ರಸಿಕನೋ.. ಅಥವಾ...? 650 ಮಹಿಳೆಯರೊಂದಿಗೆ S*X ಮಾಡಿದ್ದಾನಂತೆ ಈ ಸ್ಟಾರ್‌ ಕ್ರಿಕೆಟಿಗ; ಯೌವನ ವೇಸ್ಟ್‌ ಆಗ್ಬಾರ್ದು ಅಂತಾ ಹೀಗೆಲ್ಲಾ ಎಂಜಾಯ್ ಮಾಡೋದಾ...!!
ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅವನತಿಯ ಅವಧಿಯನ್ನು ಎದುರಿಸುತ್ತಿದೆ. ಆದರೆ ಒಂದು ಕಾಲದಲ್ಲಿ ವಿಂಡೀಸ್ ಲೆಜೆಂಡರಿ ಕ್ರಿಸ್ ಗೇಲ್, ಬ್ರಿಯಾನ್ ಲಾರಾ, ಡ್ವೇನ್ ಬ್ರಾವೋ ಸೇರಿದಂತೆ ವಿಶ್ವದರ್ಜೆಯ ಕ್ರಿಕೆಟಿಗರನ್ನು ಜಗತ್ತಿಗೆ ಕೊಡುಗೆಯಾಗಿ ನೀಡಿದ ಕೀರ್ತಿ ಈ ದೇಶದ ಮೇಲಿತ್ತು.
70 ಮತ್ತು 80 ರ ದಶಕದಲ್ಲಿ ವಿಂಡೀಸ್ ವಿಶ್ವ ಚಾಂಪಿಯನ್ ಆಗಿತ್ತು ಮತ್ತು 90 ರ ದಶಕದಲ್ಲೂ ಅದ್ಭುತ ಶಕ್ತಿಯಾಗಿ ಮುನ್ನುಗ್ಗುತ್ತಿತ್ತು. ಇನ್ನು ವೆಸ್ಟ್ ಇಂಡೀಸ್ ತಂಡದ ಮತ್ತೊಂದು ಕುತೂಹಲಕಾರಿ ಅಂಶವೆಂದರೆ ಆಟಗಾರರ ಜೀವನಶೈಲಿ.
ಟಿನೋ ಬೆಸ್ಟ್... ಮಾಜಿ ವೆಸ್ಟ್ ಇಂಡೀಸ್ ವೇಗದ ಬೌಲರ್. ಗೇಲ್, ಬ್ರಾವೋ ಮತ್ತು ಪೊಲಾರ್ಡ್ ಅವರ ಸಹ ಆಟಗಾರ. 2016 ರಲ್ಲಿ ಅವರ ಆತ್ಮಚರಿತ್ರೆ 'ಮೈಂಡ್ ದಿ ವಿಂಡೋಸ್: ಮೈ ಸ್ಟೋರಿ' ನಲ್ಲಿ ತಮ್ಮ ಜೀವನದಲ್ಲಿ 650 ಕ್ಕೂ ಹೆಚ್ಚು ಮಹಿಳೆಯರೊಂದಿಗೆ ಸಂಬಂಧಗಳನ್ನು ಹೊಂದಿದ್ದೆ ಎಂದು ಬಹಿರಂಗಪಡಿಸಿದ್ದಾರೆ.
"ನನಗೆ ಹುಡುಗಿಯರು ತುಂಬಾ ಇಷ್ಟ... ಅವರಿಗೂ ಅಷ್ಟೇ, ನಾನು ಇಷ್ಟವಾಗುತ್ತೇನೆ. ನಾನು ಪ್ರಪಂಚದಲ್ಲೇ ಅತ್ಯುತ್ತಮವಾಗಿ ಕಾಣುವ ಬೋಳು ಹುಡುಗ ಎಂದು ನಾನು ಭಾವಿಸುತ್ತೇನೆ. ನಾನು ಕಪ್ಪು ಬ್ರಾಡ್ ಪಿಟ್. ನನಗೆ ಡೇಟಿಂಗ್ ಮಾಡುವುದು ಮತ್ತು ಹುಡುಗಿಯರೊಂದಿಗೆ ಮಲಗುವುದು ತುಂಬಾ ಇಷ್ಟ. ಇದುವರೆಗೆ 500 ರಿಂದ 650 ಹುಡುಗಿಯರೊಂದಿಗೆ ಮಲಗಿದ್ದೇನೆ" ಎಂದು ಬಹಿರಂಗವಾಗಿ ಹೇಳಿಕೆ ನೀಡಿದ್ದಾರೆ.
"ನಾನು ಯಾವುದೇ ಮಹಿಳೆಗೆ ಹೆದರುತ್ತಿರಲಿಲ್ಲ. ನಾನೇ ಯಾರ ಜೊತೆ ಡೇಟ್ ಮಾಡಬೇಕೆಂದು ಆರಿಸಿಕೊಳ್ಳುತ್ತಿದ್ದೆ. ನಾನು ವಾರಕ್ಕೆ ಐದು ಅಥವಾ ಆರು ಬಾರಿ ಡೇಟ್‌ಗೆ ಹೋಗುತ್ತಿದ್ದೆ, ಎಲ್ಲಾ ಬೇರೆ ಬೇರೆ ಹುಡುಗಿಯರೊಂದಿಗೆ ... ಆದ್ದರಿಂದ ನಾನು ಒಬ್ಬ ಪುರುಷ ವೇಶ್ಯೆ. ದಿನಕ್ಕೆ ಒಬ್ಬರಂತೆ... ನನಗೆ ನನ್ನ ಯವ್ವನ ವ್ಯರ್ಥವಾಗೋದು ಇಷ್ಟವಿರಲಿಲ್ಲ. ಅದಕ್ಕೆ ಹಾಗೆಲ್ಲಾ ಎಂಜಾಯ್ ಮಾಡಿದೆ" ಎಂದು ಮುಕ್ತವಾಗಿ ಬರೆದುಕೊಂಡಿದ್ದಾರೆ.
42 ವರ್ಷದ ಬೆಸ್ಟ್ ಅವರು ವೆಸ್ಟ್ ಇಂಡೀಸ್‌ನೊಂದಿಗೆ ವಿದೇಶಿ ಪ್ರವಾಸಗಳಿಗೆ ಹೋದಾಗಲೆಲ್ಲಾ ಹುಡುಗಿಯರನ್ನು ಭೇಟಿಯಾಗುತ್ತಿದ್ದರೆಂದು ಸ್ವತಃ ಅವರೇ ಹೇಳಿದ್ದಾರೆ. "ಆಸ್ಟ್ರೇಲಿಯಾ, ಇಂಗ್ಲೆಂಡ್ ಮತ್ತು ದಕ್ಷಿಣ ಆಫ್ರಿಕಾದಲ್ಲಿ ಗೆಳತಿಯರನ್ನು ಮಾಡಿಕೊಂಡಿದ್ದೆ. 2005 ರಲ್ಲಿ ಆಸ್ಟ್ರೇಲಿಯಾ ಪ್ರವಾಸದ ಸಮಯದಲ್ಲಿ 40 ಮಹಿಳೆಯರೊಂದಿಗೆ ಸಂಬಂಧ ಹೊಂದಿದ್ದೆ" ಎಂದು ಬೆಸ್ಟ್ ಹೇಳುತ್ತಾರೆ.
"ನನಗೆ 24 ವರ್ಷ ವಯಸ್ಸಾಗಿತ್ತು. ಆ ಪ್ರವಾಸದಲ್ಲಿ ನಾನು ಟೆಸ್ಟ್ ಪಂದ್ಯವನ್ನು ಆಡಿರಲಿಲ್ಲ. ಕೋಚ್ ಬೆನೆಟ್ ಕಿಂಗ್‌ಗೆ ನನ್ನ ಬಗ್ಗೆ ಯಾವುದೇ ಆಸಕ್ತಿ ಇರಲಿಲ್ಲ. ಬಹುಶಃ ನನ್ನ ಬಗ್ಗೆ ಆಸಕ್ತಿ ಇಲ್ಲದ ಏಕೈಕ ಆಟಗಾರ ಅವನಾಗಿರಬೇಕು. ನಾನು ಹೊರಗೆ ಹೋಗುತ್ತಿದೆ. ಅಲ್ಲಿ ಕೆಲವು ಹುಡುಗಿಯರನ್ನು ಕರೆದುಕೊಂಡು ಹೋಟೆಲ್‌ಗೆ ಹೋಗುತ್ತಿದ್ದೆ, ವೃತ್ತಿಪರ ಆಟಗಾರರಿರುವ ಐಷಾರಾಮಿ ಹೋಟೆಲ್‌ಗಳನ್ನು ಹುಡುಗಿಯರು ಇಷ್ಟಪಟ್ಟಿದ್ದರು" ಎಂದಿದ್ದಾರೆ
"ಪ್ರವಾಸದಲ್ಲಿರುವಾಗ ಹುಡುಗಿಯರೊಂದಿಗೆ ಮಲಗುವುದು ಮತ್ತು ಡೇಟ್‌ಗೆ ಹೋಗುವುದು ನನ್ನ ಆಟದ ಮೇಲೆ ಪರಿಣಾಮ ಬೀರಲಿಲ್ಲ" ಎಂದು ಬೆಸ್ಟ್ ಹೇಳಿದ್ದಾರೆ. "ರಾತ್ರಿ ವೇಳೆ ಮೋಜು ಮಸ್ತಿ ಮಾಡುತ್ತಿದ್ದರೆ, ನೆಟ್ಸ್ ಮತ್ತು ಜಿಮ್‌ನಲ್ಲಿ ತುಂಬಾ ಕಷ್ಟಪಟ್ಟು ತರಬೇತಿ ಪಡೆಯುತ್ತಿದ್ದೆ. ವೆಸ್ಟ್ ಇಂಡೀಸ್ ಪರ ನನ್ನಷ್ಟು ಕಠಿಣ ತರಬೇತಿ ಪಡೆದವರು ಯಾರೂ ಇಲ್ಲ. ನಾನು ಇಬ್ಬರು ಹುಡುಗಿಯರನ್ನು ಮರಳಿ ಕರೆತಂದು ಅವರೊಂದಿಗೆ ಸಂಭೋಗಿಸಿದರೆ, ಬೆಳಿಗ್ಗೆ ಕಷ್ಟಪಟ್ಟು ನೆಟ್ಸ್‌ನಲ್ಲಿ ತರಬೇತಿ ಪಡೆಯುತ್ತಿದ್ದೆ. ನಾನು ಅದರ ಬಗ್ಗೆ ಬುದ್ಧಿವಂತನಾಗಿದ್ದೆ ಮತ್ತು ಯಾವುದೇ ತೊಂದರೆಗೆ ಸಿಲುಕಲಿಲ್ಲ" ಎಂದು ಬೆಸ್ಟ್ ಹೇಳಿದ್ದಾರೆ.