ವಿಷ್ಣುವರ್ಧನ್ ಕೈಗೆ ಧರಿಸುತ್ತಿದ್ದ ಕಡಗ ನೀಡಿದ್ದು ಇವರೇ ! ಈಗ ಯಾರ ಬಳಿ ಇದೆ ಗೊತ್ತಾ ಅದು ?
ಹಿರಿಯ ನಟ ವಿಷ್ಣುವರ್ಧನ್ ಅಂದ ಕೂಡಲೇ ಈಗಲೂ ಕಣ್ಣಿಗೆ ಕಟ್ಟುವುದು ಅವರ ಕೈಯ್ಯಲ್ಲಿ ಇದ್ದ ಕಡಗ. ಪ್ರತೀ ಒಂದು ಸಿನಿಮಾದಲ್ಲಿಯೂ ವಿಷ್ಣುವರ್ಧನ ಆ ಕಡಗ ಹಾಕಿಕೊಂಡೇ ಇರುತ್ತಿದ್ದರು.
ವಿಷ್ಣುವರ್ಧನ್ ಈ ಕಡಗವನ್ನು ಶೋಕಿಗಾಗಿ ಹಾಕಿಕೊಳ್ಳುತ್ತಿರಲಿಲ್ಲ. ಅವರು ಒಂದು ಮಹತ್ವದ ಕಾರಣದಿಂದಲೇ ಈ ಕಡಗವನ್ನು ಹಾಕಿಕೊಳ್ಳುತ್ತಿದ್ದರು.
೧೯೮೦ರ ಬಳಿಕ ಪ್ರತಿ ಸಿನಿಮಾದಲ್ಲಿಯೂ ವಿಷ್ಣುವರ್ಧನ್ ಈ ಕಡ ಹಾಕಿಕೊಂಡಿದ್ದಾರೆ. ಆದರೆ ಗುರು ಶಿಷ್ಯರು ಒಂದು ಸಿನಿಮಾದಲ್ಲಿ ಮಾತ್ರ ಅವರ ಕೈಯ್ಯಲ್ಲಿ ಈ ಕಡ ಕಾಣ ಸಿಗುವುದಿಲ್ಲ.
ಈ ಕಡಗ ನನ್ನ ಜೀವನದ ಅವಿಭಾಜ್ಯ ಅಂಗ ಎನ್ನುವುದನ್ನು ವಿಷ್ಣುವರ್ಧನ್ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದರು. ಅಲ್ಲದೆ ಈ ಕಡಗ ಇಲ್ಲದೆ ಅವರು ಮನೆಯಿಂದ ಹೊರಗೆ ಹೋಗುತ್ತಲೇ ಇರಲಿಲ್ಲವಂತೆ.
ಅಂದ ಹಾಗೆ ಅವರಿಗೆ ಈ ಕಡಗವನ್ನು ಗುರುದ್ವಾರದ ಗುರುಗಳು ನೀಡಿದ್ದರಂತೆ. ಬೀದರ್ ನಲ್ಲಿ ೧೯೮೦ರಲ್ಲಿ ಗುರುಗಳು ಈ ಕಡಗ ನೀಡಿದ್ದರು. ಅಂದಿನಿಂದ ವಿಷ್ಣುವರ್ಧನ್ ಕೊನೆ ಕ್ಷಣದವರೆಗೂ ಅವರು ಆ ಕಡಗವನ್ನು ತೆಗೆಯಲೇ ಇಲ್ಲ.
ಇನ್ನು ವಿಷ್ಣುವರ್ಧನ್ ಲೆಫ್ಟಿ. ಅಂದರೆ ಬಲ ಗೈಗಿಂತ ಎಡಗೈ ಬಳಕೆ ಜಾಸ್ತಿ. ಅವರ ಎರಡೂ ಕೈಗಳ ತೂಕ ಭಿನ್ನವಾಗಿತ್ತು. ಅದನ್ನು ಸರಿದೂಗಿಸಲು ವಿಷ್ಣುವರ್ಧನ್ ಈ ಕಡಗ ಹಾಕಿಕೊಳ್ಳಲೇ ಬೇಕಿತ್ತಂತೆ.
ವಿಷ್ಣುವರ್ಧನ್ ನಿಧನದ ಬಳಿಕ ಆ ಕಡವನ್ನು ಅವರ ಕುಟುಂಬದವರು ತೆಗೆದಿಟ್ಟಿ ದ್ದಾರೆಯಂತೆ. ಅಂದರೆ ಅದು ಈಗಲೂ ಅವರ ಕುಟುಂಬದ ಬಳಿಯೇ ಇದೆ ಎಂದು ಹೇಳಲಾಗುತ್ತಿದೆ.