2023 ರ ಅತ್ಯಂತ ಜನಪ್ರಿಯ ಭಾರತೀಯ ತಾರೆ ಇವರೇ.. ಟಾಪ್‌ 10 ಪಟ್ಟಿಯಲ್ಲಿ ಸೌತ್‌ ಸೆಲಿಬ್ರಿಟಿಗಳ ಹವಾ!
ಶೋಭಿತಾ ಧೂಳಿಪಾಲ: ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಶೋಭಿತಾ ಧೂಳಿಪಾಲ ಎಂಟನೇ ಸ್ಥಾನದಲ್ಲಿದ್ದಾರೆ. ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಅಕ್ಷಯ್ ಕುಮಾರ್ ಒಂಬತ್ತನೇ ಸ್ಥಾನ ಮತ್ತು ವಿಜಯ್ ಸೇತುಪತಿಹತ್ತನೇ ಸ್ಥಾನದಲ್ಲಿದ್ದಾರೆ.
ಕರೀನಾ ಕಪೂರ್ ಖಾನ್: ಕರೀನಾ ಕಪೂರ್ ಖಾನ್ 2023 ರಲ್ಲಿ ಜಾನೆ ಜಾನ್ ಮೂಲಕ OTT ಪಾದರ್ಪಣೆ ಮಾಡಿದರು. ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಕರೀನಾ ಕಪೂರ್ ಖಾನ್ ಏಳನೇ ಸ್ಥಾನದಲ್ಲಿದ್ದಾರೆ.
ತಮನ್ನಾ ಭಾಟಿಯಾ: ತಮನ್ನಾ ಭಾಟಿಯಾ ಈ ವರ್ಷ ಲಸ್ಟ್ ಸ್ಟೋರೀಸ್ 2 ವೆಬ್ ಸರಣಿ ಮೂಲಕ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದರು. ಅಲ್ಲದೇ "ಜೀ ಕರ್ದಾ" ಮತ್ತು "ಆಖ್ರಿ ಸಚ್" ನಲ್ಲಿ ಸಹ ನಟಿಸಿದರು. ಇದಲ್ಲದೇ ವಿಜಯ್ ವರ್ಮಾ ಜೊತೆಗಿನ ಡೇಟಿಂಗ್‌ ವಿಚಾರ ಕೂಡ ಸಾಕಷ್ಟು ಹೈಪ್‌ ಕ್ರಿಯೇಟ್‌ ಮಾಡಿತು. ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ತಮನ್ನಾ ಭಾಟಿಯಾ ಆರನೇ ಸ್ಥಾನದಲ್ಲಿದ್ದಾರೆ.
ನಯನತಾರಾ: ಈ ವರ್ಷ ಜವಾನ್‌ ಮೂಲಕ ನಯನತಾರಾ ಮೋಡಿ ಮಾಡಿದರು. ಶಾರುಖ್ ಖಾನ್ ಜೊತೆ ನಟಿಸುವ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ಅಲ್ಲದೇ ಇದೇ ವರ್ಷ Instagram ಗೆ ಸಹ ನಯನತಾರಾ ಎಂಟ್ರಿ ಕೊಟ್ಟರು. ಒಂದೇ ದಿನದಲ್ಲಿ 1.4M ಅನುಯಾಯಿಗಳನ್ನು ಗಳಿಸಿದರು. ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ನಯನತಾರಾ ಐದನೇ ಸ್ಥಾನದಲ್ಲಿದ್ದಾರೆ.
ವಾಮಿಕಾ ಗಬ್ಬಿ: ವಾಮಿಕಾ ಗಬ್ಬಿ ಅವರು ಜುಬಿಲಿ, ಮಾಡರ್ನ್ ಲವ್ ಚೆನ್ನೈ ಮತ್ತು ಚಾರ್ಲಿ ಚೋಪ್ರಾ & ದಿ ಮಿಸ್ಟರಿ ಆಫ್ ಸೋಲಾಂಗ್ ವ್ಯಾಲಿ ವೆಬ್ ಸರಣಿಗಳಲ್ಲಿ ನಟಿಸಿದರು. ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ವಾಮಿಕಾ ಗಬ್ಬಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ.
ದೀಪಿಕಾ ಪಡುಕೋಣೆ : ಪಠಾಣ್‌ನ "ಬೇಷರಂ ರಂಗ್" ಹಾಡಿನ ವಿವಾದದ ಮೂಲಕ ದೀಪಿಕಾ ಪಡುಕೋಣೆ ಸಿಕ್ಕಾಪಟ್ಟೆ ಸುದ್ದಿಯಾದರು. ಅಲ್ಲದೇ ಜವಾನ್‌ನಲ್ಲಿ ಶಾರುಖ್ ಜೊತೆ ನಟಿಸಿ ಜನರ ಮನಗೆದ್ದರು. ಈ ವರ್ಷದ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ದೀಪಿಕಾ ಪಡುಕೋಣೆ ಮೂರನೇ ಸ್ಥಾನದಲ್ಲಿದ್ದಾರೆ.
ಆಲಿಯಾ ಭಟ್ : 2023 ರಲ್ಲಿ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಮತ್ತು ಹಾರ್ಟ್ ಆಫ್ ಸ್ಟೋನ್‌ನಲ್ಲಿ ನಟಿಸಿದ ಆಲಿಯಾ ಭಟ್ ಸತತವಾಗಿ ಎರಡನೇ ವರ್ಷವೂ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯ 2 ನೇ ಸ್ಥಾನದಲ್ಲಿದ್ದಾರೆ. ಹಾರ್ಟ್ ಆಫ್ ಸ್ಟೋನ್‌ ಆಲಿಯಾ ಭಟ್ ಅವರ ಚೊಚ್ಚಲ ಹಾಲಿವುಡ್ ಚಿತ್ರವಾಗಿದೆ.
ಶಾರುಖ್ ಖಾನ್ : ಶಾರುಖ್ ಖಾನ್ 2023 ರಲ್ಲಿ ಅಬ್ಬರಿಸಿದ್ದಾರೆ. ಪಠಾಣ್, ಜವಾನ್‌ ಮೂಲಕ ಜನರ ಹೃದಯ ಸಿಂಹಾಸನದಲ್ಲಿ ಕುಳಿತಿದ್ದಾರೆ. ಇದೀಗ ಡಂಕಿ ಮೂಲಕ ಈ ವರ್ಷವನ್ನು ಅದ್ಧೂರಿಯಾಗಿ ಕೊನೆಗೊಳಿಸಲು ಸಜ್ಜಾಗಿದ್ದಾರೆ. ನಾಲ್ಕು ವರ್ಷಗಳ ವಿರಾಮದ ನಂತರ ಎಂಟಿ ಕೊಟ್ಟ ಕಿಂಗ್‌ ಖಾನ್, ಮತ್ತೊಮ್ಮೆ ಯಶಸ್ಸಿನ ಶಿಖರವೇರಿದ್ದಾರೆ. 2023 ರ IMDb ಅತ್ಯಂತ ಜನಪ್ರಿಯ ಭಾರತೀಯ ತಾರೆಯಾಗಿ ನಂ.1 ಸ್ಥಾನವನ್ನು ಅಲಂಕರಿಸಿದ್ದಾರೆ.