Oppo Reno 6 Pro : ಅರ್ಧ ಗಂಟೆಯಲ್ಲಿ ಆಗಲಿದೆ ಫುಲ್ ಚಾರ್ಜ್, ಬೆಲೆ ಎಷ್ಟು ತಿಳಿಯಿರಿ

ಫ್ಲಿಪ್‌ಕಾರ್ಟ್ ಈ ಫೋನ್‌ಗಾಗಿ ಟೀಸರ್ ಪೇಜ್ ಅನ್ನು ಕೂಡ ಲಾಂಚ್ ಮಾಡಿದೆ.  ಈ ಹಿನ್ನೆಲೆಯಲ್ಲಿ ಎರಡೂ ಫೋನ್‌ಗಳನ್ನು ಫ್ಲಿಪ್‌ಕಾರ್ಟ್‌ನಲ್ಲಿ ಮಾರಾಟ ಮಾಡಲಾಗುತ್ತದೆ ಎನ್ನಲಾಗಿದೆ. ಒಪ್ಪೊ ಟ್ವಿಟ್ಟರ್ನಲ್ಲಿ ಮೊಬೈಲ್ ಬಗ್ಗೆ ಕೆಲವು ಮಾಹಿತಿಯನ್ನು ಹಂಚಿಕೊಂಡಿದೆ. ಜೊತೆಗೆ ಅನೇಕ ಯೂಟ್ಯೂಬ್ ಪೇಜ್ ಗಳು ಅದರ ಬೆಲೆ ಮತ್ತು ಇತರ ವೈಶಿಷ್ಟ್ಯಗಳನ್ನು ಬಹಿರಂಗಪಡಿಸಿವೆ. 

ಫೋನ್‌ನಲ್ಲಿ ಅತ್ಯಂತ ಮುಖ್ಯವಾದ ವೈಶಿಷ್ಟ್ಯವೆಂದರೆ ಅದರ ಬ್ಯಾಟರಿ ಎಂದು ಒಪ್ಪೊ ತಿಳಿಸಿದೆ. ಚಾರ್ಜಿಂಗ್ ಮಾಡಿದ 5 ನಿಮಿಷಗಳಲ್ಲಿ 4 ಗಂಟೆಗಳ ವೀಡಿಯೊ ರೆಕಾರ್ಡಿಂಗ್ ಮಾಡಬಹುದು. ಅಲ್ಲದೆ, 35 ನಿಮಿಷಗಳಲ್ಲಿ ಫೋನ್ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ.

ಫೋನ್ ಜೊತೆಗೆ ಚಾರ್ಜರ್, ಇಯರ್‌ಫೋನ್, ಯುಎಸ್‌ಬಿ ಕೇಬಲ್, ಸಿಂಗಲ್ ಎಜೆಕ್ಷನ್ ಟೂಲ್, ಪ್ರೊಟೆಕ್ಟಿವ್ ಕೇಸ್ ಮತ್ತು ಸೇಫ್ಟಿ ಗೈಡ್ ಇರುತ್ತದೆ.

ಸೋರಿಕೆಯಾದ ಮಾಹಿತಿಯ ಪ್ರಕಾರ, ಈ ಫೋನ್‌ಗಳು 6.55 ಇಂಚಿನ ಡಿಸ್ಪ್ಲೇ ಹೊಂದಿರುತ್ತದೆ. 4500 mAh ಬ್ಯಾಟರಿ ಸಹ ಇರುತ್ತದೆ.  ಪ್ರೈಮರಿ ಕ್ಯಾಮೆರಾ 64 ಮೆಗಾಪಿಕ್ಸೆಲ್‌ಗಲಾಗಿದ್ದು, ಎರಡನೇ ಕ್ಯಾಮೆರಾ 8 ಮೆಗಾಪಿಕ್ಸೆಲ್‌ಗಳು. ಉಳಿದ ಎರಡು ಕ್ಯಾಮೆರಾಗಳು 2-2 ಮೆಗಾಪಿಕ್ಸೆಲ್‌ಗಳಾಗಿರುತ್ತವೆ. 

ಒಪ್ಪೋ ರೆನೋ 6 ಪ್ರೊನ 12 GB RAM ಮತ್ತು 256 GB ಸ್ಟೋರೇಜ್ ವೆರಿಯೇಂಟ್ ಬೆಲೆ 40 ಸಾವಿರದಿಂದ 50 ಸಾವಿರದೊಳಗೆ ಇರಬಹುದು.