ಇದೇ ಕಾರಣಕ್ಕೆ ಕಬ್ಬಡ್ಡಿಯಿಂದ ಬ್ಯಾನ್ ಆಗಿದ್ದಾರೆ ಬಿಗ್ ಬಾಸ್ ಸಂಗೀತಾ ಶೃಂಗೇರಿ! ಆದರೂ ಈ ಆಟದಲ್ಲಿ ಗೋಲ್ಡ್ ಮೆಡಲಿಸ್ಟ್

ಸಂಗೀತಾ ಶೃಂಗೇರಿ ಬಿಗ್ ಬಾಸ್ ಮನೆಯ ಖಡಕ್ ಸ್ಪರ್ಧಿ. ಕಪ್ ಗೆಲ್ಲುವ ಎಲ್ಲಾ ಸಾಮರ್ಥ್ಯವನ್ನು ಹೊಂದಿರುವ ಆಟಗಾರ್ತಿ. ಇವರು ಮನೆಯ ಹೊರಗೆ ಕೂಡಾ ಉತ್ತಮ ಕ್ರೀಡಾಪಟು.   

ಸಂಗೀತಾ ಶಾಲಾ ದಿನಗಳಲ್ಲಿಯೇ ಆಟೋಟ ಸ್ಪರ್ಧೆಗಳನ್ನು ಹೆಚ್ಚಿನ ಅಭಿರುಚಿ ಹೊಂದಿದ್ದವರು. ಕಬ್ಬಡ್ಡಿ, ಖೋ ಖೋ ಹೀಗೆ ಬೇರೆ ಬೇರೆ ಕ್ರೀಡೆಗಳಲ್ಲಿ ಆಸಕ್ತಿ ಹೊಂದಿದ್ದವರು.

ಬಿಗ್ ಬಾಸ್ ಮನೆಯಂತೆಯೇ  ಹೊರಗೆ ಕೂಡಾ ತನಗೆ ಸರಿ ಅನ್ನಿಸಿದ್ದನ್ನು ಸರಿ ಎನ್ನುವ ತಪ್ಪು ಅನ್ನಿಸಿದ್ದನ್ನು ತಪ್ಪು ಎನ್ನುವ ಎದೆಗಾರಿಕೆ ಇರುವ ಯುವತಿ ಸಂಗೀತಾ. ಆಟ ಎಂದಾಗ ಅದೆಂಥಾ ಪೀಕ್ ಗೆ ಹೋಗಲು ಕೂಡಾ ಸಂಗೀತಾ ಸಿದ್ದ. 

 ಹೀಗೆ ಆಟವಾಡುವ ಸಂಗೀತಾ  ಶಾಲಾ ದಿನಗಳಿಂದಲೇ ಕಬ್ಬಡ್ಡಿ ಆಟಗಾರ್ತಿ. ಆದರೆ ಒಮ್ಮೆ ಕಬ್ಬಡ್ಡಿ ಆಟಗಾರನನ್ನು ಹಿಡಿದು ಸರಿಯಾಗಿ ಬಾರಿಸಿದ್ದರಂತೆ. ಅಲ್ಲದೆ ಆ ಆಟಗಾರನ ಬಟ್ಟೆ ಕೂಡಾ ಹರಿದು ಹಾಕಿದ್ದರಂತೆ. ಇದಾದ ಬಳಿಕ ಶಾಲಾ ಶಿಕ್ಷಕರು ಸಂಗೀತಾನನ್ನು ಕಬ್ಬಡ್ಡಿಯಿಂದಲೇ ಬ್ಯಾನ್ ಮಾಡಿ ಬಿಟ್ಟರಂತೆ. 

ಆದರೆ ಇದರ ನಂತರ ಖೋ ಖೋ ಆಟದಲ್ಲಿ ಅಭಿರುಚಿ ಬೆಳೆಸಿಕೊಂಡ ಸಂಗೀತಾ ಖೋ ಖೋದಲ್ಲಿ  ಕರ್ನಾಟಕ ತಂಡವನ್ನು ಪ್ರತಿನಿಧಿಸಿ ಚಿನ್ನದ ಪದಕ ಕೂಡಾ ಗೆದ್ದಿದ್ದಾರೆ.