Vastu Tips: ನಿಮ್ಮ ಮನೆಯಲ್ಲಿಯೂ ಇಂತಹ ಶೋಪೀಸ್‌ಗಳಿದ್ದರೆ ತಕ್ಷಣ ಹೊರಹಾಕಿ
1. ಈ ಪಕ್ಷಿಗಳ ಚಿತ್ರವೂ ಕೂಡ ಬೇಡ: ಕಾಡು ಪ್ರಾಣಿಗಳಂತೆಯೇ, ಹಿಂಸಾತ್ಮಕ ಪಕ್ಷಿಗಳ ಚಿತ್ರವೂ ಕೂಡ ಬೇಡ. ಮನೆಯಲ್ಲಿ ಒಂದು ವೇಳೆ ಗಿಡುಗ, ಬಾವಲಿ, ಕಾಗೆ, ಗೂಬೆಗಳಂತಹ ಪಕ್ಷಿಗಳ ಚಿತ್ರಗಳನ್ನು ಮರೆತೂ ಕೂಡ ಇಡಬೇಡಿ. ಕ್ರೂರ ಪ್ರಾಣಿ-ಪಕ್ಷಿಗಳ ಚಿತ್ರಗಳನ್ನು ನೋಡುವುದರಿಂದ ಮನೆಯ ಸದಸ್ಯರೂ ಕೂಡ ಕ್ರೂರ ಪ್ರವೃತ್ತಿಯವರಾಗುತ್ತಾರೆ ಎನ್ನಲಾಗುತ್ತದೆ. ಕುಟುಂಬ ಸದಸ್ಯರ ನಡುವೆ ಕ್ಲೇಶಗಳು ನಿರ್ಮಾಣಗೊಳ್ಳುತ್ತವೆ ಮತ್ತು ಮನೆಯ ವಾತಾವರಣ ಇದರಿಂದ ಅಶಾಂತಿಯಿಂದ ಕೂಡಿರುತ್ತದೆ ಎನ್ನಲಾಗುತ್ತದೆ.
2. ಕಾಡು ಪ್ರಾಣಿಗಳ ಚಿತ್ರ: ಮನೆಯಲ್ಲಿ ಕ್ರೂರ ಮೃಗಗಳು ಅಥವಾ ಮೃಗಗಳು ಬೇಟೆಯಾಡುತ್ತಿರುವ ಚಿತ್ರಗಳಿದ್ದರೆ ಅವುಗಳನ್ನು ತಕ್ಷಣ ತೆಗೆದು ಹಾಕಿ.ವಾಸ್ತು ಪ್ರಕಾರ, ಮನೆಯಲ್ಲಿ ಕಾಡು ಪ್ರಾಣಿಗಳ ಶೋಪೀಸ್ ಮತ್ತು ಹಿಂಸಾತ್ಮಕ ಪ್ರಾಣಿಗಳ ಚಿತ್ರಗಳನ್ನು ಬಳಸಬಾರದು. ಅಂತಹ ಪ್ರದರ್ಶನಗಳು ನಕಾರಾತ್ಮಕತೆಯನ್ನು ಹೆಚ್ಚಿಸುತ್ತವೆ ಎಂದು ನಂಬಲಾಗಿದೆ. ಅಷ್ಟೇ ಅಲ್ಲ, ಇದು ಮನೆಯ ಸಮೃದ್ಧಿ ಮತ್ತು ಪ್ರಗತಿಗೆ ಮಾರಕವಾಗಿದೆ.
3. ತಾಜ್ ಮಹಲ್- ಸಾಮಾನ್ಯವಾಗಿ, ಜನರು ತಾಜ್ ಮಹಲ್‌ನ ಶೋಪೀಸ್‌ಗಳನ್ನು ಮನೆಗಳಲ್ಲಿ ಇಡುವುದನ್ನು ನೀವು ನೋಡಿರಬಹುದು. ಹಲವು ಬಾರಿ ಜನರು ತಾಜ್ ಮಹಲ್ ಅನ್ನು ಪರಸ್ಪರ ಉಡುಗೊರೆ ರೂಪದಲ್ಲಿ ನೀಡುತ್ತಾರೆ. ತಾಜ್ ಮಹಲ್ ಅನ್ನು ವಿಶ್ವದ ಏಳನೇ ಅದ್ಭುತ ಎಂದು ಕರೆಯಲಾಗಿದ್ದರೂ, ಅದನ್ನು ಮನೆಯಲ್ಲಿ ಇಡುವುದನ್ನು ವಾಸ್ತು ಶಾಸ್ತ್ರದ ಪ್ರಕಾರ ನಿಷೇಧಿಸಲಾಗಿದೆ. ತಾಜ್ ಮಹಲ್ ಮುಮ್ತಾಜ್ ಸಮಾಧಿ ಎಂದು ಹೇಳಲಾಗುತ್ತದೆ. ಹಿಂದೂ ಧರ್ಮದಲ್ಲಿ, ಸಮಾಧಿ ಅಥವಾ ಸಮಾಧಿಯಂತಹ ಶೋಪೀಸ್ ಅನ್ನು ಮನೆಯಲ್ಲಿ ಇಡುವುದು ಅಶುಭವೆಂದು ಪರಿಗಣಿಸಲಾಗಿದೆ. ಆದ್ದರಿಂದ, ಅಂತಹ ಶೋಪೀಸ್‌ಗಳನ್ನು ಮನೆಯಲ್ಲಿ ಇಡಬೇಡಿ.
4. ನೀರಿನಲ್ಲಿ ಮುಳುಗುತ್ತಿರುವ ವಸ್ತು - ಅಧಃಪತನವನ್ನು ಸೂಚಿಸುವ ಕೆಲವು ವಸ್ತುಗಳನ್ನು ಮನೆಯಲ್ಲಿ ಪ್ರದರ್ಶಿಸುವುದು ವಾಸ್ತು ಶಾಸ್ತ್ರದಲ್ಲಿ ನಿಷೇಧಿಸಲಾಗಿದೆ. ಯಾವುದೇ ಮುಳುಗುವ ವಸ್ತುವನ್ನು ಅಧಃಪತನ ಮತ್ತು ಸೋಲಿನ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇಂತಹ ಪ್ರದರ್ಶನಗಳು ಮನೆಯಲ್ಲಿ ನಕಾರಾತ್ಮಕತೆಯನ್ನು ಹೆಚ್ಚಿಸುತ್ತವೆ. ಇದರೊಂದಿಗೆ, ಪ್ರಗತಿ ಮತ್ತು ಸಮೃದ್ಧಿಯಲ್ಲಿ ಅಡೆತಡೆಗಳನ್ನು ಉಂಟುಮಾಡುತ್ತವೆ. ಹೀಗಿರುವಾಗ, ಮುಳುಗುವ ದೋಣಿ ಅಥವಾ ಸೂರ್ಯ ಮುಳುಗುವ ಚಿತ್ರವನ್ನು ಮನೆಯಲ್ಲಿ ಇಡಬೇಡಿ.