Top Mileage CNG Cars: ಇವು ಟಾಪ್ ಮೈಲೇಜ್ ನೀಡುವ ಭಾರತದ 5 CNG ಕಾರುಗಳು

1. Maruti Suzuk Wagon R - ದೇಶದ ಪ್ರಮುಖ ಕಾರು ಉತ್ಪಾದಕ ಕಂಪನಿ ಮಾರುತಿ ಸುಜುಕಿ ತನ್ನ ಹ್ಯಾಚ್‌ಬ್ಯಾಕ್ ಕಾರು ವ್ಯಾಗನ್ ಆರ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಎರಡು ಪೆಟ್ರೋಲ್ ಎಂಜಿನ್ ಆಯ್ಕೆಗಳೊಂದಿಗೆ ಬಿಡುಗಡೆ ಮಾಡಿದೆ. ಇದಲ್ಲದೇ, ಈ ಕಾರು CNG ಆವೃತ್ತಿಯಲ್ಲೂ ಲಭ್ಯವಿದೆ. CNG ವ್ಯಾಗನಾರ್ 1.0-ಲೀಟರ್ 3-ಸಿಲಿಂಡರ್ ಎಂಜಿನ್ ನಿಂದ 57 ಪಿಎಸ್ ಪವರ್ ಮತ್ತು 78 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಅಷ್ಟೇ ಅಲ್ಲ, CNG ಮಾದರಿಯ ವ್ಯಾಗನಾರ್ 32.52 km/kg ಮೈಲೇಜ್ ನೀಡುತ್ತದೆ. ದೈನಂದಿನ ಕಚೇರಿಯ ಬಳಕೆಗೆ ಈ ಕಾರನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ನೀವು ವ್ಯಾಗನ್‌ಆರ್‌ನ ಸಿಎನ್‌ಜಿ ಮಾದರಿಯನ್ನು ಖರೀದಿಸಲು ಬಯಸಿದರೆ, ಅದರ ಬೆಲೆ ರೂ. 5,70,500 ರಿಂದ ಆರಂಭವಾಗುತ್ತದೆ.

2. Hyundai Santro - ದಕ್ಷಿಣ ಕೊರಿಯಾದ ವಾಹನ ತಯಾರಕ ಕಂಪನಿ ಹುಂಡೈ ಹೊಸ ತಲೆಮಾರಿನ ಸ್ಯಾಂಟ್ರೊವನ್ನು ಸಿಎನ್‌ಜಿ ಆಯ್ಕೆಯೊಂದಿಗೆ ಮ್ಯಾಗ್ನಾ ಮತ್ತು ಸ್ಪೋರ್ಟ್ಸ್ ಟ್ರಿಮ್‌ಗಳನ್ನು ಭಾರತ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಕಾರಿನಲ್ಲಿ 1.2 ಲೀಟರ್ 4 ಸಿಲಿಂಡರ್ ಎಂಜಿನ್ ಇದ್ದು, ಇದು 60 ಪಿಎಸ್ ಪವರ್ ಮತ್ತು 85 ಎನ್ಎಂ ಟಾರ್ಕ್ ಅನ್ನು ಸಿಎನ್ ಜಿ ವೆರಿಯಂಟ್ ನಲ್ಲಿ ಉತ್ಪಾದಿಸುತ್ತದೆ. ಈ ಕಾರು ಸಿಎನ್‌ಜಿಯಲ್ಲಿ 30.48 ಕಿಮೀ/ಕೆಜಿ ಮೈಲೇಜ್ ನೀಡುತ್ತದೆ. ನೀವು ಕಡಿಮೆ ಬಜೆಟ್ ನಲ್ಲಿ ಸ್ಟೈಲಿಶ್ ಲುಕ್ ಮತ್ತು ಸ್ಟ್ರಾಂಗ್ ಪವರ್ ಹೊಂದಿರುವ ಕಾರನ್ನು ಖರೀದಿಸಲು ಯೋಜಿಸುತ್ತಿದ್ದರೆ ಈ ಕಾರು ನಿಮಗೆ ಉತ್ತಮವಾಗಿದೆ. ಈ ಕಾರಿನ ಆರಂಭಿಕ ಬೆಲೆ 5,99,900 ಲಕ್ಷ ರೂ.

3. Maruti Suzuki Alto - ಮಾರುತಿ ಸುಜುಕಿಯ ಬಜೆಟ್ ಕಾರುಗಳ ಪಟ್ಟಿಯಲ್ಲಿ ಆಲ್ಟೊ ಹೆಸರು ಅಗ್ರಸ್ಥಾನದಲ್ಲಿದೆ. ಈ ಕಾರನ್ನು ಚಿಕ್ಕ ಕುಟುಂಬಕ್ಕೆ ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ, ಆದ್ದರಿಂದ ಕೆಲವು ಸಮಯದವರೆಗೆ ಇದು ಭಾರತದಲ್ಲಿ ಹೆಚ್ಚು ಮಾರಾಟವಾದ ಕಾರ್ ಆಗಿತ್ತು. ಈ ಕಡಿಮೆ ಬೆಲೆಯ ಕಾರಿನ ಕಾರ್ಯಕ್ಷಮತೆಯೂ ಪ್ರಬಲವಾಗಿದೆ. ಮತ್ತೊಂದೆಡೆ, ನೀವು ಆಲ್ಟೊದ ಸಿಎನ್‌ಜಿ ಮಾದರಿಯನ್ನು ಖರೀದಿಸಿದರೆ, ನಿಮಗೆ ಹಲವು ಪ್ರಯೋಜನಗಳಿವೆ. ಆಲ್ಟೊ 0.8-ಲೀಟರ್ ಎಂಜಿನ್ ಅನ್ನು ಹೊಂದಿದೆ, ಅದು 40 ಪಿಎಸ್ ಪವರ್ ಮತ್ತು 60 ಎನ್ಎಂ ಟಾರ್ಕ್ ಅನ್ನು ಸಿಎನ್ಜಿಯಲ್ಲಿ ಉತ್ಪಾದಿಸುತ್ತದೆ. CNG ರೂಪಾಂತರವು 31.59 km/kg ಮೈಲೇಜ್ ನೀಡುತ್ತದೆ. ಆಲ್ಟೊ ಹ್ಯಾಚ್ ಬ್ಯಾಕ್ ಸಿಎನ್ ಜಿ ವೆರಿಯಂಟ್ ಗಳಾದ ಎಲ್ ಎಕ್ಸ್ ಐ ಮತ್ತು ಎಲ್ ಎಕ್ಸ್ ಐ (ಒ) ಟ್ರಿಮ್ ಗಳಲ್ಲಿ ಬರುತ್ತದೆ. ಈ ಕಾರಿನ ಬೆಲೆ ರೂ 4,66,400 ಲಕ್ಷದಿಂದ ಆರಂಭವಾಗುತ್ತದೆ.

4. Maruti Suzuki Celerio - ಮಾರುತಿ ಸುಜುಕಿಯ ಈ ಕಾರನ್ನು ಬಜೆಟ್ ಮತ್ತು ಸಣ್ಣ ಕಾರುಗಳ ಪಟ್ಟಿಯಲ್ಲಿ ಸೇರಿಸಲಾಗಿದೆ. ಇದು ಸ್ವಯಂಚಾಲಿತ ಪ್ರಸರಣ (ಎಎಂಟಿ) ಯೊಂದಿಗೆ ಬಂದ ಮೊದಲ ಬಜೆಟ್ ಕಾರ್ ಆಗಿದೆ. ಪೆಟ್ರೋಲ್ ಎಂಜಿನ್ ಹೊರತಾಗಿ, ಕಂಪನಿಯು ಈ ಕಾರನ್ನು ಸಿಎನ್ ಜಿ ರೂಪಾಂತರಗಳಲ್ಲಿ ಪರಿಚಯಿಸಿದೆ. ಸಿಎನ್ ಜಿ ಹ್ಯಾಚ್ ಬ್ಯಾಕ್ 1.0-ಲೀಟರ್ ಎಂಜಿನ್ ನಿಂದ 57 ಪಿಎಸ್ ಪವರ್ ಮತ್ತು 78 ಎನ್ ಎಂ ಟಾರ್ಕ್ ಉತ್ಪಾದಿಸುತ್ತದೆ. CNG ಮಾದರಿಯು 30.47 km/kg ಮೈಲೇಜ್ ನೀಡುತ್ತದೆ. CNG ರೂಪಾಂತರವು VXI ಮತ್ತು VXI (O) ಟ್ರಿಮ್‌ಗಳಲ್ಲಿ ಲಭ್ಯವಿದೆ. ಇದರ ಆರಂಭಿಕ ಬೆಲೆ 5,95,000 ರೂ.  

5. Maruti Suzuki Ertiga - ನೀವು 7 ಆಸನಗಳ ಸಾಮರ್ಥ್ಯ ಹೊಂದಿರುವ CNG ಕಾರನ್ನು ಹುಡುಕುತ್ತಿದ್ದರೆ, ಮಾರುತಿ ಸುಜುಕಿಯ ಎರ್ಟಿಗಾ ನಿಮಗೆ ಉತ್ತಮ ಆಯ್ಕೆಯಾಗಿದೆ. ಈ ಕಾರಿನಲ್ಲಿ ಕಂಪನಿಯು 1.5 ಲೀಟರ್ ಸಾಮರ್ಥ್ಯದ ಪೆಟ್ರೋಲ್ ಎಂಜಿನ್ ಅನ್ನು ಬಳಸಿದೆ, ಇದು ಸಿಎನ್ಜಿಯಲ್ಲಿ 92 ಪಿಎಸ್ ಪವರ್ ಮತ್ತು 122 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರು CNG ನಲ್ಲಿ 26.08 kmpl ಮೈಲೇಜ್ ನೀಡುತ್ತದೆ. CNG ರೂಪಾಂತರವು Vxi ಮಾದರಿಯಲ್ಲಿ ಮಾತ್ರ ಲಭ್ಯವಿದೆ ಎಂಬುದನ್ನು ನೆನಪಿನಲ್ಲಿಡಿ. ಈ ಕಾರಿನ ಸಿಎನ್ ಜಿ ರೂಪಾಂತರದ ಆರಂಭಿಕ ಬೆಲೆ ರೂ 9.46 ಲಕ್ಷ.