ಯಾವ ಸಿನಿಮಾ ಕಥೆಗೂ ಕಡಿಮೆ ಇಲ್ಲ ಐಶ್ವರ್ಯ ರೈ-ಸಲ್ಮಾನ್ ಖಾನ್ ಲವ್ ಸ್ಟೋರಿ! ಇವರಿಬ್ಬರ ಪ್ರೇಮ್‌ ಕಹಾನಿ ಶುರುವಾಗಿದ್ದು ಎಲ್ಲಿ ಗೊತ್ತಾ?
ಬಾಲಿವುಡ್‌ನಲ್ಲಿ ಅನೇಕ ಜೋಡಿಗಳು ತಮ್ಮ ಲವ್ ಸ್ಟೋರಿಗಳ ಮೂಲಕ ಸಖತ್‌ ಸುದ್ದಿಯಲ್ಲಿರುತ್ತಾರೆ. ಈ ಜೋಡಿಗಳಲ್ಲಿ ಕೆಲವರು ಮದುವೆಯಾಗುತ್ತಾರೆ ಇನ್ನೂ ಕೆಲವರು ತಮ್ಮ ಸಂಬಂಧ ಮುರಿದುಕೊಂಡು ದೂರವಾಗುತ್ತಾರೆ. ಹೀಗೆ ಬಹಳ ಕಾಲ ಪ್ರೀತಿಸಿ ದೂರಾದ ಜೋಡಿಗಳಲ್ಲಿ ಐಶ್ವರ್ಯ ರೈ ಹಾಗೂ ಸಲ್ಮಾನ್ ಖಾನ್ ಜೋಡಿ ಕೂಡ ಒಂದು.
ಈ ಜೋಡಿ ಒಂದಾಗಬೇಕು ಎಂದು ಆಗಿನ ಅಭಿಮಾನಿಗಳು ಬಯಸಿದ್ದರು, ಆದರೆ ಸಮಾಜಿಕವಾಗಿ ತಾವು ಪ್ರೀತಿಸುತ್ತಿದ್ದ ವಿಚಾರವನ್ನು ಒಪ್ಪಿಕೊಳ್ಳದ ಈ ಜೋಡಿ ತಮ್ಮ ಪ್ರೇಮ ಪುರಾಣ ಅಧಿಕೃತವಾಗಿ ಘೋಷಣೆ ಮಾಡುವುದಕ್ಕೂ ಮುಂಚೆಯೇ ಬ್ರೇಕ್‌ ಅಪ್‌ ಮಾಡಿಕೊಂಡಿತ್ತು. ಇವರಿಬ್ಬರ ಪ್ರೀತಿ ಮುರಿದು ಹಲವು ದಿನಗಳು ಆಗಿರಬಹುದು, ಆದರೆ ಇಂದಿಗೂ ಕೂಡ ಈ ಜೋಡಿಯನ್ನು ಜೊತೆಯಲ್ಲಿ ನೋಡಿದರೆ ಅಭಿಮಾನಿಗಳಿಗೆ ಅದೇನೋ ಖುಷಿ. ಹೀಗಿರುವಾಗ ಈ ಇಬ್ಬರ ಪ್ರೀತಿ ಶುರುವಾಗಿದ್ದು ಹೇಗೆ, ಎಲ್ಲಿ? ಎನ್ನುವ ವಿಚಾರ ಕೆಲವರಿಗಷ್ಟೆ ಗೊತ್ತಿದೆ. ಇದೀಗ ಈ ಕುರಿತು ಈ ಜೋಡಿಯ ಆಪ್ತೆಯೇ ಬಿಚ್ಚಟ್ಟಿದ್ದಾರೆ.
ಬಿ ಟೌನ್‌ನಲ್ಲಿ ರಿಲೇಶನ್‌ಶಿಪ್‌ನ ಕುರಿತಾದ ಸುದ್ದಿ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿರುತ್ತದೆ. ಹೀಗೆ ಹೆಚ್ಚು ಮಾತನಾಡಲ್ಪಟ್ಟ ಜೋಡಿಗಳಲ್ಲಿ ಐಶ್ವರ್ಯ-ಸಲ್ಮಾನ್ ಖಾನ್ ಜೋಡಿ ಸಹ ಒಂದು. ಒಂದು ಕಾಲದಲ್ಲಿ ಅವರ ಸಂಬಂಧದ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆಯುತ್ತಿದ್ದವು. 1999 ರಲ್ಲಿ ಸಂಜಯ್ ಲೀಲಾ ಬನ್ಸಾಲಿಯವರ 'ಹಮ್ ದಿಲ್ ದೇ ಚುಕೇ ಸನಮ್' ಸೆಟ್‌ನಲ್ಲಿ ಐಶ್ವರ್ಯಾ ಸಲ್ಮಾನ್ ಪರಸ್ಪರ ಪ್ರೀತಿಸುತ್ತಿದ್ದರು. ಆದರೆ ಸ್ವಲ್ಪ ಸಮಯದ ನಂತರ, 2002 ರಲ್ಲಿ, ಜಗಳಗಳು ಮತ್ತು ಕೆಟ್ಟ ಹೆಸರುಗಳಿಂದ ಇಬ್ಬರ ನಡುವಿನ ಸಂಬಂಧವು ಮುರಿದುಹೋಯಿತು, ಅದು ಸಾಕಷ್ಟು ಚರ್ಚೆಯಾಯಿತು.
ಇವರಿಬ್ಬರ ಬ್ರೇಕಪ್‌ನ ನಂತರ ಐಶ್ವರ್ಯ ಹೆಸರು ಹಲವರ ಜೊತೆ ತಳುಕು ಹಾಕಿಕೊಂಡಿತು. ನಂತರ ನಟಿ 2007ರಲ್ಲಿ ಅಭಿಷೇಕ್‌ ಬಚ್ಚನ್‌ ಅವರನ್ನು ಮದುವೆಯಾಗುವ ಮೂಲಕ ಎಲ್ಲರಿಗೂ ಶಾಕ್‌ ಕೊಟ್ಟಿದ್ದರು. ಇದೀಗ ಈ ಜೋಡಿಗೆ ಒಬ್ಬ ಮಗಳಿದ್ದಾಳೆ. ಆದರೆ ಸಲ್ಮಾನ್ ಖಾನ್ ಮಾತ್ರ ಇನ್ನೂ ಕೂಡ ಮದುವೆಯಾಗದೆ ಒಂಟಿಯಾಗಿಯೇ ಉಳಿದಿದ್ದಾರೆ.
ಐಶ್ವಯಾ ಮೊದಲು, ಸಲ್ಮಾನ್ ಅನೇಕ ಸಂಬಂಧಗಳಲ್ಲಿದ್ದರು, ಅವರ ಗೆಳತಿಯರಲ್ಲಿ ಒಬ್ಬರು ಸೋಮಿ ಅಲಿ. ಸಲ್ಮಾನ್‌ನ ಮಾಜಿ ಗೆಳತಿಯಾಗಿರುವ ಸೋಮಿ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಐಶ್ವರ್ಯಾ-ಸಲ್ಮಾನ್ ಸಂಬಂಧದ ಬಗ್ಗೆ ಎಂದಿಗೂ ತಿಳಿದಿಲ್ಲದ ಕೆಲವು ಉಪಾಖ್ಯಾನಗಳನ್ನು ಹಂಚಿಕೊಂಡಿದ್ದಾರೆ.
ನಟ ಸಲ್ಮಾನ್ ಖಾನ್ 1991 ರಿಂದ 1999 ರವರೆಗೆ ಸೋಮಿ ಅಲಿ ಅವರೊಂದಿಗೆ ಬಹಳ ಕಾಲ ಸಂಬಂಧದಲ್ಲಿದ್ದರು. ಆದರೆ ನಂತರ ಅವರು ಬೇರ್ಪಟ್ಟರು ಮತ್ತು ನಂತರ ಸಲ್ಮಾನ್ ಐಶ್ವರ್ಯಾ ರೈ ಅವರನ್ನು ಪ್ರೀತಿಸಲು ಆರಂಭಿಸಿದ್ದರು. ಇತ್ತೀಚೆಗೆ, ಸಂದರ್ಶನವೊಂದರಲ್ಲಿ, ಸೋಮಿ ಅಲಿ ಐಶ್ವರ್ಯಾ ಮತ್ತು ಸಲ್ಮಾನ್ ಸಂಬಂಧ ಹೇಗೆ ಅರಳಿತು ಎಂಬುದನ್ನು ಬಹಿರಂಗಪಡಿಸಿದರು.
ಹಮ್ ದಿಲ್ ದೇ ಚುಕೆ ಸನಮ್ ಚಿತ್ರದ ಶೂಟಿಂಗ್ ಪ್ರಾರಂಭವಾಯಿತು ಸೋಮಿ ಸಲ್ಮಾನ್‌ಗೆ ಕರೆ ಮಾಡಿದರು, ಚಿತ್ರೀಕರಣ ನಡೆಯುತ್ತಿರುವಾಗಲೇ ಸಲ್ಮಾನ್‌ಗೆ ಕರೆ ಮಾಡಿದರೂ ಅವರು ಫೋನ್ ತೆಗೆಯಲಿಲ್ಲ ಎಂದು ಸೋಮಿ ಹೇಳಿದ್ದಾರೆ.
ನಂತರ ನಾನು ಸಂಜಯ್ ಲೀಲಾ ಬನ್ಸಾಲಿಗೆ ಕರೆ ಮಾಡಿದ್ದೆ, ಸಲ್ಮಾನ್ ಇದೀಗ ಒಂದು ಶಾಟ್‌ನಲ್ಲಿ ನಿರತರಾಗಿದ್ದಾರೆ, ಆದ್ದರಿಂದ ಅವರು ನಿಮ್ಮೊಂದಿಗೆ ಮಾತನಾಡಲು ಸಾಧ್ಯವಿಲ್ಲ' ಎಂದು ಅವರು ನನಗೆ ಹೇಳಿದರು. ನಾನು ಅವರನ್ನು ಕೇಳಿದೆ, 'ಅವರು (ಸಲ್ಮಾನ್) ಶಾಟ್‌ನಲ್ಲಿದ್ದರೆ, ನೀವು ಅದನ್ನು ಏಕೆ ನಿರ್ದೇಶಿಸುತ್ತಿಲ್ಲ? ನೀವು ನನ್ನ ಫೋನ್ ಅನ್ನು ಹೇಗೆ ಎತ್ತಿಕೊಳ್ಳುತ್ತಿದ್ದೀರಿ? ನನ್ನ ಈ ತಾರ್ಕಿಕ ಪ್ರಶ್ನೆಯನ್ನು ಕೇಳಿದ ಸಂಜಯ್ ಬನ್ಸಾಲಿಗೆ ಏನು ಹೇಳಬೇಕೆಂದು ಅರ್ಥವಾಗಲಿಲ್ಲ' ಎಂದು ಸೋಮಿ ಹೇಳಿದ್ದಾರೆ.
ಐಶ್ವರ್ಯಾ ಗ್ಯಾಲಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿರುವ ಸಲ್ಮಾನ್ ಜಿಮ್‌ಗೆ ಬರಲು ಪ್ರಾರಂಭಿಸಿದ್ದಾಳೆ ಎಂದು ಸೋಮಿ ಬಹಿರಂಗಪಡಿಸಿದ್ದಾರೆ. ಇಬ್ಬರೂ ನೆಲ ಮಹಡಿಯಲ್ಲಿ ವಾಸಿಸುತ್ತಿದ್ದರು. ಸಲ್ಮಾನ್-ಐಶ್ವರ್ಯ ಲವ್ ಸ್ಟೋರಿ ಶುರುವಾಗಿದ್ದು ಜಿಮ್ ನಲ್ಲಿ? ಈ ಪ್ರಶ್ನೆಯನ್ನು ಕೇಳಿದಾಗ ಸೋಮಿ, 'ಇಲ್ಲ, ಸಲ್ಮಾನ್ ಮತ್ತು ಐಶ್ವರ್ಯಾ ಹಮ್ ದಿಲ್ ದೇ ಚುಕೆ ಸನಮ್ ಚಿತ್ರೀಕರಣದ ಸಮಯದಲ್ಲಿ ಪ್ರೀತಿಸುತ್ತಿದ್ದರು. ನನ್ನ ಪರ ವಹಿಸಿದ ಆಂತರಿಕ ಸೇವಕರಿಂದ ನಾನು ಈ ಮಾಹಿತಿಯನ್ನು ಪಡೆದುಕೊಂಡಿದ್ದೇನೆ. ಅವರ ಸಂಬಂಧದಲ್ಲಿ ಏನೋ ನಡೆಯುತ್ತಿದೆ ಎಂದು ನಾನು ಅರಿತುಕೊಂಡೆ. ಆ ನಂತರ ನಾವು ಈ ಸಂಬಂಧದಲ್ಲಿ ಹೆಚ್ಚು ಕಾಲ ಇರಲು ಸಾಧ್ಯವಿಲ್ಲ ಎಂದು ನಾನು ಅರಿತುಕೊಂಡೆ' ಎಂದು ಸೋಮಿ ಹೇಳಿದ್ದಾರೆ.