ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಸ್ಯಾಂಡಲ್‌ವುಡ್‌ ಕ್ಯೂಟ್‌ ಕಪಲ್‌.. ವಸಿಷ್ಠ ಸಿಂಹ-ಹರಿಪ್ರಿಯಾ ಬೇಬಿಬಂಪ್‌ ಫೋಟೋಶೂಟ್‌ ವೈರಲ್‌
HARIPRIYA VASISHTA SIMHA: ಸ್ಯಾಂಡಲ್‌ವುಡ್‌ನ ಕ್ಯೂಟ್‌ ಕಪಲ್‌ ಎನಿಸಿಕೊಂಡಿರುವ ವಸಿಷ್ಠ ಸಿಂಹ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ, ಇದೀಗ ಈ ಮುದ್ದಾದ ಜೋಡಿ ಬೇಬಿ ಬಂಪ್‌ ಫೋಟೋಶೂಟ್‌ ಮಾಡಿಸಿಕೊಂಡು ವಿಡಿಯೋವನ್ನು ಸಾಮಾಜಿಕ ಜಾಲಾತನದಲ್ಲಿ ಹಂಚಿಕೊಂಡಿದ್ದಾರೆ.
ವಿಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಜೋಡಿ ಸಿಕ್ಕಾಪಟ್ಟೆ ಫ್ಯಾನ್‌ ಬೇಸ್‌ ಇದೆ, ಈ ಮುದ್ದಾದ ಜೋಡಿ ಮದುವೆಯಾದಾಗಿನಿಂದ, ಅಭಿಮಾನಿಗಳು ಯಾವಾಗ ಗುಡ್‌ ನ್ಯೂಸ್‌ ಕೊಡ್ತೀರಾ? ಎಂದು ಸ್ಟಾರ್‌ ದಂಪತಿಗಳನ್ನು ಪ್ರಶ್ನಿಸುತ್ತಿದ್ದರು. ಆದರೆ ಇದೀಗ ಕ್ಯೂಟ್‌ ಜೋಡಿ ಗುಡ್‌ ನ್ಯೂಸ್‌ ಕೊಟ್ಟಿದ್ದಾರೆ.
ಇತ್ತೀಚೆಗಷ್ಟೆ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಜೋಡಿ ತಾವು ಪೋಷಕರಾಗುತ್ತಿರುವುದರ ಕುರಿತು ಅಧಿಕೃತವಾಗಿ ಮಾಹಿತಿಯನ್ನು ಹಂಚಿಕೊಂಡಿದ್ದರು, ವಿಷಯ ಕೇಳಿದ ಅವರ ಅಭಿಮಾನಿಗಳಂತೂ ಫುಲ್‌ ಕುಷ್‌ ಆಗಿದ್ದರು.
ಇದೀಗ ಸ್ಟಾರ್‌ ಜೋಡಿ, ತಮ್ಮ ಬೇಬಿ ಬಂಪ್‌ ಫೋಟೋ ಶೂಟ್‌ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಈ ವಿಡಿಯೋ ಸದ್ಯ ಸಿಕ್ಕಾಪಟ್ಟೆ ವೈರಲ್‌ ಆಗುತ್ತಿದೆ.
ಕನ್ನಡ ಹಬ್ಬದ ಸಲುವಾಗಿ ನಾವು ಎಂದು ಕ್ಯಾಪ್ಷನ್‌ ಕೊಟ್ಟು ಹರಿಪ್ರಿಯ ತಮ್ಮ ಟ್ವಿಟರ್‌ ಹಾಗೂ ಇನ್ಸ್ಟಾಗ್ರಾಮ್‌ ಖಾತೆಯಲ್ಲಿ ಈ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಜೋಡಿ ಈ ವಿಡಿಯೋದಲ್ಲಿ ಸಾಂಪ್ರದಾಯಿಕ ಉಡುಪಿನಲ್ಲಿ ಮಿಂಚುತ್ತಿದ್ದು, ಹರಿಪ್ರಿಯಾ ಕೆಂಪು ಉಡುಪು ಧರಿಸಿದ್ದರೆ, ವಸಿಷ್ಠ ಸಿಂಹ ಹಳದಿ ಬಣ್ಣದ ಉಡುಪಿನಲ್ಲಿ ಮಸ್ತ್‌ ಆಗಿ ಕಾಣುತ್ತಿದ್ದಾರೆ.
ಇನ್ನೂ, ಈ ಜೋಡಿ ನ.01ರಂದು ತಾವು ಪೋಷಕರಾಗುತ್ತಿರುವ ವಿಷಯವನ್ನು ಹಂಚಿಕೊಂಡಿದ್ದರು.