ಸೂರ್ಯ ಸಂಕ್ರಮಣ : ಈ ರಾಶಿಗಳ ಬಾಳಲ್ಲಿ ಭಾಗ್ಯೋದಯ.. ಧನಧಾನ್ಯ ವೃದ್ಧಿ, ಅಷ್ಟೈಶ್ವರ್ಯ ದಯಪಾಲಿಸುವಳು ವರಲಕ್ಷ್ಮಿ!

ಸೂರ್ಯ ಸಂಕ್ರಮಣ : ಎಲ್ಲಾ ಗ್ರಹಗಳ ರಾಜನೆಂದು ಪರಿಗಣಿಸಲ್ಪಟ್ಟಿರುವ ಸೂರ್ಯನು ಸೆಪ್ಟೆಂಬರ್ 17 ರಂದು ಸಂಚರಿಸಲಿದ್ದಾನೆ. ಸೂರ್ಯ ಗ್ರಹವು ಸೆಪ್ಟೆಂಬರ್ 17 ರಂದು ಮಧ್ಯಾಹ್ನ 01:42 ಕ್ಕೆ ಕನ್ಯಾರಾಶಿಗೆ ಸಾಗಲಿದ್ದಾನೆ. ಸೂರ್ಯ ಗ್ರಹವು 30 ದಿನಗಳ ಕಾಲ ಕನ್ಯಾರಾಶಿಯಲ್ಲಿ ಉಳಿಯಲಿದ್ದಾನೆ.   

ಧನು ರಾಶಿ : ತಮ್ಮ ಯೋಜಿತ ಕಾರ್ಯಗಳಲ್ಲಿ ಸುಲಭವಾಗಿ ಯಶಸ್ಸನ್ನು ಸಾಧಿಸುತ್ತಾರೆ. ಇದರೊಂದಿಗೆ ಹೊಸ ಆದಾಯದ ಮೂಲಗಳೂ ಹುಟ್ಟಿಕೊಳ್ಳುತ್ತವೆ. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವವರು ಈ ಸಮಯದಲ್ಲಿ ಒಳ್ಳೆಯ ಸುದ್ದಿಯನ್ನು ಕೇಳುತ್ತಾರೆ. ಮೇಲಾಗಿ ಈ ಸಮಯದಲ್ಲಿ ಆತ್ಮಸ್ಥೈರ್ಯ ಹೆಚ್ಚಾಗುವ ಸಾಧ್ಯತೆಗಳಿವೆ ಎನ್ನುತ್ತಾರೆ ಜ್ಯೋತಿಷ್ಯ ತಜ್ಞರು.   

ಸಿಂಹ ರಾಶಿ : ಈ ರಾಶಿಯವರಿಗೆ ತುಂಬಾ ಲಾಭದಾಯಕ. ಅಕ್ಟೋಬರ್ 18 ರ ವರೆಗೆ ಈ ರಾಶಿಯವರು ಯಾವುದೇ ಕೆಲಸವನ್ನು ಸುಲಭವಾಗಿ ಮಾಡಿ ಯಶಸ್ಸು ಸಾಧಿಸುತ್ತಾರೆ. ವ್ಯಾಪಾರಸ್ಥರಿಗೆ ಇದು ಉತ್ತಮ ಸಮಯ. ಈ ಸಮಯದಲ್ಲಿ ಮಾಡಿದ ಯಾವುದೇ ವ್ಯವಹಾರವು ಧನಲಾಭ ತರುತ್ತದೆ.   

ಮೇಷ ರಾಶಿ : ಸೂರ್ಯನು ಕನ್ಯಾರಾಶಿಗೆ ಸಾಗುವುದು ಈ ರಾಶಿಯವರಿಗೆ ತುಂಬಾ ಪ್ರಯೋಜನಕಾರಿ. ಆರೋಗ್ಯ ಸಮಸ್ಯೆಗಳಿಂದ ಮುಕ್ತಿ ಸಿಗುತ್ತದೆ. ನ್ಯಾಯಾಲಯದ ಮೊಕದ್ದಮೆಗಳನ್ನು ಎದುರಿಸುತ್ತಿರುವವರು ಈ ಸಮಯದಲ್ಲಿ ಸುಲಭವಾಗಿ ಯಶಸ್ವಿಯಾಗುತ್ತಾರೆ.    

ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.