Bollywood : ಪ್ರೀತಿಯಲ್ಲಿ ಸೋತರೂ.. ಜೀವನದಲ್ಲಿ ಗೆದ್ದ ನಟಿಯರು ಇವರು
ಕತ್ರೀನಾ ಕೈಫ್: ಕತ್ರೀನಾ ಕೈಫ್ ಕೂಡ ಲವ್‌ ಫೇಲ್ಯುರ್‌ ನೋವನ್ನು ಅನುಭವಿಸಿದ್ದಾರೆ. 6 ವರ್ಷಗಳ ಸಂಬಂಧ ಮುರಿದು ಬಿದ್ದಾಗ, ಕತ್ರಿನಾ ಕುಗ್ಗಿ ಹೋದರು. ದೀರ್ಘಕಾಲದವರೆಗೆ ಈ ದುಃಖದಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಆದರೂ ಜೀವನವೇ ಮುಖ್ಯ ಎಂದು ನಿರ್ಧರಿಸಿ, ಸಾಧನೆ ಮಾಡಿದರು.
ಕಂಗನಾ ರಣಾವತ್: ಕಂಗನಾ ರಣಾವತ್ ಮತ್ತು ಹೃತಿಕ್ ರೋಷನ್ ಪ್ರೇಮ ಕಹಾನಿ ಬಗ್ಗೆ ಹೆಚ್ಚೇನು ಹೇಳಬೇಕಿಲ್ಲ. ಆದರೆ ಈ ಪ್ರೀತಿ ಯಾವಾಗ ಪ್ರಾರಂಭವಾಯಿತು ಮತ್ತು ಯಾವಾಗ ಕೊನೆಗೊಂಡಿತು ಎಂಬುದು ಯಾರಿಗೂ ತಿಳಿದಿಲ್ಲ. ಕ್ರಿಶ್ ಚಿತ್ರದ ಸಮಯದಲ್ಲಿ ತನಗೂ ಹೃತಿಕ್‌ಗೂ ಅಫೇರ್ ಇತ್ತು ಎಂದು ಕಂಗನಾ ಹೇಳಿಕೊಂಡಿದ್ದಾರೆ, ಆದರೆ ಚಿತ್ರ ಬಿಡುಗಡೆಯಾದ ತಕ್ಷಣ ಈ ಸಂಬಂಧವೂ ಕೊನೆಗೊಂಡಿತು. ಅಂದು ನೋವುಂಡ ಕಂಗನಾ ಇಂದು ಯಶಸ್ವಿಯಾಗಿದ್ದಾರೆ.
ದೀಪಿಕಾ ಪಡುಕೋಣೆ: ದೀಪಿಕಾ ಪಡುಕೋಣೆ ಕೂಡ ಪ್ರೀತಿಯಲ್ಲಿ ಮೋಸ ಹೋದವರೇ. ಅದಕ್ಕೆ ಕಾರಣ ರಣಬೀರ್ ಕಪೂರ್. ಬ್ರೇಕಪ್‌ ಆದಾಗ ದೀಪಿಕಾ ಖಿನ್ನತೆಗೆ ಕೂಡ ಒಳಗಾಗಿದ್ದರು. ಆದರೆ ದೀಪಿಕಾ ಈ ಹಂತದಲ್ಲೂ ಸಾಧನೆ ಮಾಡಿದ್ದಾರೆ. ಖಿನ್ನತೆಯ ವಿರುದ್ಧ ಬಂಡೆಯಂತೆ ಹೋರಾಡಿ ಹೊರಬಂದರು. ಇದೀಗ ವಿಶ್ವದ ಅನೇಕರು ಮೆಚ್ಚುವ ನಟಿಯಾಗಿದ್ದಾರೆ.
ಬಿಪಾಶಾ ಬಸು: ಬಿಪಾಶಾ ಬಸುಗೆ ಜೀವನದಲ್ಲಿಯೂ ಲವ್‌ ಬ್ರೇಕಪ್‌ ಕಹಿ ನೆನಪಿದೆ. ಜಾನ್ ಅಬ್ರಹಾಂ ಬಿಪಾಶಾಳನ್ನು ತೊರೆದು ಪ್ರಿಯಾ ರುಂಚಲ್ ಜೊತೆ ಡೇಟಿಂಗ್ ಆರಂಭಿಸಿದ್ದರು, ಆದರೆ ಬಿಪಾಶಾಗೆ ಅದು ತಿಳಿದಿರಲಿಲ್ಲ. ಕೊನೆಗೂ ಸತ್ಯ ಹೊರಬಿದ್ದಾಗ, ಬಿಪಾಶಾ ಕುಗ್ಗಿಹೋದರು. ಈ ಸಂಬಂಧಕ್ಕೆ 10 ವರ್ಷವಾಗಿತ್ತು, ಇದನ್ನು ಸಹಿಸಿಕೊಳ್ಳುವುದು ಬಿಪಾಶಾಗೆ ಸುಲಭವಾಗಿರಲಿಲ್ಲ. ಆದರೆ ಜೀವನದಲ್ಲಿ ಹೆದರದೇ ಮುಂದೆ ಸಾಗಿ ಸಾಧನೆಗೈದರು.
ಐಶ್ವರ್ಯಾ ರೈ: ಸಲ್ಮಾನ್ ಖಾನ್ ಮತ್ತು ಐಶ್ವರ್ಯಾ ರೈ ಅವರ ಪ್ರೇಮಕಥೆ ಇಂದಿಗೂ ಯಾರೂ ಮರೆತಿಲ್ಲ. ಇಬ್ಬರ ನಡುವೆ ತುಂಬಾ ಪ್ರೀತಿ ಇತ್ತು. ಆದರೆ ಈ ಸಂಬಂಧವು ಮುರಿದುಬಿತ್ತು. ಆ ಸಮಯದಲ್ಲಿ ಐಶ್ವರ್ಯಾ ತುಂಬಾ ನೊಂದುಕೊಂಡರು. ಅನೇಕ ಚಿತ್ರಗಳು ಸಹ ಕೈತಪ್ಪಿದವು. ಆದರೆ ಐಶ್ವರ್ಯಾ ಬಂಡೆಯಂತೆ ಗಟ್ಟಿಯಾದರು, ವೃತ್ತಿಜೀವನದಲ್ಲಿ ಅಪಾರ ಯಶಸ್ಸು ಪಡೆದರು.