Cricketer Love Story: ಬರ್ತ್‌ ಡೇ ಪಾರ್ಟಿಲಿ ಪ್ರಪೋಸ್‌ ಮಾಡಿ.. ಅಲ್ಲೇ ಎಂಗೇಜ್‌ಮೆಂಟ್‌ ಮಾಡ್ಕೊಂಡಿದ್ರು ಈ ಕ್ರಿಕೆಟರ್‌
ಟೀಂ ಇಂಡಿಯಾದ ಆಲ್ ರೌಂಡರ್ ಅಕ್ಷರ್ ಪಟೇಲ್ ತಮ್ಮ 28ನೇ ಹುಟ್ಟುಹಬ್ಬವನ್ನು ತುಂಬಾ ವಿಶೇಷವಾಗಿಸಿಕೊಂಡಿದ್ದರು. ಹುಟ್ಟುಹಬ್ಬದ ಸಂಭ್ರಮದ ನಡುವೆಯೇ ಅಕ್ಷರ್ ಪಟೇಲ್ ತನ್ನ ಗೆಳತಿ ಮೇಹಾ ಪಟೇಲ್ ಅವರಿಗೆ ರೊಮ್ಯಾಂಟಿಕ್ ಆಗಿ ಪ್ರಪೋಸ್‌ ಮಾಡಿದ್ದರು. ಅಲ್ಲದೇ ಅದೇ ದಿನ ತಮ್ಮ ನಿಶ್ಚಿತಾರ್ಥವನ್ನು ಸಹ ಮಾಡಿಕೊಂಡಿದ್ದರು.
20 ಜನವರಿ 2022 ರಂದು, ಅಕ್ಷರ್ ಪಟೇಲ್ ಅವರ 28 ನೇ ಜನ್ಮದಿನವಾಗಿತ್ತು. ಈ ದಿನ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಅಭಿಮಾನಿಗಳೊಂದಿಗೆ ಮೇಹಾ ಪಟೇಲ್ ಅವರೊಂದಿಗಿನ ನಿಶ್ಚಿತಾರ್ಥದ ಸುಂದರವಾದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗಳಲ್ಲಿ ಅಕ್ಷರ್ ಪಟೇಲ್ ತನ್ನ ಪ್ರೇಯಸಿ ಮೇಹಾಗೆ ಉಂಗುರವನ್ನು ತೊಡಿಸಿದ್ದರು.
ಮೇಹಾ ಪಟೇಲ್ ಗುಜರಾತ್‌ನವರು ಮತ್ತು ಅವರು ವೃತ್ತಿಯಲ್ಲಿ ಪೌಷ್ಟಿಕತಜ್ಞರು. ಅಕ್ಷರ್ ಪಟೇಲ್ ಮತ್ತು ಮೇಹಾ ಹಲವು ವರ್ಷಗಳಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದರು.
ಮೇಹಾ ಪಟೇಲ್ ತಮ್ಮ ಫಿಟ್ನೆಸ್ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುತ್ತಾರೆ. ಅವರು ಕಟ್ಟುನಿಟ್ಟಾದ ವ್ಯಾಯಾಮವನ್ನು ಮಾಡುತ್ತಾರೆ. ಮೇಹಾ ಸೋಷಿಯಲ್ ಮೀಡಿಯಾದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರು Instagram ನಲ್ಲಿ 17 ಸಾವಿರಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ.
ಅಕ್ಷರ್ ಪಟೇಲ್ 2014 ರಲ್ಲಿ ಟೀಂ ಇಂಡಿಯಾಗೆ ಪದಾರ್ಪಣೆ ಮಾಡಿದ್ದರು. ಅಕ್ಷರ್ ಪಟೇಲ್ ಭಾರತ ಪರ ಇದುವರೆಗೆ 6 ಟೆಸ್ಟ್, 42 ODI ಮತ್ತು 25 T20 ಪಂದ್ಯಗಳನ್ನು ಆಡಿದ್ದಾರೆ.