ಬಾಜಿಗರ್ -2 ಸಿನಿಮಾ ಮಾಡ್ತಾರಾ ಶಾರುಖ್ ಖಾನ್? ಹೀರೋಯಿನ್ ಯಾರು?

ಬಾಜಿಗರ್ ಬಿಡುಗಡೆಯಾಗಿ 30 ವರ್ಷವಾಗಿದ್ರೂ ಈ ಚಿತ್ರವನ್ನು ಮತ್ತು ಶಾರುಖ್ ಖಾನ್ ನಟನೆಯನ್ನು ಜನ ಮರೆತಿಲ್ಲ. ಹಾಗಾಗಿಯೇ ಈಗ ‘ಬಾಜಿಗರ್-2’ ಸಿನಿಮಾ ಮಾಡುವ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ.

ಶಾರುಖ್ ಖಾನ್ ಅವರಿಗೆ ‘ಬಾಲಿವುಡ್ ಬಾದಷಾ’ ಎಂಬ ಬಿರುದು ತಂದುಕೊಡುವಲ್ಲಿ ‘ಬಾಜಿಗರ್’ ಸಿನಿಮಾದ ಕೊಡುಗೆ ಅಪಾರ. ಶಾರುಖ್ ಖಾನ್ ಸಿನಿಯಾನದಲ್ಲಿ ‘ಬಾಜಿಗರ್’ ಮೈಲುಗಲ್ಲಾಗಿತ್ತು. ಈಗ ‘ಬಾಜಿಗರ್-2’ ನಿರ್ಮಾಣಕ್ಕೆ ತಯಾರಿಗಳಾಗುತ್ತಿವೆ.

ನಿರ್ಮಾಪಕ ರತನ್ ಜೈನ್ ಈಗಾಗಲೇ ‘ಬಾಜಿಗರ್ -2’ ಚಿತ್ರ ನಿರ್ಮಾಣದ ಬಗ್ಗೆ ಶಾರುಖ್ ಖಾನ್ ಜೊತೆ ಚರ್ಚೆ ನಡೆಸಿದ್ದಾರೆ. ಶಾರುಖ್ ಖಾನ್ ಒಪ್ಪಿಗೆ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ.

‘ಬಾಜಿಗರ್ -2’ ಹೀರೋಯಿನ್ ಯಾರು? ಬಜೆಟ್ ಎಷ್ಟು? ಎಂಬ ವಿಷಯಗಳ ಬಗ್ಗೆ ಇನ್ನಷ್ಟೇ ತೀರ್ಮಾನವಾಗಬೇಕಿದೆ. ಶಾರುಖ್ ಖಾನ್ ಅವರು ಡೇಟ್ ಕೊಟ್ಟ ಬಳಿಕ ಉಳಿದ ವಿಚಾರಗಳು ನಿರ್ಧಾರವಾಗುತ್ತವೆ ಎಂದು ಹೇಳಲಾಗುತ್ತಿದೆ. 

1993ರಲ್ಲಿ ಬಿಡುಗಡೆಯಾಗಿದ್ದ ‘ಬಾಜಿಗರ್’ ಚಿತ್ರದಲ್ಲಿ ಶಾರುಖ್ ಖಾನ್ ನೆಗೆಟೀವ್ ಶೇಡ್ ನಲ್ಲಿ ಕಾಣಿಸಿಕೊಂಡಿದ್ದರು. ಡಿಫರೆಂಟ್ ಆದ ಮ್ಯಾನರಿಸಂ ಪ್ರದರ್ಶಿಸಿದ್ದರು. ಹೀರೋ ಆಗಿ ನೆಗೆಟೀವ್ ಶೇಡ್ ನಲ್ಲಿ ಕಾಣಿಸಿಕೊಂಡು ಅಚ್ಚರಿಯನ್ನೂ ಉಂಟುಮಾಡಿದ್ದರು. 

‘ಬಾಜಿಗರ್ -2’ ಸಿನಿಮಾದಲ್ಲಿ ಶಾರುಖ್ ಖಾನ್ ಅವರ ಪಾತ್ರ ಹೇಗಿರುತ್ತದೆ ಎನ್ನುವುದು ಸದ್ಯದ ಕುತೂಹಲ.