ಈ ಬಿಳಿ ವಸ್ತುಗಳು ಕನಸಿನಲ್ಲಿ ಕಂಡರೆ ಧನಿಕರಾಗುವ ದಿನಗಳು ಹತ್ತಿರದಲ್ಲಿವೆ ಎಂದರ್ಥ

ಕನಸಿನಲ್ಲಿ ಬಿಳಿ ಸಿಂಹ ಅಥವಾ ಹುಲಿಯನ್ನು ನೋಡುವುದು ತುಂಬಾ ಮಂಗಳಕರ. ಯಾವುದೋ ದೊಡ್ಡ ವಿಷಯಗಳಲ್ಲಿ ಜಯ ಗಳಿಸುವ ಮುನ್ಸೂಚನೆಯನ್ನು ಇದು ನೀಡುತ್ತದೆ. ವೃತ್ತಿಯಲ್ಲಿ ಬರುವ ಅಡೆತಡೆಗಳನ್ನು ನಿವಾರಿಸಿ ಉತ್ತಮ ಪ್ರಗತಿಯನ್ನು ನೀಡುತ್ತದೆ. 

ಕನಸಿನಲ್ಲಿ ಬಿಳಿ ನವಿಲನ್ನು ನೋಡುವುದು ಎಂದರೆ ನಿಮ್ಮ ಜೀವನದಲ್ಲಿ ಅಪಾರ ಸಂಪತ್ತು ಮತ್ತು ಸಂತೋಷ ಬರಲಿದೆ ಎಂದರ್ಥ. ನಿಮ್ಮನ್ನು ಶ್ರೀಮಂತರನ್ನಾಗಿಸಲು ಈ ಕನಸು ಸಾಕು. 

ನಿಮ್ಮ ಕನಸಿನಲ್ಲಿ ಬಿಳಿ ಗೂಬೆಯನ್ನು ನೋಡಿದರೆ, ನಿಮಗೆ ಬಹಳಷ್ಟು ಹಣವನ್ನು ಪಡೆಯುವ ಅವಕಾಶ ಸಿಗುತ್ತದೆ ಎಂದರ್ಥ.  ಗೂಬೆಯು ಲಕ್ಷ್ಮಿ ದೇವಿಯ ವಾಹನವಾಗಿದೆ. ಈ ಕಾರಣದಿಂದಾಗಿ,  ಬಿಳಿ ಗೂಬೆಯ ಕನಸು ಕಾಣುವುದೆಂದರೆ ಲಕ್ಷ್ಮಿ ದೇವಿಯ ಆಶೀರ್ವಾದ ಸಿಗಲಿದೆ ಎನ್ನುವುದರ ಸ್ಪಷ್ಟ ಸೂಚನೆ.    

 ಕನಸಿನಲ್ಲಿ ಬಿಳಿ ಹಂಸವನ್ನು ನೋಡುವುದು ಎಂದರೆ ಭವ್ಯವಾದ ವೈಭವವನ್ನು ಪಡೆಯಲಿದ್ದೀರಿ ಎಂದರ್ಥ.   

ಕನಸಿನಲ್ಲಿ ಬಿಳಿ ಆನೆಯನ್ನು ನೋಡಿದರೆ, ಜೀವನದಲ್ಲಿ ರಾಜಯೋಗದ ಆರಂಭವನ್ನು ಸೂಚಿಸುತ್ತದೆ. ಅಂತಹ ಕನಸು ಅಪಾರ ಸಂಪತ್ತು, ಗೌರವ ಮತ್ತು ದೊಡ್ಡ ಯಶಸ್ಸನ್ನು ಹೊತ್ತು  ತರುತ್ತದೆ.

ಕನಸಿನಲ್ಲಿ ಬಿಳಿ ಕುದುರೆಯನ್ನು ನೋಡುವುದು ವೃತ್ತಿ-ವ್ಯವಹಾರದಲ್ಲಿ ಉತ್ತಮ ಯಶಸ್ಸು ಸಿಗುವ ಸಂಕೇತ. ಇದು ಜೀವನವನ್ನು ಬದಲಾಯಿಸುವ ಸಾಧನೆಯಾಗಬಹುದು.