Urvashi Rautela: ಬರ್ತಡೇಯಂದು 24 ಕ್ಯಾರೆಟ್ ಗೋಲ್ಡ್ ಕೇಕ್ ಕಟ್‌ ಮಾಡಿದ ಐರಾವತ ಚೆಲುವೆ!
ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಈ ವರ್ಷದ ತಮ್ಮ ಹುಟ್ಟುಹಬ್ಬವನ್ನು ಯೊಯೊ ಹನಿಸಿಂಗ್ ಜೊತೆ ಬಹಳ ಅದ್ದೂರಿಯಾಗಿ ಆಚರಿಸಿಕೊಂಡಿದ್ದಾರೆ.
ನಟಿ ಊರ್ವಶಿ ರೌಟೇಲಾ ತಮ್ಮ ಬರ್ತ್‌ಡೇಗೆ ಬ್ರಾಡ್ ನೆಕ್ಸ್ಟೈಲ್ನ ರೆಡ್ ಗೌನ್ ಧರಿಸಿ, ಕುತ್ತಿಗೆಗೆ ವೈಟ್‌ ಪರ್ಲ್‌ ನೆಕ್ಲೆಸ್‌ ಹಾಗೂ ಬಲಗೈಗೆ ವೈಟ್‌ ಪರ್ಲ್‌ ಬ್ರಾಸ್ಲೈಟ್‌ ಹಾಕಿಕೊಂಡಿದ್ದರು.
ನಟಿ ಊರ್ವಶಿ ಹುಟ್ಟುಹಬ್ಬದಂದು 24 ಕ್ಯಾರೆಟ್ ಗೋಲ್ಡ್ ಕೇಕ್ ಅನ್ನು ಖುಷಿಯಿಂದ ಹನಿ ಸಿಂಗ್ ಜೊತೆಗೆ ಕಟ್‌ ಮಾಡಿದ್ದಾರೆ. ಈ ಫೋಟೋಗಳನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಶೇರ್‌ ಮಾಡಿದ್ದಾರೆ.
ಊರ್ವಶಿ ರೌಟೇಲಾ ಸೋಷಿಯಲ್‌ ಮಿಡಿಯಾದಲ್ಲಿ ಪೋಸ್ಟ್‌ ಕ್ಯಾಪ್ಶನ್‌ನಲ್ಲಿ "ಲವ್ ಡೋಸ್ 2 ಸೆಟ್ನಲ್ಲಿ ಬರ್ತ್ಡೇ ಸೆಲೆಬ್ರೇಷನ್. 24 ಕ್ಯಾರೆಟ್ ಗೋಲ್ಡ್ ಕೇಕ್. ಥಾಂಕ್ಯೂ ಹನಿಸಿಂಗ್" ಅಂತ ಬರೆದು ರೆಡ್ ರೋಸ್ ಹಾಗೂ ರೆಡ್ ಹಾರ್ಟ್ ಎಮೋಜಿ ಕೂಡಾ ಹಾಕಿದ್ದಾರೆ.
ಐರಾವತಿ ಬೆಡಗಿ ಊರ್ವಶಿ ಮತ್ತೆ ತಮ್ಮ ಪೋಸ್ಟ್‌ನಲ್ಲಿ "ನನ್ನ ಪ್ರಯಾಣದ ಉಡುಪು ನಿಮ್ಮ ಉಪಸ್ಥಿತಿಯು ಕೃತಜ್ಞತೆಯ ಎಳೆಗಳಿಂದ ನೇಯಲ್ಪಟ್ಟಿದೆ. ನಿಮ್ಮ ದಣಿವರಿಯದ ಪ್ರಯತ್ನಗಳು ಮತ್ತು ನನ್ನ ಬಗ್ಗೆ ನಿಜವಾದ ಕಾಳಜಿ ನನ್ನ ವೃತ್ತಿಜೀವನದಲ್ಲಿ ಅದ್ಭುತ ಅಧ್ಯಾಯವನ್ನು ರಚಿಸಿದೆ. ನನ್ನ ಭಾವನೆಗಳ ಆಳವನ್ನು ನಿನಗಾಗಿ ಹಿಡಿದಿಡುವಲ್ಲಿ ಪದಗಳು ತತ್ತರಿಸುತ್ತವೆ" ಎಂದು ಬರೆದುಕೊಂಡಿದ್ದಾರೆ.
ಊರ್ವಶಿ ರೌಟೇಲಾ ಬರ್ತ್ಡೇ ಫೋಟೋಸ್‌ ವೈರಲ್‌ ಆಗಿದ್ದು, ಈಗಾಗಲೇ 11 ಲಕ್ಷಕ್ಕೂ ಹೆಚ್ಚು ಲೈಕ್ಸ್‌ ಬಂದಿದೆ. ಮತ್ತೆ ನೆಟ್ಟಿಗರು ಕಮೆಂಟ್ ಬಾಕ್ಸ್‌ನಲ್ಲಿ ವಾವ್ ಸೂಪರ್ ಕೇಕ್ ಎಂದು ಕಮೆಂಟ್ ಮಾಡಿದ್ದಾರೆ.