Fixed Deposit : ರೆಪೋ ದರ ಹೆಚ್ಚಳದಿಂದ ಹೆಚ್ಚಾಗಿದೆ EMI, ಆದ್ರೂ, ಈ 3 ಬ್ಯಾಂಕ್‌ ಗ್ರಾಹಕರಿಗೆ ಸಿಹಿ ಸುದ್ದಿ!

ಆರ್‌ಬಿಐ ಬಡ್ಡಿದರದಲ್ಲಿ ಶೇಕಡಾ 0.50 ರಷ್ಟು ಹೆಚ್ಚಳದ ಘೋಷಣೆಯ ನಂತರ, ಸತತವಾಗಿ ಎರಡು ಬಾರಿ ರೆಪೋ ದರವನ್ನು ಹೆಚ್ಚಿಸಿರುವುದರಿಂದ, ಎಫ್‌ಡಿ ಮೇಲಿನ ಬಡ್ಡಿದರಗಳು ಮತ್ತೆ ಹೆಚ್ಚಾಗುತ್ತವೆ ಎಂಬ ಊಹಾಪೋಹಗಳು ಇದ್ದವು. ಎಫ್‌ಡಿ ಬಡ್ಡಿ ದರದಲ್ಲಿ 90 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚಳವಾದರೆ, ಬಡ್ಡಿ ದರವು 5.5 ಪ್ರತಿಶತದಿಂದ 6.4 ಪ್ರತಿಶತಕ್ಕೆ ಹೆಚ್ಚಾಗುತ್ತದೆ. ಇದರ ಆಧಾರದ ಮೇಲೆ, 5 ವರ್ಷಗಳವರೆಗೆ ರೂ 1 ಲಕ್ಷದ ಎಫ್‌ಡಿ ಮಾಡಿದರೆ, ನೀವು ರೂ 5958 ಹೆಚ್ಚುವರಿ ಬಡ್ಡಿಯನ್ನು ಪಡೆಯುತ್ತೀರಿ.

ಖಾಸಗಿ ವಲಯದ ಬ್ಯಾಂಕ್ ಯೆಸ್ ಬ್ಯಾಂಕ್ ಕೂಡ ತನ್ನ ನಿಶ್ಚಿತ ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಪರಿಷ್ಕರಿಸಿದೆ. ಇದರಲ್ಲಿ, ಗ್ರಾಹಕರು 7 ದಿನಗಳಿಂದ 10 ವರ್ಷಗಳವರೆಗಿನ FD ಗಳಲ್ಲಿ 3.25 ರಿಂದ 6.40 ರವರೆಗೆ ಬಡ್ಡಿಯನ್ನು ಪಡೆಯುತ್ತಾರೆ. ಹೊಸ ಬಡ್ಡಿ ದರಗಳು ಜೂನ್ 6, 2022 ರಿಂದ ಜಾರಿಗೆ ಬಂದಿವೆ.

ಖಾಸಗಿ ಬ್ಯಾಂಕ್ ಆರ್‌ಬಿಎಲ್ ತನ್ನ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಸಹ ಬದಲಾಯಿಸಿದೆ. RBL ಬ್ಯಾಂಕ್ ಈಗ ವಿವಿಧ ಅವಧಿಗಳಲ್ಲಿ 3.25 ಪ್ರತಿಶತದಿಂದ 6.50 ಪ್ರತಿಶತದವರೆಗೆ ಬಡ್ಡಿಯನ್ನು ನೀಡುತ್ತದೆ. ಫಿಕ್ಸೆಡ್ ಡೆಪಾಸಿಟ್ ಮೇಲಿನ ಹೊಸ ಬಡ್ಡಿ ದರಗಳು ಜೂನ್ 8, 2022 ರಿಂದ ಅನ್ವಯವಾಗುತ್ತದೆ.

ಐಸಿಐಸಿಐ ಬ್ಯಾಂಕ್ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಪರಿಷ್ಕರಿಸಿದೆ. ಐಸಿಐಸಿಐ ಬ್ಯಾಂಕ್ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು 2 ಕೋಟಿಯಿಂದ 5 ಕೋಟಿಗೆ ಬದಲಾಯಿಸಿದೆ. ಗ್ರಾಹಕರು 7 ದಿನಗಳಿಂದ 10 ವರ್ಷಗಳವರೆಗಿನ FD ಗಳ ಮೇಲೆ 3 ಪ್ರತಿಶತದಿಂದ 6.5 ಪ್ರತಿಶತದಷ್ಟು ಬಡ್ಡಿಯನ್ನು ಪಡೆಯುತ್ತಾರೆ. ಫಿಕ್ಸೆಡ್ ಡೆಪಾಸಿಟ್ ಮೇಲಿನ ಹೊಸ ಬಡ್ಡಿ ದರಗಳು ಜೂನ್ 7, 2022 ರಿಂದ ಅನ್ವಯವಾಗುತ್ತವೆ.