ಜೋಡಿಯಾಗ್ತಿದ್ದಾರೆ ನೀರಜ್ ಚೋಪ್ರಾ-ಮನು ಭಾಕರ್! ಒಲಿಂಪಿಕ್ಸ್ ಪದಕ ವಿಜೇತರ ಮನದಲ್ಲಿ ಪ್ರೀತಿ... ಮದುವೆಗೆ ರೆಡಿಯಾದ್ರಾ ಕ್ರೀಡಾ ಜೋಡಿ?
ಪ್ಯಾರಿಸ್ ಒಲಿಂಪಿಕ್ಸ್ʼನಲ್ಲಿ ಭಾರತಕ್ಕೆ ಪದಕ ಗೆದ್ದ ನೀರಜ್ ಚೋಪ್ರಾ ಮತ್ತು ಮನು ಭಾಕರ್ ವೀಡಿಯೊ ವೈರಲ್ ಆಗುತ್ತಿದ್ದು, ಇವರಿಬ್ಬರು ಪ್ರೀತಿಯಲ್ಲಿದ್ದಾರಾ? ಎಂದು ನೆಟ್ಟಿಗರು ತುಂಟ ಪ್ರಶ್ನೆಗಳನ್ನು ಮಾಡುತ್ತಿದ್ದಾರೆ
ಅಂದಹಾಗೆ ವೈರಲ್ ಆಗಿರುವ ವಿಡಿಯೋದಲ್ಲಿ ಇಬ್ಬರೂ ಮಾತನಾಡುತ್ತಿದ್ದಾರೆ. ಆದರೆ ಕಣ್ಣಲ್ಲಿ ಕಣ್ಣಿಟ್ಟು ಮಾತನಾಡದೆ ನಾಚಿಕೊಂಡು ನೀರಜ್ ಮಾತುಕತೆ ನಡೆಸುತ್ತಿದ್ದಾರೆ. ಮತ್ತೊಂದು ವಿಡಿಯೋದಲ್ಲಿ ಮನು ಭಾಕರ್ ಅವರ ತಾಯಿ ನೀರಜ್ ಅವರಿಗೆ ಪ್ರೀತಿಯಿಂದ ಆಶೀರ್ವಾದ ಮಾಡುತ್ತಿದ್ದಾರೆ.
ಈ ವೀಡಿಯೋ ತುಣುಕುಗಳನ್ನು ನೋಡಿದ ನಂತರ ಸಾಮಾಜಿಕ ಜಾಲತಾಣಗಳಲ್ಲಿ ಜನ ಟ್ರೆಂಡ್ ಶುರು ಮಾಡಿದ್ದಾರೆ. ನೀರಜ್ ಮತ್ತು ಮನು ಲವ್ ಸ್ಟೋರಿ ನಡೆಯುತ್ತಿದೆ ಎಂದು ಹೇಳಲಾಗುತ್ತಿದ್ದು, ಹಲವರು ಈ ಸುದ್ದಿ ನಿಜವಾಗಲಿ ಎಂದು ಹರಸುತ್ತಿದ್ದಾರೆ.
ಮನು ಭಾಕರ್ ಅವರ ತಾಯಿ ಸುಮೇಧಾ ಭಾಕರ್ ಅವರೊಂದಿಗೆ ನೀರಜ್ ಚೋಪ್ರಾ ಮಾತನಾಡುತ್ತಿರುವ ವೀಡಿಯೊ ಹೆಚ್ಚು ಚರ್ಚೆಗೆ ಗ್ರಾಸವಾಗಿದೆ. ಅಂದಹಾಗೆ ಮನು ತಾಯಿ ನೀರಜ್ ತಲೆಯ ಮೇಲೆ ಕೈಯಿಟ್ಟು ಆಶೀರ್ವಾದ ಮಾಡುತ್ತಾ ಏನೋ ಹೇಳುತ್ತಿದ್ದಾರೆ. ಅಲ್ಲಿಂದ ಈ ಚರ್ಚೆ ಶುರುವಾಗಿದೆ.
ಮನು ಭಾಕರ್ ಅವರ ತಾಯಿ ನೀರಜ್ ಚೋಪ್ರಾ ರೂಪದಲ್ಲಿ ತಮ್ಮ ಮಗಳಿಗೆ ಜೀವನ ಸಂಗಾತಿಯನ್ನು ಕಂಡುಕೊಂಡಿದ್ದಾರೆ ಎಂದು ಹಲವರು ಸಾಮಾಜಿಕ ಜಾಲತಾಣಗಳಲ್ಲಿ ಊಹಾಪೋಹಗಳನ್ನು ಪ್ರಾರಂಭಿಸಿದ್ದಾರೆ.
ಇಲ್ಲಿ ಮದುವೆಯ ಮಾತುಕತೆ ನಡೆಯುತ್ತಿದೆ ಎಂದು ನೆಟ್ಟಿಗರೊಬ್ಬರು ಹೇಳಿದ್ದಾರೆ. ತನ್ನ ಅಳಿಯನನ್ನು ಹುಡುಕುವ ಕೆಲಸಕ್ಕೆ ಮನು ಅವರ ತಾಯಿ ಹೊರಟಿದ್ದಾರೆ ಎಂದು ಇನ್ನೊಬ್ಬ ವ್ಯಕ್ತಿ ಹೇಳಿದರೆ, ನೀರಜ್ ಚೋಪ್ರಾ ಈಗ ಅಳಿಯನಾಗಿದ್ದಾರೆ ಎಂದು ಇನ್ನೂ ಕೆಲವರು ಮಾತನಾಡಲು ಶುರು ಮಾಡಿದ್ದಾರೆ.
ಇನ್ನೂ ಕೆಲವರು ಕೊಂಚ ಹೆಜ್ಜೆ ಮುನ್ನಡೆದು, ಮನು ಭಾಕರ್ʼಗಿಂತ ಮನು ಚೋಪ್ರಾ ಹೆಸರು ಚೆನ್ನಾಗಿದೆ ಎಂದು ಹೇಳುತ್ತಿದ್ದಾರೆ.
ಅಂದಹಾಗೆ ನೀರಜ್ ಚೋಪ್ರಾ ಮತ್ತು ಮನು ಭಾಕರ್ ಹರಿಯಾಣ ರಾಜ್ಯದವರು. ಮನು ಝಜ್ಜರ್, ನೀರಜ್ ಚೋಪ್ರಾ ಪಾಣಿಪತ್ ಜಿಲ್ಲೆಯವರು. ಪ್ಯಾರಿಸ್ ಒಲಿಂಪಿಕ್ಸ್ 2024 ರ ಸಮಾರೋಪ ಸಮಾರಂಭದಲ್ಲಿ ಮನು ಭಾಕರ್ ಮತ್ತು ನೀರಜ್ ಚೋಪ್ರಾ ಅವರು ಭಾರತದ ಧ್ವಜ ಹಿಡಿಯಲಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ ಕೊನೆಯ ಕ್ಷಣದಲ್ಲಿ ಯೋಜನೆಯನ್ನು ಬದಲಾಯಿಸಿ, ನೀರಜ್ ಚೋಪ್ರಾ ಬದಲಿಗೆ ಪಿಆರ್ ಶ್ರೀಜೇಶ್ ಅವರನ್ನು ಧ್ವಜಧಾರಿಯಾಗಿ ಆಯ್ಕೆ ಮಾಡಲಾಗಿತ್ತು.