೋನ್‌ ಖರೀದಯ ಮೇಲೆ ಭಾರೀ ರಿಯಾಯಿತಿ ನೀಡಲಾಗುತ್ತಿದೆ. ಈ ಕೊಡುಗೆಯ ನಂತರ ನೀವು ಇದನ್ನು ನೇರವಾಗಿ 34,999 ರೂ.ಗೆ ಖರೀದಿಸಬಹುದು. ಅಂದರೆ ನೀವು ಬರೋಬ್ಬರಿ 45,000 ರೂ.ಗಳನ್ನು ಉಳಿಸಬಹುದು.  

ಭಾರೀ ಬೆಲೆ ಕಡಿತದ ಜೊತೆಗೆ ಗ್ರಾಹಕರಿಗೆ ಎಕ್ಸ್‌ಚೇಂಜ್ ಆಫರ್ ಕೂಡ ನೀಡಲಾಗುತ್ತಿದೆ. Samsung Galaxy S23 FE ಖರೀದಿಯ ಮೇಲೆ ನೀವು ನಿಮ್ಮ ಹಳೆಯ ಫೋನ್ ಅನ್ನು 32,800 ರೂ.ವರೆಗೆ ಎಕ್ಸ್‌ಚೇಂಜ್‌ ಮಾಡಿಕೊಳ್ಳಬಹುದು. ನೀವು ಎಕ್ಸ್‌ಚೇಂಜ್ ಆಫರ್‌ನ ಸಂಪೂರ್ಣ ಮೌಲ್ಯ ಪಡೆದರೆ, ನೀವು ಈ ಪ್ರೀಮಿಯಂ ಫೋನ್ ಅನ್ನು ಕೇವಲ 4-5 ಸಾವಿರ ರೂ.ಗೆ ಖರೀದಿಸಬಹುದು.

ಇನ್ನು ಫ್ಲಿಪ್‌ಕಾರ್ಟ್‌ ಎಕ್ಸಿಸ್ ಕಾರ್ಡ್‌ ಹೊಂದಿದವರಿಗೆ ಶೇ.5ರಷ್ಟು ರಿಯಾಯಿತಿ ನೀಡಲಾಗುತ್ತದೆ. ಕ್ರೆಡಿಟ್ ಕಾರ್ಡ್‌ ಹಾಗೂ ಡೆಬಿಟ್ ಕಾರ್ಡ್‌ಗಳ ಮೇಲೆ 1,000 ರೂ.ಗಳವರೆಗೂ ಆಫರ್‌ ನೀಡಲಾಗುತ್ತಿದೆ.