ವಿಶೇಷ ವ್ಯಕ್ತಿಯ ಕುರಿತು ಭಾವನಾತ್ಮಕ ಪೋಸ್ಟ್ ಹಂಚಿಕೊಂಡ ರೋಹಿತ್ ಶರ್ಮಾ! ಗೆಳಯನ ನೆನೆದು ಹಿಟ್‌ಮ್ಯಾನ್‌ ಕಣ್ಣೀರು
ROHIT SHARMA: ಟೀಂ ಇಂಡಿಯಾದ ಸ್ಟಾರ್ ಓಪನರ್ ಶಿಖರ್ ಧವನ್ ಆಟಕ್ಕೆ ವಿದಾಯ ಹೇಳಿದ್ದಾರೆ. ಇತ್ತೀಚೆಗೆ ಧವನ್ ಅಂತರಾಷ್ಟ್ರೀಯ ಕ್ರಿಕೆಟ್ ಹಾಗೂ ದೇಶೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಲೆಜೆಂಡರಿ ಕ್ರಿಕೆಟಿಗರಾದ ಸಚಿನ್ ತೆಂಡೂಲ್ಕರ್, ವೀರೇಂದ್ರ ಸೆಹ್ವಾಗ್, ವಿವಿಎಸ್ ಲಕ್ಷ್ಮಣ್ ಜೊತೆಗೆ ಸ್ಟಾರ್ ಕ್ರಿಕೆಟಿಗರಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಅವರು ಧವನ್ ಅವರ ಹೊಸ ಪಯಣಕ್ಕೆ ಶುಭ ಹಾರೈಸಿ ಪೋಸ್ಟ್ ಹಂಚಿಕೊಂಡಿದ್ದಾರೆ.
"ಶಿಖರ್ ಧವನ್... ಕ್ರಿಕೆಟ್ ಮೈದಾನ ನಿಮ್ಮ ಆಕ್ರಮಣವನ್ನು ಮಿಸ್ ಮಾಡಿಕೊಳ್ಳುತ್ತದೆ. ನಿಮ್ಮ ನಗು, ನಿಮ್ಮ ಶೈಲಿ ಮತ್ತು ಆಟದ ಮೇಲಿನ ನಿಮ್ಮ ಅಪಾರ ಪ್ರೀತಿ ಎಲ್ಲರನ್ನು ಮೆಚ್ಚಿಸುತ್ತದೆ. ಕ್ರಿಕೆಟ್ ವೃತ್ತಿಜೀವನದಲ್ಲಿ ನಿಮ್ಮ ಅಭಿಮಾನಿಗಳು ಮತ್ತು ಸಹ ಆಟಗಾರರ ಹೃದಯದಲ್ಲಿ ನೀವು ಸದಾ ಉಳಿಯುತ್ತಿರ. ಭವಿಷ್ಯದಲ್ಲಿ ನಿಮಗೆ ಶುಭವಾಗಲಿ ಎಂದು ಹಾರೈಸುತ್ತೇನೆ. ಯಾವಾಗಲೂ ನಗುನಗುತ್ತಾ ಇರಿ'' - ಸಚಿನ್ ತೆಂಡೂಲ್ಕರ್
"ನಿರ್ಭೀತ ಚೊಚ್ಚಲ ಪಂದ್ಯದಿಂದ, ನೀವು ಭಾರತೀಯ ಕ್ರಿಕೆಟ್‌ನಲ್ಲಿ ಅತ್ಯಂತ ವಿಶ್ವಾಸಾರ್ಹ ಆರಂಭಿಕರಲ್ಲಿ ಒಬ್ಬರಾಗಿ ಬೆಳೆದಿದ್ದೀರಿ. ಸಾಕಷ್ಟು ನೆನಪುಗಳನ್ನು ನೀಡಿದ್ದೀರಿ. ಆಟದ ಮೇಲಿನ ನಿಮ್ಮ ಉತ್ಸಾಹ, ನಿಮ್ಮ ಕ್ರೀಡಾ ಮನೋಭಾವ ಮತ್ತು ನಿಮ್ಮ ನಗುವನ್ನು ನಾವು ಕಳೆದುಕೊಳ್ಳುತ್ತೇವೆ. ಉತ್ತಮ ಪ್ರದರ್ಶನಗಳು ಮತ್ತು ಮರೆಯಲಾಗದ ನೆನಪುಗಳಿಗಾಗಿ ಧನ್ಯವಾದಗಳು. ಮೈದಾನದ ಹೊರಗೆ ಆರಂಭವಾಗುವ ಎರಡನೇ ಇನ್ನಿಂಗ್ಸ್‌ಗೆ ಆಲ್ ದಿ ಬೆಸ್ಟ್'' - ವಿರಾಟ್ ಕೊಹ್ಲಿ
"ಶಿಖರ್ ಧವನ್ ಅದ್ಭುತ ವೃತ್ತಿಜೀವನಕ್ಕೆ ಅಭಿನಂದನೆಗಳು. ಅದ್ಭುತ ಕ್ರಿಕೆಟಿಗನಲ್ಲದೆ, ಧವನ್ ಒಬ್ಬ ಶ್ರೇಷ್ಠ ವ್ಯಕ್ತಿಯೂ ಹೌದು. ಎಲ್ಲಾ ಸಂದರ್ಭಗಳಲ್ಲಿ ತುಂಬಾ ಧನಾತ್ಮಕವಾಗಿರುತ್ತಾರೆ. ಅವರ ಮುಂದಿನ ಪಯಣ ಚೆನ್ನಾಗಿರಲಿ ಎಂದು ಹಾರೈಸುತ್ತೇನೆ'' - ವಿವಿಎಸ್ ಲಕ್ಷ್ಮಣ್
"ಶಿಖರ್ ಅವರಿಗೆ ಅಭಿನಂದನೆಗಳು. ಮೊಹಾಲಿಯಲ್ಲಿ ನೀವು ನನ್ನ ಸ್ಥಾನವನ್ನು ಬದಲಾಯಿಸಿದಾಗಿನಿಂದ, ನೀವು ಹಿಂತಿರುಗಿ ನೋಡಲಿಲ್ಲ. ಹಲವು ವರ್ಷಗಳಿಂದ ಅದ್ಭುತ ಪ್ರದರ್ಶನ ನೀಡಿದ್ದೀರಿ. ನೀವು ಸಂತೋಷದ ಜೀವನವನ್ನು ಮುಂದುವರಿಸಿ" - ವೀರೇಂದ್ರ ಸೆಹ್ವಾಗ್
"ಕೋಣೆಗಳಿಂದ ಮೈದಾನದವರೆಗೆ, ನಾವು ಜೀವಮಾನದ ನೆನಪುಗಳನ್ನು ಹಂಚಿಕೊಂಡಿದ್ದೇವೆ. ನೀವು ಯಾವಾಗಲೂ ಇನ್ನೊಂದು ತುದಿಯಲ್ಲಿರುವ ಮೂಲಕ ನನ್ನ ಕೆಲಸವನ್ನು ಸುಲಭಗೊಳಿಸಿದ್ದೀರಿ'' - ರೋಹಿತ್ ಶರ್ಮಾ