PICS: ಅಸ್ಸಾಂನ ಈ ಹಸುವಿನ ಹಾಲಿನಿಂದ ದೂರವಾಗುತ್ತೆ ಕಾಯಿಲೆ!

ಈ ಹಸು 7 ತಿಂಗಳ ವಯಸ್ಸಿನಲ್ಲಿಯೂ ಎರಡೂವರೆ ಲೀಟರ್ ಹಾಲು ನೀಡುತ್ತಿತ್ತು. ಈ ಹಸುವಿನ ದೇಹದಿಂದ ಉತ್ತಮ ಸುಗಂಧವೂ ಹೊರಹೊಮ್ಮುತ್ತದೆ. ಹಸುವನ್ನು ಮಾತೆಯ ಅವತಾರ ಎಂದು ಜನರು ನಂಬುತ್ತಾರೆ. ಈ ಹಸುವಿನ ಹಾಲು ಕುಡಿಯುವುದರಿಂದ ಹೊಟ್ಟೆನೋವು, ತಲೆನೋವು, ಪಾರ್ಶ್ವವಾಯು ಮತ್ತು ಅನೇಕ ರೋಗಗಳು ನಿವಾರಣೆಯಾಗುತ್ತದೆ. ಈ ಹಸುವಿನ ಹಾಲು ಕುಡಿಯುವುದರಿಂದ ಮನಸ್ಸಿನ ಆಸೆ ಈಡೇರುತ್ತದೆ. ಈ ಹಸು ಸಾಮಾನ್ಯ ಹಸುವಲ್ಲ ಎಂದು ಜನರು ನಂಬುತ್ತಾರೆ.

ಈ ಹಸು ಈವರೆಗೂ ಒಂದೇ ಒಂದು ಕರುವಿಗೂ ಜನ್ಮ ನೀಡದೆ ಪ್ರತಿದಿನ 13 ಲೀಟರ್ ಹಾಲು ನೀಡುತ್ತಿದೆ ಮತ್ತು ಈ ಹಸು 7 ತಿಂಗಳ ವಯಸ್ಸಿನಿಂದ ಹಾಲು ನೀಡುತ್ತಿತ್ತು ಎಂದು ಗೋಪಾಲಕ್ ಫಜರ್ ಅಲಿ ಹೇಳುತ್ತಾರೆ. ಈ ಹಸುವನ್ನು ನಾನು 5 ಲಕ್ಷ ರೂಪಾಯಿಗೆ ಮಾರಾಟ ಮಾಡಲು ಪ್ರಯತ್ನಿಸಿದ್ದೆ. ಆ ಬಳಿಕ ಹಸು ನೀರು, ಆಹಾರ ತೆಗೆದುಕೊಳ್ಳುವುದನ್ನು ನಿಲ್ಲಿಸಿತು. ಅದರ ನಂತರ ನಾನು ಹಸುವನ್ನು ಮಾರಾಟ ಮಾಡಲಿಲ್ಲ. ಈ ಹಸುವಿನ ಹಾಲು ಕುಡಿಯಲು ಪ್ರತಿದಿನ ಸಾವಿರಾರು ಮಂದಿ ಬರುತ್ತಾರೆ. ಈ ಹಸುವಿನ ಹಾಲು ಕುಡಿಯುವುದರಿಂದ ಜನರ ಅನೇಕ ರೋಗಗಳು ಸಹ ಗುಣವಾಗಿದೆ ಎಂದು ಅವರು ಹೇಳಿದ್ದಾರೆ.

ಈ ಹಸುವಿನ ಹಾಲು ಕುಡಿಯುವುದರಿಂದ ರೋಗ ಗುಣಪಡಿಸುತ್ತದೆ ಎಂದು ನಾವು ಕೇಳಿದ್ದೇವೆ. ಹಾಗಾಗಿ ಈ ಹಸುವಿನ ಹಾಲು ಕುಡಿಯಲು ನಾವಿಲ್ಲಿಗೆ ಬಂದಿದ್ದೇವೆ ಎಂದು ಅಲ್ಲಿ ನೆರೆದಿದ್ದವರು ತಿಳಿಸಿದ್ದಾರೆ.

ನಾನು ಮೂರ್ನಾಲ್ಕು ದಿನಗಳ ಹಿಂದಷ್ಟೇ ಇಲ್ಲಿ ಬಂದು ಈ ಹಸುವಿನ ಹಾಲು ಕುಡಿದೆ, ನನ್ನ ಬೆನ್ನು ನೋವು ತಕ್ಷಣವೇ ಗುಣವಾಗಿದೆ ಎಂದು ಮಹಿಳೆಯೊಬ್ಬರು ಹೇಳಿದ್ದಾರೆ.

ಸದಾ ಅನಾರೋಗ್ಯದಿಂದ ಬಳಲುತ್ತಿದ್ದ ನಾನು ಈ ಹಸುವಿನ ಹಾಲು ಸೇವಿಸಿದ ಬಳಿಕ ಗುಣಮುಖನಾಗಿದ್ದೇನೆ ಎಂದು ಇನ್ನೊಬ್ಬ ವ್ಯಕ್ತಿ ತಿಳಿಸಿದ್ದಾರೆ. ಅದಲ್ಲದೆ ನಮ್ಮ ಮನೆ ಹತ್ತಿರವಿದ್ದ ಓರ್ವ ವ್ಯಕ್ತಿಗೆ ಕ್ಯಾನ್ಸರ್ ಇತ್ತು, ಅವರೂ ಕೂಡ ಈ ಹಾಲನ್ನು ಸೇವಿಸಿದ ಬಳಿಕ ಅವರ ರೋಗ ವಾಸಿಯಾಗಿದೆ ಎಂದು ಅವರು ತಿಳಿಸಿದರು.