Vastu Tips: ಯಾವುದೇ ಕಾರಣಕ್ಕೂ ಬೆಳಗ್ಗೆ ಇವುಗಳನ್ನು ನೋಡಬೇಡಿ; ನೋಡಿದ್ರೆ ನಿಮಗೆ ಬಡತನ ಫಿಕ್ಸ್!
ನಿಮ್ಮ ಮನೆಯಲ್ಲಿ ಗಡಿಯಾರ ನಿಂತಿದೆ ಎಂದರೆ ಅದನ್ನು ಮೊದಲು ಹೊರಗೆಸೆಯಬೇಕು. ಮನೆಯಲ್ಲಿ ನಿಂತ ಗಡಿಯಾರವಿದ್ದರೆ ಅದು ನಿಮ್ಮ ಕೆಲಸಗಳನ್ನು ತಟಸ್ಥಗೊಳಿಸುತ್ತದೆ ಎಂದು ವಾಸ್ತುಶಾಸ್ತ್ರವು ಹೇಳುತ್ತದೆ.
ತೊಳೆಯದೇ ಇರುವ ಪಾತ್ರೆಗಳನ್ನು ಅಶುಭ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಬೆಳಗ್ಗೆದ್ದು ಇಂತಹ ಪಾತ್ರೆಗಳನ್ನು ನೋಡುವುದು ಕೆಟ್ಟದ್ದನ್ನು ಸೂಚಿಸುತ್ತದೆ. ಬೆಳಗ್ಗೆ ಎದ್ದು ಸ್ವಚ್ಛವಾದ ತೊಳೆದಿಟ್ಟ ಪಾತ್ರೆಗಳನ್ನು ನೋಡಬೇಕು. ಹೀಗಾಗಿ ರಾತ್ರಿಯೇ ಪಾತ್ರೆಗಳನ್ನು ತೊಳೆದಿಡಬೇಕೆಂದು ವಾಸ್ತುಶಾಸ್ತ್ರ ಸೂಚಿಸುತ್ತದೆ.
ರಾತ್ರಿ ಊಟದ ನಂತರ ಅಡುಗೆ ಮನೆಯನ್ನು ಸ್ವಚ್ಛಮಾಡಿ ಮಲಗಬೇಕು ಅಂತಾ ವಾಸ್ತು ಸಲಹೆ ನೀಡುತ್ತದೆ. ರಾತ್ರಿ ಮುಸುರೆಯನ್ನು ತೊಳೆಯದೆ ಹಾಗೆಯೇ ಮಲಗಿದರೆ ಆ ಮನೆಯಲ್ಲಿ ಬಡತನ ತಾಂಡವವಾಡುತ್ತದೆ ಎಂದು ವಾಸ್ತುಶಾಸ್ತ್ರವು ಎಚ್ಚರಿಸುತ್ತದೆ.
ಬೆಳಗ್ಗೆ ಎದ್ದು ಕ್ರೂರ ಪ್ರಾಣಿಗಳ ಚಿತ್ರಗಳನ್ನು ನೋಡುವುದನ್ನು ಅಶುಭ ಫಲವೆಂದು ತೀರ್ಮಾನಿಸಲಾಗಿದೆ. ಇದು ದುರಾದೃಷ್ಟದ ಸಂಕೇತವಾಗಿದೆ. ಬೆಳಗ್ಗೆದ್ದ ಕೂಡಲೇ ಕ್ರೂರ ಪ್ರಾಣಿಗಳ ಫೋಟೋ ನೋಡುವುದು ನಿಮ್ಮಲ್ಲಿ ಸಹ ಕ್ರೂರತೆಯನ್ನುಂಟು ಮಾಡುತ್ತದೆ. ಇದು ಸಿಟ್ಟು ಮತ್ತು ಒತ್ತಡವನ್ನುಂಟು ಮಾಡುತ್ತದೆ ಎಂದು ವಾಸ್ತುಶಾಸ್ತ್ರವು ತಿಳಿಸುತ್ತದೆ.
ಬೆಳಗ್ಗೆ ಎದ್ದು ಗೋವನ್ನು ನೋಡುವುದು ಇಲ್ಲವೇ ಗೋವಿನ ಫೋಟೋ ನೋಡುವುದು ಶುಭ ಫಲವನ್ನು ತರುತ್ತದೆ ಎಂದು ನಂಬಲಾಗಿದೆ. ಹೀಗಾಗಿ ಈ ವಾಸ್ತು ಸಲಹೆಗಳನ್ನು ನೀವು ಪಾಲಿಸಬೇಕು.
ಬೆಳಗ್ಗೆ ಎದ್ದೊಡನೆ ನಿಮ್ಮ ಹಾಗೂ ಇತರರ ನೆರಳನ್ನು ನೋಡುವುದು ಸಹ ಕೆಟ್ಟದ್ದು ಎಂದು ಹೇಳಲಾಗಿದೆ. ನೆರಳು ನೋಡುವುದು ರಾಹುವಿನ ಸಂಕೇತ ಎಂದೆನಿಸಿದೆ. ನೆರಳನ್ನು ನೋಡಿದರೆ ಆ ವ್ಯಕ್ತಿ ಆ ದಿನಪೂರ್ತಿ ಹಲವಾರು ಸಮಸ್ಯೆಗಳು ಮತ್ತು ಸಂಕಷ್ಟಗಳನ್ನು ಎದುರಿಸಬೇಕಾಗುತ್ತದೆ ಎಂದು ವಾಸ್ತುಶಾಸ್ತ್ರವು ಎಚ್ಚರಿಸಿದೆ.