Business Ideas: ಈ ಸೂಪರ್‌ಹಿಟ್ ವ್ಯವಹಾರ ಪ್ರಾರಂಭಿಸಿ ಮಿಲಿಯನೇರ್ ಆಗಿ

ಸಣ್ಣ ಬಜೆಟ್‌ನಲ್ಲಿ ವ್ಯಾಪಾರ ಆರಂಭಿಸಿ ಅಪಾರ ಲಾಭ ಗಳಿಸಲು ಬಯಸಿದರೆ ಎಮ್ಮೆ ಸಾಕಣೆ ಮಾಡುವ ಮೂಲಕ ಹೈನುಗಾರಿಕೆ ಆರಂಭಿಸಬಹುದು. ಎಮ್ಮೆ ತಳಿಗಳಲ್ಲಿ ಮುರ್ರಾ ತಳಿಯನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ಈ ಎಮ್ಮೆಗಳಿಗೆ ಬೇಡಿಕೆಯೂ ಹೆಚ್ಚಾಗಿದೆ. ವಾಸ್ತವವಾಗಿ ಈ ತಳಿಯ ಎಮ್ಮೆಗಳು ಉತ್ತಮ ಎತ್ತರ ಹೊಂದಿದ್ದು, ಇತರ ತಳಿಗಳಿಗೆ ಹೋಲಿಸಿದರೆ ಹೆಚ್ಚು ಹಾಲನ್ನು ನೀಡುತ್ತವೆ.

ನೀವು ದೂರದಿಂದಲೂ ಮುರ್ರಾ ಎಮ್ಮೆಯನ್ನು ಗುರುತಿಸಬಹುದು. ಈ ತಳಿಯ ಬಣ್ಣವು ಗಾಢ ಕಪ್ಪು ಮತ್ತು ತಲೆಯ ಗಾತ್ರವು ತುಂಬಾ ಚಿಕ್ಕದಾಗಿರುತ್ತದೆ. ಈ ಎಮ್ಮೆಯ ದೇಹದ ಉಳಿದ ಭಾಗಗಳು ಆರೋಗ್ಯಕರವಾಗಿರುತ್ತವೆ. ಅವುಗಳ ಕೊಂಬುಗಳು ಉಂಗುರಗಳಂತಿರುತ್ತವೆ. ಇವುಗಳ ಬಾಲವೂ ಇತರ ಎಮ್ಮೆಗಳಿಗಿಂತ ಉದ್ದವಾಗಿರುತ್ತವೆ. ಹರಿಯಾಣ, ಪಂಜಾಬ್ ಮುಂತಾದ ಪ್ರದೇಶಗಳಲ್ಲಿ ಇಂತಹ ಎಮ್ಮೆಗಳನ್ನು ಹೆಚ್ಚಾಗಿ ಸಾಕಲಾಗುತ್ತದೆ. ಅಷ್ಟೇ ಅಲ್ಲ ಇಟಲಿ, ಬಲ್ಗೇರಿಯಾ, ಈಜಿಪ್ಟ್ ನ ಡೈರಿ ಉದ್ಯಮದಲ್ಲಿಯೂ ಇವುಗಳನ್ನು ಬಳಸುತ್ತಾರೆ.

ಮುರ್ರಾ ಎಮ್ಮೆಯನ್ನು ಸಾಕುವುದರ ಮೂಲಕ ನೀವು ಬಂಪರ್ ಲಾಭ ಗಳಿಸಬಹುದು. ಇದರ ಮೂಲಕ ನೀವು ಡೈರಿ ಸಂಬಂಧಿತ ವ್ಯವಹಾರದ ಉತ್ಪಾದನೆಯನ್ನು ಸಹ ಪ್ರಾರಂಭಿಸಬಹುದು. ಈ ಎಮ್ಮೆ ಇತರ ತಳಿಯ ಎಮ್ಮೆಗಳಿಗಿಂತ ಹೆಚ್ಚು ಹಾಲು ನೀಡುವುದರಿಂದ ಲಾಭವೂ ಹೆಚ್ಚು. ಮುರ್ರಾ ತಳಿಯ ಎಮ್ಮೆ ದಿನಕ್ಕೆ 20 ಲೀಟರ್ ವರೆಗೆ ಹಾಲು ನೀಡುತ್ತದೆ. ನೀವು ಸ್ವಲ್ಪ ಕಷ್ಟಪಟ್ಟು ಕೆಲಸ ಮಾಡಿ ಅವುಗಳನ್ನು ಚೆನ್ನಾಗಿ ನೋಡಿಕೊಂಡರೆ ಕೈತುಂಬಾ ಹಣ ಗಳಿಸಬಹುದು. ಈ ಎಮ್ಮೆಗಳು 30-35 ಲೀಟರ್ ವರೆಗೆ ಹಾಲು ನೀಡುತ್ತವೆ.

ಹಾಲು ಮತ್ತು ಡೈರಿ ಉತ್ಪನ್ನಗಳನ್ನು ಮಾರಾಟ ಮಾಡುವುದರ ಜೊತೆಗೆ ನೀವು ಈ ಎಮ್ಮೆಗಳನ್ನು ಮಾರಾಟ ಮಾಡುವ ಮೂಲಕ ಉತ್ತಮ ಲಾಭ ಗಳಿಸಬಹುದು. ಉದ್ದ ಮತ್ತು ಎತ್ತರದ ಕಾರಣ ಜಾನುವಾರು ಸಾಕಣೆದಾರರು ಮಾರುಕಟ್ಟೆಯಲ್ಲಿ ಇವುಗಳಿಗೆ ಉತ್ತಮ ಬೆಲೆ ಪಡೆಯುತ್ತಾರೆ. ಈ ತಳಿಯ ಎಮ್ಮೆಗಳ ಬೆಲೆ 4-5 ಲಕ್ಷದಿಂದ ಪ್ರಾರಂಭವಾಗಿ 50 ಲಕ್ಷದವರೆಗೆ ಇದೆ. ಸಾಮಾನ್ಯ ತಳಿಯ ಎಮ್ಮೆಗಳ ಬೆಲೆಗಿಂತ ಎರಡು ಪಟ್ಟು ಹೆಚ್ಚು ಬೆಲೆಯನ್ನು ಈ ತಳಿಯ ಎಮ್ಮೆಗಳು ಹೊಂದಿರುತ್ತವೆ.