ಮಗುವನ್ನು ಕಳೆದುಕೊಂಡ 5 ಬಾಲಿವುಡ್ ಸುಂದರಿಯರು ಇವರು

ಕಿಂಗ್ ಖಾನ್ ಪತ್ನಿ ಗೌರಿ ಖಾನ್ ಹಲವಾರು ಬಾರಿ ತನ್ನ ಮಗುವನ್ನು ಕಳೆದುಕೊಂಡಿದ್ದಾರೆ. ತನ್ನ ಹಿರಿಯ ಮಗ ಆರ್ಯನ್ ಖಾನ್ ಹುಟ್ಟುವ ಮೊದಲು ಅವರು ಅನೇಕ ಗರ್ಭಪಾತಗಳನ್ನು ಅನುಭವಿಸಿದರು. ತುಂಬಾ ಕಷ್ಟಪಟ್ಟು ಗೌರಿ ಖಾನ್ ಮೊದಲ ಮಗುವಿಗೆ ಜನ್ಮ ನೀಡಿದ್ದರು. ಆ ನಂತರ ಗೌರಿ ಸುಹಾನಾ ಖಾನ್ ಗೆ ಜನ್ಮ ನೀಡಿದರು. ಆ ನಂತರ ಶಾರುಖ್ ಮತ್ತು ಗೌರಿ ಬಾಡಿಗೆ ತಾಯ್ತನದ ಮೂಲಕ ಅಬ್ರಾಮ್ ಅವರನ್ನು ಸ್ವಾಗತಿಸಿದರು.

ಶಿಲ್ಪಾ ಶೆಟ್ಟಿ ಕುಂದ್ರಾ 2010 ರಲ್ಲಿ ಮೊದಲ ಬಾರಿಗೆ ತನ್ನ ಮಗುವನ್ನು ಕಳೆದುಕೊಂಡರು. ಇದೇ ದುಃಖದಲ್ಲಿ ಇನ್ನು ಮುಂದೆ ಗರ್ಭಿಣಿಯಾಗುವುದಿಲ್ಲ ಎಂದುಕೊಂಡರು. ಆದರೆ ಇಂದು ನಟಿಗೆ ಇಬ್ಬರು ಮಕ್ಕಳಿದ್ದಾರೆ. 

ಕಾಜೋಲ್ ಮತ್ತು ಅಜಯ್ ಮಗುವನ್ನು ಹೊಂದಲು ಯೋಜಿಸಿದಾಗ ಎರಡು ಬಾರಿ ಗರ್ಭಪಾತಕ್ಕೆ ಒಳಗಾದರು. ಕಭಿ ಖುಷಿ ಕಭಿ ಗಮ್ ಚಿತ್ರದ ಶೂಟಿಂಗ್ ವೇಳೆ ಆಕೆ ಗರ್ಭಿಣಿಯಾಗಿದ್ದರು. ಸ್ವಲ್ಪ ಸಮಯದ ನಂತರ ಆಕೆಗೆ ಗರ್ಭಪಾತವಾಗಿದೆ ಎಂದು ಹೇಳಲಾಯಿತು. ಆ ಬಳಿಕ ಮತ್ತೆ ಎರಡನೇ ಗರ್ಭಪಾತವು ಕಾಜೋಲ್‌ ಅವರನ್ನು ದುಃಖಕ್ಕೆ ತಳ್ಳಿತು. ಕಾಜೋಲ್ ಮತ್ತು ಅಜಯ್ ಬಹಳ ಪ್ರಯತ್ನದ ನಂತರ ಇಬ್ಬರು ಮಕ್ಕಳನ್ನು ಪಡೆದರು.

ದೀಪಿಕಾ ಕಕ್ಕರ್ ಮತ್ತು ಶೋಯೆಬ್ ಇಬ್ರಾಹಿಂ ತಮ್ಮ ಮೊದಲ ಮಗುವಿನ ಜನನವನ್ನು ಜನವರಿ 22 ರಂದು ಘೋಷಿಸಿದರು. ಆದರೆ ಈ ಮಗುವಿಗೆ ಮೊದಲು, ದೀಪಿಕಾ ಗರ್ಭಪಾತಕ್ಕೆ ಒಳಗಾಗಿದ್ದಾರೆ. ಈ ಕಾರಣದಿಂದಾಗಿ ನಟಿ ತನ್ನ ಗರ್ಭಧಾರಣೆಯ ಸುದ್ದಿಯನ್ನು ಜನರೊಂದಿಗೆ ಹಂಚಿಕೊಳ್ಳಲು ಹಿಂಜರಿಯುತ್ತಿದ್ದರು. 

ಗರ್ಭಪಾತದಿಂದಾಗಿ ಕಿರಣ್ ರಾವ್ ಮತ್ತು ಅಮೀರ್ ಖಾನ್‌ ತಮ್ಮ ಮೊದಲ ಮಗುವನ್ನು ಕಳೆದುಕೊಂಡರು. ಆದರೆ ನಂತರ ಅವರು ಬಾಡಿಗೆ ತಾಯ್ತನದ ಮೂಲಕ ಮಗನಿಗೆ ಜನ್ಮ ನೀಡಿದರು.