ಐದು ಲಕ್ಷಕ್ಕಿಂತ ಕಡಿಮೆ ಬೆಲೆಯ 7 ಸೀಟರ್ ಕಾರು.! CNGನಲ್ಲಿ ಕೂಡಾ ನೀಡುವುದು ಭರ್ಜರಿ ಮೈಲೇಜ್

ಮಾರುತಿ ಸುಜುಕಿ ಇತ್ತೀಚೆಗೆ Eecoವನ್ನು ಹೊಸ ರೂಪದಲ್ಲಿ ಬಿಡುಗಡೆ ಮಾಡಿದೆ.   ಈ ಕಾರಿನಲ್ಲಿ ಹೆಚ್ಚು ಶಕ್ತಿಶಾಲಿ ಎಂಜಿನ್, ಹೊಸ ಬಣ್ಣ ಮತ್ತು ಉತ್ತಮ ವೈಶಿಷ್ಟ್ಯಗಳನ್ನು ನೀಡಲಾಗಿದೆ. ಭಾರತದಲ್ಲಿ ಈ ವಾಹನದ ಬೆಲೆ .5.10 ಲಕ್ಷಗಳಿಂದ ಪ್ರಾರಂಭವಾಗಿ 6.44 ಲಕ್ಷಗಳವರೆಗೆ ಇರುತ್ತದೆ.   

ಮಾರುತಿ ಇಕೋ 5 ಸೀಟರ್ ಮತ್ತು 7 ಸೀಟರ್ ರೂಪಾಂತರಗಳಲ್ಲಿ ಬರುತ್ತದೆ. ಇದನ್ನು ನಾಲ್ಕು ರೂಪಾಂತರಗಳಲ್ಲಿ ಹೊರ ತರಲಾಗಿದೆ. ಇದರಲ್ಲಿ 5-ಸೀಟರ್ ಸ್ಟ್ಯಾಂಡರ್ಡ್ (O), 5-ಸೀಟರ್ AC (O), 5-ಸೀಟರ್ AC CNG (O) ಮತ್ತು 7-ಸೀಟರ್ ಸ್ಟ್ಯಾಂಡರ್ಡ್ (O).

ಹೊಸ ಮಾರುತಿ ಇಕೋ ಈಗ 1.2-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ಪಡೆಯುತ್ತದೆ. ಇದು 81PS ಪವರ್ ಮತ್ತು 104.4Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲ್ಪಟ್ಟಿದೆ. CNG ರೂಪಾಂತರದಲ್ಲಿ ಎಂಜಿನ್‌ನ ಔಟ್‌ಪುಟ್ 72PS ಮತ್ತು 95Nm ಗೆ ಇಳಿಯುತ್ತದೆ. CNG ರೂಪಾಂತರದ ಮೈಲೇಜ್ 27.05km/kg ವರೆಗೆ ಇರುತ್ತದೆ. 

ಮಾರುತಿ ಇಕೋದಲ್ಲಿ ಡಿಜಿಟಲ್ ಸ್ಪೀಡೋಮೀಟರ್, ರಿಕ್ಲೈನಿಂಗ್ ಫ್ರಂಟ್ ಸೀಟ್, ಮ್ಯಾನುವಲ್ ಎಸಿ ನೀಡಲಾಗಿದೆ. ಸುರಕ್ಷತೆಗಾಗಿ, ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಇಬಿಡಿಯೊಂದಿಗೆ ಎಬಿಎಸ್, ಸೀಟ್‌ಬೆಲ್ಟ್ ರಿಮೈಂಡರ್, ಸ್ಪೀಡ್ ಅಲರ್ಟ್ ಮತ್ತು ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳು ಲಭ್ಯವಿದೆ.