Share Market: 2.28 ಲಕ್ಷ ಕೋಟಿ ನಷ್ಟದಿಂದ ಈ ಕಂಪನಿಗಳು ಸಂಕಷ್ಟ ಎದುರಿಸುತ್ತಿವೆ!

ಕಳೆದ ವಾರ ಟಾಪ್ 10 ಸೆನ್ಸೆಕ್ಸ್ ಕಂಪನಿಗಳ ಪೈಕಿ 8 ಕಂಪನಿಗಳ ಮಾರುಕಟ್ಟೆ ಮೌಲ್ಯವು 2,28,690.56 ಕೋಟಿ ರೂ.ಗಳಷ್ಟು ಕುಸಿದಿದೆ. ಹೆಚ್‌ಡಿಎಫ್‌ಸಿ ಬ್ಯಾಂಕ್ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಹೆಚ್ಚು ನಷ್ಟವನ್ನು ಅನುಭವಿಸಿವೆ. ಕಳೆದ ವಾರ 30 ಷೇರುಗಳ BSE ಸೆನ್ಸೆಕ್ಸ್ 1,829.48 ಪಾಯಿಂಟ್ ಅಥವಾ ಶೇ.2.69ರಷ್ಟು ಕುಸಿತ ಕಂಡಿದೆ. ರಾಷ್ಟ್ರೀಯ ಷೇರು ನಿಫ್ಟಿ 518.1 ಪಾಯಿಂಟ್ ಅಥವಾ ಶೇ.2.56ರಷ್ಟು ಕುಸಿದಿದೆ. ‘ಗಣೇಶ ಚತುರ್ಥಿ’ ನಿಮಿತ್ತ ಮಂಗಳವಾರ ಮಾರುಕಟ್ಟೆ ಕ್ಲೋಸ್ ಆಗಿತ್ತು.

ಟಾಪ್ 10 ಸೆನ್ಸೆಕ್ಸ್ ಕಂಪನಿಗಳ ಪೈಕಿ ರಿಲಯನ್ಸ್ ಇಂಡಸ್ಟ್ರೀಸ್, ಎಚ್‌ಡಿಎಫ್‌ಸಿ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಇನ್ಫೋಸಿಸ್, ಐಟಿಸಿ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ಭಾರ್ತಿ ಏರ್‌ಟೆಲ್ ಮತ್ತು ಬಜಾಜ್ ಫೈನಾನ್ಸ್‌ನ ಮಾರುಕಟ್ಟೆ ಬಂಡವಾಳೀಕರಣವು ಕುಸಿದಿದೆ. ಟಾಟಾ ಕನ್ಸಲ್ಟೆನ್ಸಿ ಸೇವೆಗಳ (TCS) ಮತ್ತು ಹಿಂದೂಸ್ತಾನ್ ಯೂನಿಲಿವರ್ ಮಾರುಕಟ್ಟೆ ಬಂಡವಾಳೀಕರಣವೂ ಕುಸಿತ ಕಂಡಿದ್ದು, ಮೌಲ್ಯಮಾಪನ ಹೆಚ್ಚಾಯಿತು. ಪರಿಶೀಲನೆಯ ವಾರದಲ್ಲಿ ಎಚ್‌ಡಿಎಫ್‌ಸಿ ಬ್ಯಾಂಕ್‌ನ ಮಾರುಕಟ್ಟೆ ಬಂಡವಾಳೀಕರಣವು 11,59,154.60 ಕೋಟಿ ರೂ.ಗೆ ಇಳಿದಿದ್ದು, 99,835.27 ಕೋಟಿ ರೂ. ನಷ್ಟವಾಗಿದೆ. ಕಳೆದ ವಾರ ಕಂಪನಿಯ ಷೇರುಗಳು ಸುಮಾರು ಶೇ.8ರಷ್ಟು ಕುಸಿದವು.

ರಿಲಯನ್ಸ್ ಇಂಡಸ್ಟ್ರೀಸ್‌ನ ಮಾರುಕಟ್ಟೆ ಬಂಡವಾಳೀಕರಣವು 71,715.6 ಕೋಟಿ ರೂ.ನಿಂದ 15,92,661.42 ಕೋಟಿ ರೂ.ಗೆ ಕುಸಿದಿದೆ. ಕಂಪನಿಯ ಷೇರುಗಳು ಶೇ.4ಕ್ಕಿಂತ ಹೆಚ್ಚು ಕುಸಿದವು. ಐಸಿಐಸಿಐ ಬ್ಯಾಂಕ್‌ನ ಮಾರುಕಟ್ಟೆ ಮೌಲ್ಯ 29,412.17 ಕೋಟಿ ರೂ.ನಿಂದ 6,65,432.34 ಕೋಟಿ ರೂ.ಗೆ ಕುಸಿದಿದ್ದು, ಭಾರ್ತಿ ಏರ್‌ಟೆಲ್‌ನ ಮಾರುಕಟ್ಟೆ ಮೌಲ್ಯ 12,964.55 ಕೋಟಿ ರೂ.ನಿಂದ 5,10,759.01 ಕೋಟಿ ರೂ.ಗೆ ಕುಸಿದಿದೆ.

ಇನ್ಫೋಸಿಸ್‌ನ ಮಾರುಕಟ್ಟೆ ಬಂಡವಾಳೀಕರಣವು 6,744.34 ಕೋಟಿ ರೂ.ಗೆ ಇಳಿಕೆಯಾಗಿದ್ದು, 6,20,893.53 ಕೋಟಿಗೆ ತಲುಪಿದೆ. ಐಟಿಸಿಯ ಮೌಲ್ಯಮಾಪನವು 6,484.52 ಕೋಟಿ ರೂ.ಗೆ ಕುಸಿದು 5,52,680.92 ಕೋಟಿ ರೂ. ತಲುಪಿದ್ದರೆ, ಬಜಾಜ್ ಫೈನಾನ್ಸ್‌ನ ಮಾರುಕಟ್ಟೆ ಮೌಲ್ಯವು 1,266.37 ಕೋಟಿ ರೂ.ನಿಂದ 4,52,773 ಕೋಟಿ ರೂ.ಗೆ ಇಳಿಕೆಯಾಗಿದೆ. ಎಸ್‌ಬಿಐನ ಮಾರುಕಟ್ಟೆ ಮೌಲ್ಯವು 267.74 ಕೋಟಿ ರೂ.ಗೆ ಇಳಿಕೆಯಾಗಿ 5,33,781.04 ಕೋಟಿ ರೂ.ಗೆ ತಲುಪಿದೆ.

ಇನ್ನೂ ಹಿಂದೂಸ್ತಾನ್ ಯೂನಿಲಿವರ್‌ನ ಮಾರುಕಟ್ಟೆ ಬಂಡವಾಳೀಕರಣವು 2,913.49 ಕೋಟಿ ರೂ.ಗಳಷ್ಟು ಏರಿಕೆಯಾಗಿ 5,83,239.04 ಕೋಟಿ ರೂ.ಗೆ ತಲುಪಿದೆ. TCSನ ಮಾರುಕಟ್ಟೆ ಬಂಡವಾಳವು 1,024.53 ಕೋಟಿ ರೂ. ಹೆಚ್ಚಳದೊಂದಿಗೆ 13,18,228.14 ಕೋಟಿ ರೂ. ತಲುಪಿದೆ. ಟಾಪ್ 10 ಕಂಪನಿಗಳ ಪಟ್ಟಿಯಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಮೊದಲ ಸ್ಥಾನದಲ್ಲಿದೆ. ನಂತರ ಕ್ರಮವಾಗಿ ಟಿಸಿಎಸ್, ಎಚ್‌ಡಿಎಫ್‌ಸಿ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಐಎಫ್‌ಸಿಸ್, ಹಿಂದೂಸ್ತಾನ್ ಯೂನಿಲಿವರ್, ಐಟಿಸಿ, ಎಸ್‌ಬಿಐ, ಭಾರ್ತಿ ಏರ್‌ಟೆಲ್ ಮತ್ತು ಬಜಾಜ್ ಫೈನಾನ್ಸ್ ಸ್ಥಾನ ಪಡೆದಿವೆ.