ನಟಿ ಸೌಂದರ್ಯ ಗಳಿಸಿದ್ದ ಕೋಟ್ಯಂತರ ಮೌಲ್ಯದ ಆಸ್ತಿ ಪತಿಯ ಬಳಿಯೂ ಇಲ್ಲ, ಹೆತ್ತವರಿಗೂ ದಕ್ಕಿಲ್ಲ! ಈ ನಟನೇ ಅಷ್ಟೂ ಪ್ರಾಪರ್ಟಿ ಒಡೆಯ

ಕನ್ನಡದ ಹುಡುಗಿ ಸೌಂದರ್ಯ ಅನೇಕ ಭಾಷೆಗಳಲ್ಲಿ ನಟಿಸಿ  ಮಿಂಚಿ ಮರೆಯಾಗಿಹೋದ ನಕ್ಷತ್ರ. 27ನೇ ವಯಸ್ಸಿನಲ್ಲೇ ವಿಮಾನಾ ಅಪಘಾತದಲ್ಲಿ ದುರಂತ ಅಂತ್ಯ ಕಂಡ ನತದೃಷ್ಟೆ.   

ಸಣ್ಣ ವಯಸ್ಸಿನಲ್ಲಿಯೇ ರಜನಿಕಾಂತ್, ಚಿರಂಜೀವಿ, ಕಮಲ್ ಹಾಸನ್, ವಿಕ್ಟರಿ ವೆಂಕಟೇಶ್, ನಾಗಾರ್ಜುನ, ರವಿಚಂದ್ರನ್, ರೀತಿಯ ಸ್ಟಾರ್ ನಟರೊಂದಿಗೆ ನಾಯಕಿಯಾಗಿ ನಟಿಸಿ ಹೆಸರು ಮಾಡಿದ್ದರು. ಅಮಿತಾಬ್ ಬಚ್ಚನ್ ಜೊತೆಗೂ ನಟಿಸಿ ಸೈ ಅನಿಸಿಕೊಂಡಿದ್ದರು. 

ಬಹುಬೇಡಿಕೆಯ ನಟಿಯಾಗಿದ್ದ ಸೌಂದರ್ಯ ದೊಡ್ಡ ಮೊತ್ತದ ಸಂಭಾವನೆಯನ್ನೇ ಪಡೆಯುತ್ತಿದ್ದರು. ಹಾಗಾಗಿ ಬೆಂಗಳೂರು ಹಾಗೂ ಹೈದರಾಬಾದ್ ಒಂದಷ್ಟು ಆಸ್ತಿ ಮಾಡಿದ್ದರು.

ಹೈದರಾಬಾದ್‌ನ ಶಂಷಾಬಾದ್‌ನಲ್ಲಿ ಐದಾರು ಎಕರೆ ಜಮೀನನ್ನು ಖರೀದಿಸಿದ್ದ ಸೌಂದರ್ಯ ಅದನ್ನು ತಮ್ಮ ಪೋಷಕರ ಹೆಸರಿಗೆ ಬರೆದಿದ್ದರಂತೆ. ಸೌಂದರ್ಯ ಸಾವಿನ ಬಳಿಕ ಆ ಆಸ್ತಿಯನ್ನು ಪೋಷಕರು ಮಾರಿದ್ದರು. 

ಅದು ಈಗ ತೆಲುಗಿನ ಖ್ಯಾತ ನಟನ ಬಳಿಯಿದೆ ಎನ್ನಲಾಗಿದೆ. ಲಕ್ಷಗಳಲ್ಲಿ ಖರೀದಿಸಿದ್ದ  ಭೂಮಿ ಇಂದು ಕೋಟಿಗೆ ಬಾಳುತ್ತದೆ.ಈ ಆಸ್ತಿ ಈಗ ನಟ ಮೋಹನ್ ಬಾಬು ಬಳಿಯಿದೆಯಂತೆ.

ಆದರೆ ಈ ಅಂತೆಕಂತೆ ಸುದ್ದಿ. ಇದರಲ್ಲಿ ಎಷ್ಟು ನಿಜ, ಎಷ್ಟು ಸುಳ್ಳು ಎನ್ನುವುದರ ಬಗ್ಗೆ ಖಚಿತ ಮಾಹಿತಿ ಇಲ್ಲ.